السلام عليكم ...
بدون ما اشرح .....
بعد قرار نقلها إلى اللاذقية
انسحاب النصر من بطولة النخبة العربية
كتب عبدالله الفرج :
هدد الأمير عبدالرحمن بن سعود رئيس نادي النصر بانسحاب فريقه من بطولة النخبة العربية اثر قرار الأمانة العامة بالاتحاد العربي نقل اقامة البطولة من دمشق الى اللاذقية وأكد سموه في تصريح صحفي استغرابه التام من القرار الأخير وقال: ان ما حدث أمر مستغرب فلم يسبق ان نقلت بطولة من مدينة الى مدينة أخرى وحدوث مثل هذا سيؤدي الى انسحابنا وهو ما سندرسه مع اعضاء مجلس الادارة لاتخاذ القرار، وما يصدر من امانة الاتحاد العربي من قرارات غريبة هي بفعل فاعل والكل يعرف جيدا من هو الفاعل!
واضاف ان القرار الغريب يوضح ما يتعرض له نادي النصر من مكيدة، ونخشى حقيقة ان يظهر لنا في اللاذقية (بلقولة) آخر، والمفترض بدلا من اتخاذ هذا القرار وفي ظل تعذر استضافة دمشق للبطولة اعادة التصويت واسنادها للفريق البديل (النصر) اذ من غير المعقول مثلا ان يستضيف النصر بطولة تقام خارج مدينة الرياض..
واردف رئيس النصر قائلا سبق ان وعدنا بتنظيم بطولة ابطال الدوري للسنة القادمة، ثم قالوا استبدلناها بابطال الكؤوس وفي النهاية لم نحصل لا على هذه ولا على تلك؟!
ودعا الأمير عبدالرحمن اعضاء مجلس الادارة لعقد اجتماع مساء اليوم لاتخاذ القرار النهائي بعد ان وافق امس ثلاثة اعضاء هم (فهد الثنيان وأحمد الثنيان ومتعب العامري) اضافة الى رئيس النادي على الانسحاب وسيتم رفع ما سيتخذه المجلس لأعضاء شرف النادي.
---------------------------------------انتهى ---------------------------
http://www.alriyadh-np.com/sport/07-...news.html#5754

ياجماعه هذولا متى بيعقلون ويعرفون حجم انفسهم .. الى متى هذا الوضع ...!
قلنا كلمة الامير سلطان ستلجمهم .... ولكن .........!!!!!!!!
بالله كم نظموا من بطوله ليست من حقهم المشاركه فيها ... !!!!!!!

السلام عليكم ورحمة الله وبركاته

الاخ العزيز ابومنار كل عام وانت بخير اولاً وشكرا لك علي الاهداء الجميل ...

والله يابومنار هذولا ماينفع معهم شي وترى مثل ماقلت نصف النحشه شجاعه وهو احسن من يطبق هالمثل ... ولايهمونك هم يخططون لشي ابعد من كاذ والاتحاد العربي حليل في هالامور وبكرة يعطيهم بطوله هم حتي ماتاهلوا لها مثل مشاركتهم في البطولة السابقه ومع هذا يتكلمون يبون ياخذون الكاس وهم قدام الهلال وهذي مشكلتهم مع الاتحاد العربي بس ....


والسلام ختام

والله اللي ازعج العالم يا اخوان هذا ما يرتاح بدون مشاكل مدمن مشاكل واسئلوا جميع الاتحادات

وانت بالف صحه وعافيه اخي الحبيب سلمان ... :)
الحمدلله الذي لا يحمد على مكروه سواه ... والا صراحه تراهم والله تجاوزوا حدودهم كثيييير ومسكوت عليهم بشكل مقيت ....!!! مدري وين يستمدون قوتهم منه ؟؟
والله ياسلمان ان هالوضع غريب جدا ...!!! ماخذين راحتهم للاااااااخر ... محد مالي عينهم ..لا تقول لي لا يهمونك ... الواحد اذا ابتلى ووقع عليه ظلم وهو نظيف ... تكون غبينه ما بعدها غبينه ... اما اذا صار ظالم ما راح يهمه شي ..

اهلا اخوي عاشق الثمامه ... المشكله انه الحين ترى وصل لدرجة انه يتكلم ويقتنع بكلامه اقتناع تام .. لا هذي مهيب مشكله ... المشكله في جمهوره الضعيف اللي تبلد احساسه .. وقام يردد كلامه زي الببغاء ..

أخوي أبو منــار
كل عام وأنت بخير يالغالي (فرصه نعيدعليك :) )
مابقى إلا أن الأتحاد العربي يعطيهم بطوله ينضمونها ويفرحون بتنضيمها مع عدم السماح لأي فريق المشاركه بها حتى يستطيعون الفوز بها مع أني أشك في ذلك(حدهم المركز الثاني)
تبي الصراحه الدعوه طالت ومصخت وكل يوم مشككين في أتحاد...
مابقى إلا يشككون في قرارت مجلس الأمن الدولي واليونيسيف:) ومجلس الشيوخ الأمريكي...

