|
إقتباس:
عزيزي الرئيس يسوي اعمال خيريه خذ صفقه مسعد بصورة انسانيه بحته بتقولي كيف جايب مسعد عشان يونس الغنام بغرفه العلاج الله يستر بس منه ومن تخبطاته الادارية |
اذا ابن مساعد مايبي يقيل المدرب ومايبي يرحل ويخلينا مالنا الا شي واحد الا وهو مقاطعه الهلال و الوقوف امام النادي و الاحتجاج على بقائهم وطردهم من النادي الهلال هو الاهم مع ابن مساعد و المدرب السباك اتمنى عند حصول الهلال على اي بطوله او اي انجاز علشان يرحلون الفاشلين من الهلال ابن مساعد انت تقود الهلال الى الهاويه لانك تبحث عن استشمارات فقط لا غير الرحيل الرحيل هو الحل |
وأتمنّى من كلّ قلبي ما يجي أميرنا المحبوب بندر بن محمّد ويطلع في تصرح إنقاذا للموقف ويدافع عن ابن العم ويبرّر لنا أخطاءه وفشله لأن خلاااااص تعبنا وما عاد تنفع الأعذار والتبريرات ..( مثل ما حدث طبعا بعد البطوله الآسيويّه ) إذا ماراح تتخذ قرار في صالح الزّعيم ويريح الجماهير الغاضبه والمستاءه على الأقل ربي يسعدك لا تطلع تدافع عنهم ... |
- بما اني رديت في الصفحه اللي قبل ابي ارجع اكمل < اول مره يرد على المواضيع " بالعاده اناظر و أمشي " اصلاً الاداره المفروض من خروجنا المُذل بالاسيويه - استقالت بالنسبه لي موسمي انتهاء بعد خروج الهلال من الاسويه بس هذا ما يمنع اننا نحقق بطولات ! اداره ناجحه ( بالاعذار و الاستثمار ) ! لكن السؤال هناً ( الى وين يبي يوصل ابن مساعد بالنادي ؟ ) خلاص من ثاني موسم لك نفس الاخطاء ونفس الاعذار وفوق ذا مُستمر ؟ ليش ابي اعرف ! |
ابي اعرف وين اعضاء الشرف مايشوفون التخبطات اللي يسويها كيس الدقيق ومايسوون شي الوضع يحتاج تدخلهم ولا الهلال بيضيع |
إقتباس:
اذا عندك وجهة نظر نتناقش بدون ماتتفلسف مع احترامي لك عرفت شخصيتي من سطر واحد ترى انا متعصب جدا لكن شفت الظروف من جميع النواحي للمباراة وعرفت ان القادم اجمل والظروف حالت دون ذلك ولو كانت الظروف في صالحنا لـ انتقدت وطالبت .. ماهي نهاية المطاف |
إقتباس:
فريقنا قوي ! انت تتابع الهلال ! مع احترامي لك شلون قوي ؟ خط دفاعنا بالمباريات السابقه لاصارت هجمه للفريق المنافس لنا ! كل الجماهير الهلاليه ( يديها على قلوبها ) ترى ماله اي داعي نقول التحكيم ( الهلال ياما انظظظظلم تحكمياً ) لكن ما يتاثر وسط الملعب ويفوز ويدك الخصوم دك الخلل واضح يا عزيزي .. وهي الاداراه بس انت مو راضي تقتنع ! اداراه جابت هالمدرب = تتحمل طريقه عملـه عاجبك المدرب + عاجبك الهلال بدون صانع لعب + عاجبك تجيب المسلم ويجلس يحمي الدكه لزوري والمرشدي ؟ عاجبك المدرب بقتلـه لويسلي بخط الوسط + عاجبك بعد ب اجبار سلمان الفرج بالوسط الايمين ! + عاجبك ب ترك الشلهوب " صانع اللعب الوحيد بالفريق " بالاحتياط ؟! ماراح اتكلم عن خطط المدرب اللي كل يوم تشكيله وماراح اتكلم عن العاهات اللي بالفريق واللي ساكت لهم ابن مساعد و ما راح اتكلم عن التعقدات اللي يجيبها ولا نشوفها .. اشياء كثيييييره ! وتجي تقول هالكلام حدث العاقل بما يعقل يا رجل ! |
مع الزعيم في السراء قبل الضراء هناك أخطاء يجب أن نتلفاها أمامنا استحقاقات مهمة جدا سمو الأمير عبدالرحمن بن مساعد سمو الأمير نواف بن سعد كباتن الزعيم مدربه شكرا على مابذلتم ( قدر الله وما شاء فعل) ننتظر منكم المزيد ونحن معكم... أعزائي الرقم الصعب جمهور الزعيم لاتكن هزيمة النصر بابا للتشاؤم أنتم من بيدكم القرار في دعم الفريق سينهض لأجلكم أنتم ... أنتم فقط تحياتي للجميع... |
