|
تختيم الالعاب في اليوتيوب الى متى!!!!! اول شئ ياشباب عارف ان موضوعي شاطح شوي بصراحة هذولي حقين اليوتيوب حقين الالعاب بالله وش يسحون فيه تختيم وماتختيم وش هالكلام الفاضي بالله مايستحون على وجيههم رجال كبار والبعض صار متزوج وباقي يلعبون حق اطفال والله اني مستغرب منهم بس انا مااقول لايلعبون ابد لا قصدي ماهو كذا اقصد 24 ساعة وهم ماغير تختيم في ذا الالعاب ماخلوا لعبة الا وختموها بس ماهو بهذي الطريقة صارت اكثر وقتهم مقابلين الالعاب ماعندهم ماعندهم دراسة بصراحة وش يحسون فيه والله انه عيب عيب ياخي اذا تبي تلعب العب في بيتكم ماهو تقلب اليوتيوب بلايستيشن على غفله ايضا عندي ملاحظة على قناة العاب في اليوتيوب حاطين شعار القناة صورة شيطان اعوذ بالله بالله عليكم وش يحسسسسسسون فيه؟!!! |
ياخوي انت وش فيكك جاي مطفي النور وماغير تهاوش هدد اعصابكك كل واحد وحر بعدين ماجو بيتك هم وازعجوك لاتتدخل فالناس ,, واليوتيوب ملك للجميع بعدين تدري ان البلاي ستيشن في اوروبا مهنة انت جالس هنا ماتدري وش السالفة هذولا ناس ينزلون مقاطع وياخذون فلوس وفي ناس رزقهم من ذا الالعاب والفلوس اللي تجيه وانت ماغير تهايط في المنتدى بعدين انت منت هاوي للبلاي ستيشن في ناس هاوين لها ..! وش اللي عيب وما عيب واذا صار شنبات ويلعب .. احد قالك انها حق مبزرة ؟؟. في ناس فاوروبا اقولك ياخذونها كمهنة وتراها ترفيه وتسليه وهواية وهي مثل الكورة اللي تعتبرها شغفك وهوايتك بعدين صورة الشيطان مو كلهم انت تقصد قناة دفلز قيم .. ياخوي وش دخلك فالناس ؟ هههههههههههه ماحط صورة شيطان شيطان صورة يعني قناة راح تكوش وبطلة قصده كذا ومافيها شي |
ههههههههههههههه شكلك ولا مره ختمت لعبه ومقهور |
والله صراحه موضوعك لاهو تساؤل ولا عتاب ولا نصيحه عجزت اصنفه صراحهفيه ناس تتحدى وتنزل مقاطع التحدي ولاهو عيب ولا محرم وبعضهم يسوي شروحات وبعضهم رزقه على هالمقاطع مثل ماقال اخوي مرعوب وبعضهم مبزره عنز بدو وطاحت بشسمه هههههه وبالاول والاخير تبقى حريات للاشخاص لكن اللي حاط شعارات شيطان ولا ماسونيه مانقول الا الله يهديه والنصيحه يالغالي ماتجي كذا علن قدام الناس اذا عندك شي وشايف شي على شخص ارسل له بالخاص بقناته وانصحه اما قدام الناس ماينفع |
إقتباس:
ثانيا تبغى الصراحة انا لست من هواة البلايستيشن علشان كذا انفعلت عليهم في موضوعي ارجوا انك تعذرني وتسامحني والله ماكان قصدي اني اتدخل فيهم |
إقتباس:
|
كل شي اطيقه الا الماين كرافت هههههه |
طيب وش عليك منهم ؟ وش اللى جاى تتحرش على الناس ؟ خلونا نتابع ختام الألعاب على اليوتوب وانت كمل دراستك والله يوفقك |
| الوقت المعتمد في المنتدى بتوقيت جرينتش +3.
الوقت الان » 04:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd