|
اسم النصر على التذاكر ...طيب ليش مانعاملهم بالمثل!؟ اكيد ان ادارتنا بدأت في بيع التذاكر لمباراة الاربعاء ولكن اتمنى من اللي اخذ تذكره يعطيني الخبر عن وجود اسم النصر على التذكره او عدم وجوده لان الكل عارف التهميش اللي تتخذه ادارة النصر لاسم الهلال في الثلاث سنوات الماضيه .. اتمنى ان تكون ادارتنا عاملتهم بالمثل ومنعت كتابة اسم ناديهم في التذاكر والمعامله بالمثل لان فريقهم لم ولن يصل لمستوى الهلال ...اتمنى منا كهلاليين ترك المثاليه اللي اضعفت موقفنا في كثير من المواقف ومن ضمنها العقوبات اللي تطبق على فريقنا بكل سهوله وكذلك تجراء الحكام على الهلال والتهاون في اعطائه حقوقه وآخرها الانبراشات العمانيه في مباراتنا مع الاتفاق من الاعب الخشن احمد حديد . طالبنا مرارا وتكرارا الوقوف بحزم من ادارتنا في مواقف كثيره ولكن للاسف ملينا من هذي الاسطوانه بدون أي نتيجه . يمكن البعض يقول الموضوع هذا عادي والمهم الفريق يلعب صح وانا اقول اكيد نتمنى نهزمهم في الملعب وفي نفس الوقت نعطيهم حجمهم الطبيعي بالمعامله بالمثل يعني ماهو معقول ان ادارتهم تستفزنا كهلاليين بحذف اسم هلالنا من التذاكر وادارتنا تكرمهم بكتابة اسم فريقهم. اخيرا اتمنى من الجمهور الهلالي الحضور بكثافه لان الازرق يعرف كيف يكسبهم بأقل مجهود حتى وهو ماهو في مستواه وتوقعي للمباراه فوز هلالي بفارق هدفين. |
الهلال مباراته داخل الميدان وهم يلعبون خارجه الهلال كبير يحترم الجميع ويفرض احترامه على الجميع اما هم فاحترامهم لانفسهم هو في التقليل من الاخرين الهلال لديه اهداف وطموحات في موسم واحد تفوق طموحاتهم وتاريخهم منذ تأسيس ناديهم اما هم فطموحهم خسارة الهلال وبطولتهم الفوز عليه لاتهتم لهم فالهلال والهلاليين لايجهلون آداب التنافس اذا كانوا هم يجهلونها او يتجاهلونها |
لا تسوي مثل الجاهل لجل ما تصير مثله بختصار |
هم عقولهم ناقصة فارغة تبينا نصير مثلهم تافهين !! |
والله ياعزيزي هم طبعهم النجاسة وقلة الذوق وعدم الاحترام وشف حال فريقهم اخر ثلاث سنوات كما ذكرت وحال فريقنا !!! ... ودي لك |
صور التذاكر نزلت في موضوع التغريدات اعتقد فيها اسم النصر ... ليه مانعاملهم بالمثل الجواب ببساطه علشان احنا ملوووووووك يعطيك العافيه ... |
إقتباس:
الله يرحم والدين ربوك ياشيخ |
اقترح على الاداره حذف مثل هذه المواضيع ..ياخي ما طبعوا الشعار يعني ماراح ناخذ الـ 3 نقاط ؟ خل تفكيرك اكبر منهم .. طموحاتهم ضعيفه جدا والهلال اكبر منهم |
مع احترامي لكل الآراء لكن ماهو الهلالالالالالالالال اللي ينطمس اسمه وفي نفس الوقت يقوم برفع اسم من طمس اسمه والله لو حركتهم القذره هذي صدرت في عهد ادارة بندر بن محمد او محمد بن فيصل ماكان شفتم اسم الفقر على تذاكر الهلال ولكن المثاليه مع من لايستحقها تجيب حرقان في المعده . |
إقتباس:
تحياتي لك ومعرفة شرواك شرف كبير اول مره اقولها |
الهلال لا ينزلق خلف الامور فهو كبير لا يتصرف الا كالفرق الكبيرة. |
الرياضه احترام قبل ان تكون لعبه .. اذا انت تلعب مع شخص قليل ذوق .. هل من المعقول تصير مثله ؟! الهلال قادر يكسب النصر داخل المستطيل الاخضر .. النصر غير قادر لذلك هم يحاولون يشغلون جماهيرهم بهذه الاشياء .. وبصـراحه لو ادارة الهلال تشيل شعار النصر من تذاكر المباراة راح انتقدها وراح تسقط من عيني .. وبالتوفيق للهلال يوم الاربعاء |
جيمع الفرق تضع اسم وشعار الفريق المنافس على تذاكر المباراة الا النصر لا يضع اسم وشعار الهلال على التذاكر وهذا مايهزمهم في انفسهم فبل هزيمة الهلال والهلال ليس من عادته الرد على السفهاء ومقابلة الاساءة بالاساءة (هذا اذا اعتبرناها اساءة) اللهم وفق الهلال في هزيمة النصر وابعد عنهم بطولة الانتصار علينا واجعل الدوري والكؤوس من نصيبه يارب العالمين |
إقتباس:
|
ياحبيبي أنت ناديك اسمه الهلال تعرف وش معنى الهلال... كبير في كل شي بالله،، ماضحكنا ولازلنا نضحك على تصرفات بعض الاندية الصغيرة ؟ مثل نادي الفقر مثلا ترا ذا الحركات المتخلفة اللي يسوونها نتاج طبيعي للاحباط اللي يعيشونه، وهم نفسيا يشعرون بتحسن في كل مره "يحقرون" أو يتجاهلون الزعيم، لان هذه التصرفات تعتبر متنفس لهم لتفريغ شحنات الاحباط والحزن المتكرر والتي يذيقها الزعيم لهم في كل مواجهه ومع كل بطوله يحققها زعيم اسيا. فهل ياترى في اعتقادك أننا كزعماء بحاجة لمثل هذه التصرفات الصبيانية؟؟؟؟ هل تشعر أن نادي مثل الفقر سبب لك أي نوع من الضغط او الاحباط خلال العقد الماضي :) أنا لا أعتقد ودمتم |
| الوقت المعتمد في المنتدى بتوقيت جرينتش +3.
الوقت الان » 05:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd