|
اصبروا على كومباريه,, الرجال محتاج وقت كثير!! أنا ماغلطت في العنوان,, ياجمهور الهلال, اصبروا على كومباريه.. الرجال مجتهد, ولايلام المرء بعد اجتهاده.. الواضح ان هذا هو كل ما عند هذا المدرب.. حاول وحاول وحاول,, وغير في التشكيلة,, وسوى كل شي ممكن يسويه مدرب,, بس مافي أمل!! في البداية.. ..جرب الشهراني لاعب وسط على الأطراف,, وجربه في الظهير الأيسر وثبته في المركز>> (كويس) ..جرب الفرج محور متقدم,, وجربه ظهير,, وجربه وسط أيسر,, وجربه وسط أيمن!! ..وجرب نامي ظهير,, وسمع انه في الاصل لاعب وسط ايمن,, وصار ينزله ورقة رابحة في الوسط الايمن!! ..وماناسبه الشلهوب في صناعة اللعب!! صار ينزله ورقة رابحة في الوسط الأيسر!! ..واستخدم هرماش لاعب حر في وسط الملعب >> (يعني بتاع كلو)!! وجربه محور متقدم,, وجربه محور متأخر,, ..وجرب المرشدي .. وجرب المسلم ..وجرب الزوري .. وجرب ويسلي راس حربة,, وجربه مهاجم ثاني,, وجربه صانع لعب,, واستقر به الحال بتثبيته في مركز المهاجم الثاني >> (كويس) ع العموم,, اللخبطة اللي فوووووق هذي اللي صايرة, معناتها ان الرجال جالس يحاول,, صح ولالا يعني ياجمهور الهلال عندكم حاجة من 2 ..يا أما تصبروا عليه عشان لاتموتوا من القهر..:s2: ..أو تصبروا عليه عشان لاتموتوا من القهر..:s2: ياجماعة الادارة ماراح تلغي عقده بهذي السهولة,, راهنت عليه في بداية التعاقد وهي صابرة عليه , على أمل يحقق بطولة كبيرة, وبكذا تكون ما أخطأت بالتعاقد معاه!! يعني التجارب الكثيرة اللي جالس يسويها في الفريق, مابتستمر طول العمر,, الرجال صدقوني راح ييجي يوم ويثبت على تشكيلة:s2: اللهم صبرني اللهم صبرني اللهم صبرني قلتها 1000 مررررة الهلال يحتاج مدرب تكتيكي, مدرب مايكون حافظ طريقة لعب ويسمعها مع كل فريق!! الهلال يحتاج لمدرب يفصل طريقة لعب تناسب امكانيات لاعبيه.. ماراح اتباكى على كوزمين,, بس مثال وكلنا عشناه,, طريقة الهلال مع كوزمين كانت تعتمد على مهاجم وحيد >> (ياسر) لتقوية الوسط بتعويض المحور المتأخر (المساند للدفاع) أما طريقة العين اعتمدت على مهاجمين (ياسر وأسامواه) المدرب الكبييييير مايكون حافظ لطريقة ويسمعها:yes: المدرب الكبيييير يفصل طريقة تناسب فريقه.. اللهم صبرني اللهم صبرني اللهم صبرني آسف على الاطالة سلاااااام |
انا معك لازم نصبر على كمبوارية 6 سنوات على الاقل لين يثبت على توليفه وبعدها خمس سنين يثبت على تكتيك ثم سنتين يعرف بلتغييرات السالفة كلها 13 سنة |
اصبر على كمبواريه اذا الاداره احضرت مساعد وطني له وكلفت مدير للفريق وجلبت ظهير ايمن ونسقت نامي والغنام وصعدت سويد البيشي والعازمي بحيث استطيع ان ارى عملا لا تناقضات والخاسر الهلال ولو كانت الحلول صعبه اوغير موجوده لصبرنا لكن كارثه ان يكون مصير الفريق بيد من لا يفقه بالكره شيئا فلن ينجح أي شخص(المدرب بالذات) الا بعد جهد جهيد شكرا لك |
مشكورين على المرور شبااااااااااااااب الله يعين |
م اقوووول الا ليت الزمن يرجججع ورى والا الليالي تدور .. >> 2010 |
لا صبر ولاغيره اسابيع ان شاء الله وهومطرود شر طرده---هذا اذا ما انطرد يوم الاربعاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
كلامك صحيح كومبارية إدخار للأجيال لا تطالبونه بشئ بجيلنا لو سمحتم بأجيال أولادنا أو أحفادنا ههههههه شر البليه ما يضحك |
لين يضيع كل شي ونصير بدل مانفرح نحزن مدرب من بدايه الموسم مع الفريق وماله لمسه واضحه على الفريق بعض المدربين يجونك من نص الموسم بس يغيرون تغيير جذري على الفريق ومستواهم واقرب مثال لك مدرب الاتحاد والنصر اما حنا قبل كل مباراه نحط ايدينا على قلوبنا حتى من الفرق الصغيره نخاف تهزمنا بعد ماكنا واثقين من الفريق الله يستر من القادم قدامنا مباريات قوية والله يستر من يوم الاربعاء |
إقتباس:
هههههههههههههههه ردك أليم صراااااااااااااااااااااحة |