هلا بالحبيب الغالي :)
وكل سنه وانت بافضل حال وصحه وعافيه... بعدين تراني معايدك :) نسيت ؟ ;)
هههههههههههههه .. اجل يلعبون لحالهم وياخذون الثاني :) لا تقول لهم هالكلام تراهم ما يستوعبون ويصدقون ويقعدون يلاجدونك ... ويحاقونك انهم بياخذونها :) والله ... ترا يسوونها ... ترا البلاده متأصله فيهم ..
تحياتي ...

اخوي ابو منار هذا الإنسان لا يعيش بدون مشاكل
وبالنسبه لإنسحاب اتحدا اداره النصر ان تنفذ هذا القرار!!!!!!!!!!!!
تذكر بعد المباراه الدوريه التى خسرها مع الهلال وكان ضحيه اخفاقهم السويل
هدد بالإنسحاب من بطولات للموسم

صباح الخير يا أبو منار وكل عام وانت بخير ( ثالث العيد وتوك تعايد ) . . . . . . .
انا قريت تصريح الامير عبد الرحمن في الجريدة وما خلى عادته في التصريح الجارح يوم يقول /
ان الاعراف الرياضية لا تجيز ان تقام البطولة في غير مدينة المستضيف فمثلاً في النصر لو استضاف بطولة هل يحق لي ان اقيمها في شرورة مثلاً ... !!!!!

انتهى كلامه ولاحظ في كلمته (( هل يحق لي )) استفراده في الرأي في النادي ...
ايضاً التجريح لمدينة سعودية بغض النظر عن مسماها ...

على العموم خلوهم في حالهم لان حنا مشغولين ها الحين في مربع غرب اسيا وبعدين بطولة العالم وتصريحه هذا يبي يشغل الجمهور الهلالي عن مباراة اليوم ....

كل عام وانت بخير ( اخيراً ) ........

وش يبون ذولا...
 

الاخ ابو منار :السلام عليكم ورحمه الله وبركاته

صراحه زي ماقلت العطه يا بطه وهذا هو حال النصر الان ... ولا وش يبون نعطيهم البطوله من اول شيءولا يحدودن المتأهلين وريحونا ...والله ما عرفنا للنصرويين ولا وش رأيكم يأخذون البطوله بدون مشاركه والله فكره...
عمومآ الهلال ينتظرهم على أحر من الجمر في اللاذقيه(والله الصيفيه هناك حلوة مرة)...

وبالتوفبق للازرقنا ...

وكل عام وأنتم بألف خير....

هلا بك ابو منار كل سنه اونت بخير
هههههه يسونها جحا وربعه

الاخ العزيز الحب المستحيل :
والله على قولتك ... يموت لو ما يصنع مشاكل ... لكن ارجع واقول مهوب منه والله ... من اللي شافه :)
الاخ العزيز ابو هاجر :
الحين المعايد مهوب ثلاثة ايام ؟؟ ولا ذاك العزا :( :) قال ايش قال الاعراف الرياضيه .. بالله وش يعرف عن هالاعراف الا اسمها !! زي ما قال عن احد الحكام انه : ليس له من اسمه نصيب !!! يعني من خلى ما طب فيه !!!!!
الاخ العزيز ولد ديرتي :) شباب سدير :) :
وعليكم السلام ورحمة الله وبركاته .. قالها مجنون سامي .. بيخلونهم ينظمون ويشاركون لحالهم وعساهم ياخذون البطوله ...:)
الاخ العزيز الشاطر :
هلا بك تهنا بك شبابك .. وانت بخير ... ترا والله يالشاطر تعبنا وانا نقول مهيب بعيده ويسوونها فعلا ... يعني المفروض نقلب الايه ونقول مهيب بعيده انهم يسوون كذا .... وكذا تعني هنا شي صح ومثالي :)
تحياتي للجميع ...

رئيس النصر يطالب بالحكام اللذين لا يعصون اوامره ومثل (العقيلي---المهنا----البشري----العمر) في تحكيم مباريات النصر وخاصه ضد الزعيم او الانسحاب كما تعودنا منه ................................

حبيبي .. هلا و غلا
 

والله ياأخي موضوعك مع الأسف ...( السبب هم ) ما فيه شيء جديد هم دائماً كذا ماندري وش يرضيهم ..
مع تقديري وإحترامي لك ..
وشكراً للجميع..

السلام عليكم ورحمة الله وبركاته ...
أخوي أبو منار صراحة أنا معجب بكتاباتك جداً ( واحد بكاش ) ...
صراحة ما هي غريبة عليهم هالسوالف ... اللي مشتكين أوكسير الفرنسي يسوون أكثر
وكل عام وأنتم بمشاكل ... قصدي بخير ( والله ضيعنا جحا و... )

مشاركات مشرفه
 

اختلف معكم بالراي فمشاركاتهم مشرفه
مره انسحبوا ومره مشتكين ان الباص تكسر ومره ان ماجد بردان ماقدر يلعب .
انا مادري وش مشكلتهم بالضبط ( يشتكون اكثر من ما يلعبون )
والله مشكله!!!!!!