سأبدأ بآخر عباراتك ففيها محذور شرعي فلاشيء يمرض ولايموت اما موضوعك فالظاهر انك توك تدخل الشبكة من ثلاث سنين ويدل على ذلك انك تقول انها ثلاث نقاط وان الغضب وصل حد المطالبة بإقالة المدرب والرئيس اخي الكريم من قبل مباراة اولسان وعشاق الزعيم يقولون بأنه لايصلح كمدرب حتى قبل مباراة اليوم اماالرئيس فقد كتبنا وعلقنا منذ موسمين انه قد ويمكن يفهم بالشعر لكنه لم ولن يفهم كرة قدم ولا يفهم شعور المشجع الهلالي وانا لااؤمن بالتصنيفات في الشبكة ( مطبل ومندس ) لكن هناك شلة فرضت نفسها ويجب التحذير منها فقد تعدت مرحلة التطبيل الى الرقص على جراحنا وهي ( شلة الاخويا) الاخ عذب السجايا : كلمات الشكر لاتوفيك حقك انت الوحيددد اللي تكتب مايدور في خاطري وبكل حرقه لك الشكر لأنك مثال للهلالي الحـر |
إقتباس:
افضل خطوط الفريق اليوم خط الدفاع اوزيا عمل اضافه كبيرة كيف لو ااستمر في رتم المباريات سيبدع اكثر سوا ضبط لايقاع الدفاع اكثر من قبل هذا كله والمرشدي مصاب ف كيف ايضا اذا رجع .. مع العلم انه هدف واحد اللي دخل في مرمانا مباراة اليوم اذا تتكلم عن مباريات سابقة انا اتكلم من مباراة اليوم بعد قدوم المدافع الاجنبي والقادم اجمل الفريق بدون صانع لعب مسجل 46 هدف وهزم الاندية الكبار في الدور الاول اذا قلتلي بجهد لاعبين بقولك يعني في مباراة النصر اللاعبين ماقدمو شيء فلا تلوم المدرب يعني .. الخلاصه الكل يتحمل المسؤوليه |
بصراحه انا اؤمن بالرأي والرأي الآخر لكن ان في احد يمتدح كومبواريه غريبه:ranting::ranting::ranting: |
إقتباس:
- لما تقول لي افضل خطوط اليوم " الدفاع " يعني انت تعترف بداخلك ان المباريات السابقه كانوا حفله بس شلون افضل خط اليوم الدفاع ! ما شفت الشوارع اللي بجهه النامي ! صحيح ان البرزيلي قدم مستوى حلو اليوم لكن مازال الزوري و النامي يلعبون ! الى متى ؟ ترجع تقول ( هذا و المرشدي مصاب ؟ ) اتوقع ان اغلبيه جمهور الهلال يعرفون وش هالمرشدي اللي اتوقع انه اكبر عاهه مع الزوري مرت على تاريخ الهلال ! اتوقع عبدالرحمن بن مساعد يتحمل المسئوليه وما أحملها للاعبين ! حتى الكديش منهم ابن مساعد جالس يشوف كيف هالعينه من اللاعبين " دمروا الفريق وضيعوا نقاط + ومباريات مهمه " وبدون محاسبه ولا رقيب ! ولا طرد من النادي ؟ ويشوف مدرب يخترع تشكيلات و برضوا بدون رقيب ! بالاساس بدايه العمل = كانت خطـا .. مدرب فاشل و تعقدات فاشله ( منقان + هرماش + يوو .. وكملها اليوم بمسعد ) ثاني شي تقول ( الفريق بدون صانع العاب ) وكانك مبسوط من هالشي ! ياما تكلم الجمهور الهلالي بهالشي ووضح ان الفريق .. بدون صانع لعب ! ما تشوف وسط الهلال كيف فاضي .. ومافيه صانع لعب ينظم اللعب ؟ ما تشوف كيف الهلال يجلس يلعب طول المباراه ب العرض ولا يعرف يوزع كور الا بالعرض ؟ ترى ما اتكلم عن مباراه اليوم اتلكـــــم عن عّده مباريات ! سالفه ان الكل يتحمل المسئوليه خطاً يا عزيزي ( من أحضر هالمدرب ومن تاخر بالتعقدات ومن خلاا لاعبين من امثال الزوري والمرشدي والنامي يسرحون بالنادي ويمرحون هو وحده اللي يتحمل هالمسخره ) |
موضوعك لا بد ان يثبت لانه حسب ما تريده الادارة. ما ضيعنا الا التطبيل الاستثماري |
تسلم ليت كل الجمهور مثلك |
إقتباس:
انا ولله الحمد ادخل المنتدى من عام 2000 ولا احتاج لشهادتك قط .. اذا انت تشوف ان المطالبات بعد مبااراة اولسان صحيحة باقالة المدرب فهذي نظره فنية قاصرة وضحله لأبعد حد مباراة اولسان هي المباراة السادسه في الموسم وتحكم على مدرب ... ورأينا كيف الفريق تحسن مع مرور الوقت بتسع انتصارات متتالية بهزيمة النصر والشباب والاهلي والاتحاد |
| الوقت المعتمد في المنتدى بتوقيت جرينتش +3.
الوقت الان » 08:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd