|
لن أشاهد الديربي يوم الأربعاء والسبب هنا.. وإذا عرف السبب بطل العجب بسم الله الرحمن الرحيم يوم الاربعاء مبارة الديربي بين الهلال الضائع والنصر المنتشي لا احد يعلم او على الاقل يتنبأ بما سيحدث في المباراة لان الفريقين في هالمناسبة اصبح وضعهم متساوي تماما بعد ان كان الهلال وعلى مدى العشر سنوات الاخيره افضل من النصر بمراحل وكان كل المؤشرات تشير لفوزه على النصر مهما كانت المغريات النصراوية حاضره والاصرار بالفوز. لكن هالمباراة غير والسبب في مدربين الفريقين فقط فقط فقط مفارقة مدرب الهلال له ست شهور وهو مو قادر يعمل تشكيلة مناسبة وتوليفة وتكتيك حسب امكانيات لاعبيه ومازال يجرب ويعدل في كل مباراة الهلال هالموسم مثل الموجات مباراة او مباريتين يكون مستواه عالي وبعدها يكون مستواه سيء واداءه ركيك مهما كان الخصم .. صحيح فزنا بالاربعه والثلاثة على الاهلي والنصر والشباب لكن مستواهم كان سيء والكل شاهد مستوياتهم في بداية الموسم بعكس النصر الذي جاء مدربه الجديد وانتشله من مستوى سيء في غضون اسبوعين وعرف امكانيات لاعبيه ووضع لهم تكتيك وتنظيم ومنهجيه ثابته في جميع المباريات والكل شاهد مستواهم وانتصاراتهم وحتى ولم يخسروا الامباراتهم الاخيره امام الاهلي ليش لان المدرب خبص الشوط الاول لكنه عدل وضعه في الشوط الثاني هنا يكمن الفرق بين المدرب الفذ الذي يتدارك اخطائه وبين المدرب السبك اللي لمازال يعبث ويعجن ويلت في الفريق باختصار الهلال هالموسم احرق قلوبنا ونحن جماهير الهلال ماتعودنا والله العظيم لي اكثر من 27 سنة اشجع الهلال وعشت الحلوه والمره مع الهلال وصحيح جات اوقات الهلال نزل مستواه في بعض المواسم ولم ينافس على اللقب لكن كان فيه تنظيم وكان فيه مستوى وكان فيه روح بس هالسنه لاروح ولاحماس ولا تنظيم ومستوى سيء حتى لو فاز الهلال لم يكن فوز مقنع سوى في بعض المباريات والسبب هو المدرب بالنسبة لي لن اشاهد الديربي ليس خوفا من الهزيمة قد ننتصر على النصر كما ذكرت فالكفتين متساوية هالمره لكن لكي ابتعد عن القلق النفسي والتوتر والعصبية لان تخبطات المدرب عصفت بالفريق كثر انتقادنا في الاونه الاخيره لكن السبب هو المدرب والنقد للادارة لانها لم تغيره من قبل هالوقت وكل المحللين يعرفون وحتى المنافسون ان هذا المدرب سيء وان اللاعبين هم سبب الانتصارات والا المدرب متخبطء وهو السبب في نزول مستوى بعض اللاعبين فهو يشركهم في غير مراكزهم !!! لكن الرئيس مصر على عدم تغييره اتمنى من كل قلبي فوز الزعيم ومواصلة مطاردت الفتح الرائع اه يالفتح أعطني مدرب وروح وحماس وبس |
اخالفك الراي تماما اذا كان على كلامك فنحن جماهير فوز فقط وانا وكل الزعماء ضد هذا الشئ ااااخ بس ياليتني في الرياض عـ العموم الموجودين فيهم الخير والبركة |
سلامتك والله لاتشاهد المباراة بأذن الله سيشاهده الملايين وسيفرحون ان شاالله)). |
اذا ما بتشاهد غيرك بيشاهد |
ياليت المباراة في الشرائع |
على فكره كلامي ليس تحبيط لكم لكن كفايه عبث ليس عيب ان يخطأ الشخص لكن العيب الاستمرار في الخطأ والاصرار على الخطأ الكل يعلم ان علة الفريق بالمدرب وسعادة الريس رافض يغير المدرب |
طيب مع نفسك حضرت او ماحضرت وهذا ان دل دل على انك مع الفريق في حالة الفوز واما في الخساره فأنا عدوك يا هلال وبموضوعك هذا تحاول او بطريقه اخرى انك تحبط الجماهير وانهم ما يحضرون المباراه القادمه بتقول مدرب وما مادرب ومن هالكلام احنا عارفين ان المدرب فيه ومافيه بس انت مقتنع ان اقالة المدرب في نصف الموسم جيده ..؟؟؟ لنرفض ان الاداره مشت مع العاطفين او بالاصح المضحوك عليهم من الاعلام الاصفر واقالة المدرب ..؟ من المدرب الي راح يمسك الفريق .؟؟؟ وهل تعتقد يكون خلال هالفتره مدرب ذو كفائه عاليه ولا يدرب نادي .؟؟ كلمنا بالمنطق وبالعقل الانتقاد متروك الي نهاية الموسم فـ لماذا نسبب شوشرهـ وانتقاد ولحد يمك .؟؟ انا ماراح اضرب لك امثله في انديه موجودهـ شوف وضعها وترتيبها ومشاكلها هل شفنا جماهيرهم واقفه ضد ناديهم او مساندتهم وشوف حضورهم للملعب.. وأخيراً مهما كثرت المواضيع ضد الزعيم زاد حضوري للزعيم وحبي له |
معليش خلهم يفوزون هالمره وهذي الكوره فوز وخساره علي الاقل نرتاح من اعلامهم والمهبل اللي مصدقين اعلامهم |
لا احد يتعجب فعلا هذا هو جمهور الرياض واقرب مثل هذا شوفوا وش يقول يقول اشاهده يفوز ولاكن الان مافي تكتيك مع المدرب !! يعني يبي الفوز ولا يبي الخسارة وقالها انا اشجع !! >عذراً ايها المشجع فأنت تكلم عشاق وليس مشجعون انا اعشق الفريق ومعه لو يخسر 10000 مرة وخلك في بيتكم >وهذا بدال ماتقول ابحظر تقول ماني مشاهد المباراة ياجماعه انا ماكرهني بالهلال غير جمهوره يالله يارب ترزقنا جمهور كـ جمهور الاهلي |
طيب مع نفسك حضرت او ماحضرت وهذا ان دل دل على انك مع الفريق في حالة الفوز واما في الخساره فأنا عدوك يا هلال وبموضوعك هذا تحاول او بطريقه اخرى انك تحبط الجماهير وانهم ما يحضرون المباراه القادمه بتقول مدرب وما مادرب ومن هالكلام احنا عارفين ان المدرب فيه ومافيه بس انت مقتنع ان اقالة المدرب في نصف الموسم جيده ..؟؟؟ لنرفض ان الاداره مشت مع العاطفين او بالاصح المضحوك عليهم من الاعلام الاصفر واقالة المدرب ..؟ من المدرب الي راح يمسك الفريق .؟؟؟ وهل تعتقد يكون خلال هالفتره مدرب ذو كفائه عاليه ولا يدرب نادي .؟؟ كلمنا بالمنطق وبالعقل الانتقاد متروك الي نهاية الموسم فـ لماذا نسبب شوشرهـ وانتقاد ولحد يمك .؟؟ انا ماراح اضرب لك امثله في انديه موجودهـ شوف وضعها وترتيبها ومشاكلها هل شفنا جماهيرهم واقفه ضد ناديهم او مساندتهم وشوف حضورهم للملعب.. وأخيراً مهما كثرت المواضيع ضد الزعيم زاد حضوري للزعيم وحبي له |
- اختصصصصآر لكل شي .. الهلآل بيفوووووووووز بإذن الله ورآح تششوف :) |
بإذن الله نفرح جميعآ بفوز كبير للملكي.... اهم شي الحضور والمساااانده.... |
و ان كنت أتفق معه في وضع الهلال لكن اختلف معه كليا في الدعم .. ولكن هذا طبع جمهور الرياض جمهور الفوز و المجان فقط رضي من رضي و أبى من أبى . جمهور العاصمة للهلال.. جمهور مجان جمهور فوز جميع مدن المملكة حضر فيها جمهور الهلال انطلاقاً من مكة فقد غلبوا جمهور الاتحاد بحضورهم رغم كثرة جمهور العميد في مكة و جدة ولكن الهلالي حضر وكل من ينتمي للهلال حضر . وستشاهدون في آخر مباراة التي تجمع الهلال والأهلي في الشرايع كيف سيكون الجمهور الهلالي . سنحضر ولو كان الهلال خاسراً للدوري . سنحضر جمهور الشرقية بيض الوجه . نجران بيض الوجه . القصيم بيض الوجه وين ما تروح تلقى جمهور يبيض الوجه الا الرياض .. أعذارهم .. مرة برد .. ومرة حر ... وكلها كلام فاضي في روسيا يحضرون والدرجة 10- وعندنا كلام فاضي بس اعذار كذا أي كلام |
مشجعين الهلال الفائز فقط حطو حجتهم المدرب وانهم ماراح يحضرون صدقني حتى لو حضرت المباراه بتشاهد الشوط الاول فقط واول خمس دقايق من الشوط الثاني واذا لم يتم تسجيل هدف للهلال او سجل في الهلال هدف طلعت من الملعب معروفه هالنوعيه تشجع الفريق الفائز فقط |
اختلف معاك كثير كل عمل في كل العالم معرض للخطأ و اذا انت تشوف ان كومباريه غير مقنع غيرك يثق فيه اذا ما تثق في فريقك الفريق ليس بحاجتك لا تعتقد ان فوز الهلال مرتبط بمشاهدتك للمباراة نجوم الزعيم شربو الديربي و يعرفون صعوبة المباراة و بالنسبة لي في هالموسم نجوم الزعيم يظهر مستواهم امام الفرق الكبيرة و ارجع للمباريات زعيمنا ضد الشباب و النصر و الاهلي و الاتحاد تجد الفوز مستوى و نتيجة |
| الوقت المعتمد في المنتدى بتوقيت جرينتش +3.
الوقت الان » 11:46 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd