محمد نامي إلى متى بيجلس بالنادي ؟ مبروك للنصر هاردلك للهلال ! - صفحة رقم 3 - نادي الهلال السعودي - شبكة الزعيم

راعي الرويال · #1 31/01/2013, 10:16 AM

اوافقك الرأي 100%
وحنا بصراحه تعبنا مع الاداره الحاليه يعني موسم واحد بس اللي قدمته للزعيم والباقي ..! ولاشئ
وكل ماتكلمنا قالو حنا اكثر اداره حققت بطولات في اخر 5 سنوات ! طيب وبعدين ترى مو شطاره منك ترى والله ضعف فالمنافسه والحين الانديه بدت تشتغل الاتحاد والاهلي والفتح والنصر بدت تتحرك وتجيب لاعبين وحنا مثل ماذكر صاحب الموضوع نقعد بعللنا ونزيد الطين بله

المطيري305 · #2 31/01/2013, 10:35 PM

إقتباس

الرسالة الأصلية كتبت بواسطة راعي الرويال


	اوافقك الرأي 100% وحنا بصراحه تعبنا مع الاداره الحاليه يعني موسم واحد بس اللي قدمته للزعيم والباقي ..! ولاشئ وكل ماتكلمنا قالو حنا اكثر اداره حققت بطولات في اخر 5 سنوات ! طيب وبعدين ترى مو شطاره منك ترى والله ضعف فالمنافسه والحين الانديه بدت تشتغل الاتحاد والاهلي والفتح والنصر بدت تتحرك وتجيب لاعبين وحنا مثل ماذكر صاحب الموضوع نقعد بعللنا ونزيد الطين بله

كلااااام سليييييم
الاندية الثانية تشتغل وتعالج الوضع بفترة التوقف
وتصحح الاخطاء ووتعاقد مع محترفين يخدمون الفريق
وحنا قاعدين على ذكريات راودي وغيره
وكل ما تكلمنا قالوا حققنا اكثر بطولات ياااخي الى متى تبي التاريخ او ماضيك يشفع لك
حنا عيال اليوم نبي شغل نبي ناس تخدم الفريق اللي مايفيدنا نبيعه ولا نفكر فيه
مو ادارة تطبطب على لاعب منتهي والا نجيب رجيع الاندية مو حاااله يا بشر

أبـو حيـه · #3 31/01/2013, 10:40 AM

محمد نامي

اي مهاراة يملكها هذا الاعب ماغير يمرر الكرة لاقرب لاعب بجانبه لاغير

ياخي البيشي موجود قسم بالله فرق السماء عن الارض

الجمهور امس الكل ضد وجوده بالملعب

التنسيق ولاغيره كفايه مجاملات

ياسرالثنيان ابوثنين · #4 31/01/2013, 10:49 AM

طيب تعرفون لاعب افضل منه على الاقل يغطي الخانه الان

المطيري305 · #5 31/01/2013, 10:38 PM

إقتباس

الرسالة الأصلية كتبت بواسطة ياسرالثنيان ابوثنين


	طيب تعرفون لاعب افضل منه على الاقل يغطي الخانه الان

سلطان البيشي _ محمد مسعد
او يتم تصعيد لاعبين من الأولمبي
خصوصا بخانة صناعة اللعب مثل الصانع او عبدالكريم القحطاني
والحين زلاتكو استلم الفريق الاول هو أدرى بلاعبين الأولمبي أتمنى
يوظفهم بشكل صحيح لو احتاجهم

متيم محمد نامي · #6 31/01/2013, 11:08 AM

اللي يدخل المنتدى الان تنسد نفسه من بعض المبزره خسارة فريق أصبحت على لاعب
وين حبيب قلبكم ماتكلمتم عليه طيحني سدحني اعتراضات كبتنية حرام كبتنية لبعض الأشكال بوجود الموهوب
الادارة ثم بعض جمهور الهلال المبزره هم سبب تدهور الفريق وسلامتكم

المطيري305 · #7 31/01/2013, 10:46 PM

إقتباس

الرسالة الأصلية كتبت بواسطة متيم محمد نامي


	اللي يدخل المنتدى الان تنسد نفسه من بعض المبزره خسارة فريق أصبحت على لاعب وين حبيب قلبكم ماتكلمتم عليه طيحني سدحني اعتراضات كبتنية حرام كبتنية لبعض الأشكال بوجود الموهوب الادارة ثم بعض جمهور الهلال المبزره هم سبب تدهور الفريق وسلامتكم

أنا مشجع هلالي ماني مشجع للاعب معين أو حاقد على نامي وغيره
أنا أتكلم عن منظومة فريق , عن نهج إدارة
وتمسكهم بلاعبين منتهين فنيا مايخدمون الفريق بالمرحلة الجاية
ليش مايتم تنسيقهم والإستفادة من المبلغ المالي " إذا أحد رضى ياخذهم !
لا تقعد تتكلم وتدخل بمواضيع مالها داعي
من جاب طاري الكبتنيه الحين !
يعني شايف ناس تصنع للمهاجمين عشان تلوم ياسر
ياسر امس حصل على فرصتين من عرضيات الشهراني مو ناامي #
ياسر حصل على ضربة جزاء تغافل عنها الحكم
بتقنعني انه هو سبب الخسارة ؟
أو وجود الكابتنيه معه هو سبب فوز النصر ؟
أصلا حرام أرد عليك وأعطيك أكبر من حجمك لأنك ماتفقه شي بكرة القدم
خلك مع لاعب ضد الآخر ونشوف ل وين بتوصل !

العنزي الهلال · #8 31/01/2013, 11:12 AM

أنا أحس في علاقه بين نامي والمدرب

ابو ساره12 · #9 31/01/2013, 11:12 AM

واضم لهم الزوري الي ماينفع لاسنتر ولا ظهير طبعا بقيادة التخبيص مدربنا الي ماعنده قراءة للمباراة

dozo_ksa · #10 31/01/2013, 11:29 AM

والله من جد محمد النامي المفرووووووووووض يفسخون عقده افشل لا عب على وجه الارض مدري كيف يلعب بالهلال

doby · #11 31/01/2013, 12:30 PM

نامي تفاجأ يكون اساسي وهو احتياط طول الدوري
اذا اللاعب نفسه تفاجأ وش تنتظرون
الهدف جا من خانته ماكان في تغطيه
ملاحظه الهلال في اغلب مبارياته دايم يرجعون الكوره للخلف يستلم ياسر يرجع الكوره يستلم لوبيز يرجع الكوره
ماداري ليه

" Remember Me " · #12 31/01/2013, 02:53 PM

إقتباس

الرسالة الأصلية كتبت بواسطة doby


	نامي تفاجأ يكون اساسي وهو احتياط طول الدوري اذا اللاعب نفسه تفاجأ وش تنتظرون الهدف جا من خانته ماكان في تغطيه ملاحظه الهلال في اغلب مبارياته دايم يرجعون الكوره للخلف يستلم ياسر يرجع الكوره يستلم لوبيز يرجع الكوره ماداري ليه

-

انا اقول لك ليش .. الكوره تلف وتدور وترجع ورى ليش !
لان مافيه صانع لعب يوزع لك اللعب
صار فريق مثل الهلال ( يعتمد اعتماد كامل على ياسر الشهراني ياخذ الكوره من الطرف الايسر ويرفع )
تخيل وين وصل بنا الحال بعصر هالرئيس ؟ عشان كذا قبل ما تسكر فتره الانتقالات الشتويه جماهير الهلال " تقطعت اصواتهم وهم يبون صانع لعب اجنبي عليه الكلام "
لكن يطلع لنا الرئيس يقول .. بهالعصر مو لازم صانع لعب !
وش تتوقع من رئيس نادي يقول هالكلام .. تتوقع انه يبي يقدم للهلال شي ؟
رئيس نادي فقير فكرياً ولا يفقه فَ كُره القدم الا كم جاب هاللاعب !
أعان الله الهلال و جماهيره .. بتخبطات هالرئيس

المتميز دائمآ · #13 31/01/2013, 01:11 PM

كلامك سليم الى متى يبقى نامي والغنام والكثير من العاهات

أتمنى أن يتم تنسيقهم كما فعلو مع العنقري وغيره الكثير وأن تعي الإدارة بأن وجود لاعب شاب صغير بالسن أفضل من وجود مثل هؤلاء

التفاح الاخضر · #14 31/01/2013, 01:26 PM

اول شي بسم الله الرحمن الرحيم

اخوي الهلال صعب جدا يجيب اجانب زي قبل ثلاث سنوات احسن اجانب هم .:

رادوي ، لي ينق ، نفيز ، ولهامسون << جيبولنا زي ذولنا بعدها نشوف المستوى
بتووفيق لزعيم هاردلك والتعويض جاي باذن الله

سبحان الله بحمده ،، سبحان الله العضيم اخي في الله اختي في الله

فن قلت سبحان الله وبحمده سبحان الله العضيم تمحو ذنوبك حتى ولو كانت مثل
(زبــــد الـبـحــر)

المعـاوي · #15 31/01/2013, 11:27 PM

محمد نامي لاعب موهوب
ولكن
السهر وسوء التغذيه وممارسات اخرى خاطئه تجعل مستواه في الحضيض