أنا كتبت بعد مرور 6 مباريات لعبها الهلال منذ قدوم .. كم بواريه (3 بواري روسي طوط طوط طوط) وقلت الهلال مع هالكمبروايه يخوّف ؟ والقضية بطولات موسم كامل وليست بطولة واحدة وعلة المدرب أنه يفلح في مباراة ويخفق في مبارتين واللي بالشكل هذا ماراح يحقق بطولات أبدا ومن أبرز عيوب المدرب ضعف قراءته لبعض المباريات وكذلك تأخره الدائم في التغييرات (التبديلات) وتخبطه فيها وطبعا قبل هذا كله كثرة تغييرمراكزاللاعبين ولاعب الهلال في الوقت الحالي كل يوم له مركز ولاننسى أخطاء الأدارة في التخلي عن هوساوي ومانقان وهم سناترالفريق في عزالدوري وأقولها صراحة في ظل تواضع قدرات كمبواريه ومثالية الأدارة التي نفعت الخصوم أكثرمن نفعها للهلال أقول لو حققت الهلال بطولة كبيرة فسيثبت أنه كبيرفعلا وأقوى من كل الظروف |
بجد لازم نصبر عليه للمباراة الجايه بس نشوف كيف بيقدم وبعدها لكل حادث حديث ........................... حلوه نصبر عليه 6 سنوات هههههههههه نامي ورقه رابحه <<<< لاتعليق قصدك ورقة خاسرة هههههههه |
اتمنى فوز النصر اذا هو سبب مقنع للاداره لالغاء عقد كمبواريه |
آلمدرب ب يودينا لستين دآهيه ,آلله يسستر بس |
المدرب إذا جلس أكثر من كذا .. ودعوا البطولات وترحموا على هلالنا ... |
آآآآآآآآآآآآآآآآآآآآه يااااااااااا قلبي ... ( صبر جميل والله المستعاااان ) |
وياااااا ليت عااااد لمّا نفوووووز بإذن الله على النّصر بمجهوووود اللّعيبه كالعاده ما ننسب له الفضل بعد الله ونقووووول أخيرا لقى التايهه ونجح.. |
باقي امر واحد انه يجربني بعد في اي مركز ويجرب رئيس النادي ايضا == كان المنتخب السعودي مع ناصر الجوهر ماشي كويس لولا نقص لاعبين مهمين ياسر ونور وايضا الاخطاء التحكيمية جاء بعده بيسيرو فلم يثبت على تشكيلة طوال المباريات الرسمية والودية حتى ضاعت هوية المنتخب وعجز ريكارد عن اعادت هذه الهوية وهذا ما اراه يحصل في الهلال الآن وفي مباراة النصر القادمة سنرى تشكيلة جديدة الهلال هذا الموسم يفوز بإجتهادات اللاعبين فقط |
ياشيخ طيييييييييير إلى متى نصبر |
من جدكم قسم ماراح يفرطو فيه الا بعد الخسارة في الأسيويه |
السلام عليكم ياشباب المدرب ممتاز نبي الصبر الصبر ياشباب |
بصراحة اذا كان النظام يسمح اتمنى تجربة السديري من حارس لراس حربه او لاعب طرف يمكن ماحد اكتشفه فهالمراكز المدرب راح ينطرد بعد خسارة كاس ولي العهد خصوصا اذا كانت من نادي النصر و طبعا قبلها بنكون فقدنا امل الفوز بالدوري عبدالرحمن معي يقتنع ان هالمدرب اما .... حاقر لاعبينا و فاهم الهلال غلط او يبي يروح و جالس يهبب بالفريق بالمختصر هو يشوف الهلال و اللاعبين لا شيء |
موضوع قامد اووووي ^^ وصراحه لاتعليق بعد كل هالكلام! |
انت قلتها اخي العزيز في موضوعك جرب الاعبين في كذا مركز ؟؟؟؟؟ يعني هذا يدل انه متخبط ارعن غير مبالي ، المدرب الذي يريد تجريب لاعبين في غير مراكزهم حالتين 1 إما مباراة ودية إستعداديه او تمرين 2 في حال عدم وجود تبديل في نفس المركز في نفس المباراة اي انه لا يوجد ظهير ايمن او ايسر و تشرك لاعب محور مكانها والسبب انه لا يوجد على دكة البدلاء ظهير هذ انا اتفق معك . إذا تبي تصبر على المدرب ، وش راح يعمل في بطولة اسياء و ش راح يعمل في كأس ولي العهد و كأس الملك هل المدرب سيضع تكتي معين للفريق العين الأماراتي في البطولة الاسيويه مع العلم اني انا ارقاب مباريات العين في الدوري قوة هجوميه و خط وسط ناري ومدربهم معروف كوزمين الذي دربنا ، ويمتاز بأفضلية إمتلاك خط الوسط ، ماذا سيعمل مدربنا معهم ؟؟؟ . بس المدرب يجرب الاعبين في غير مراكزهم في المباريات الرسميه ؟؟؟؟ عجباً على هذا المدرب تلعب بتكتيك هجومي بمهاجمين بدون صانع للعب ؟؟ عجباً ايضاً التبديلات التي تحصل في كل المبارايات هي نفسها في كل مباراة إخراج مهاجم إنزال مهاجم إخراج وسط إنزال وسط بدون تغير تكتيك ؟ للأٍسف المدرب اخذ كفايته لم يثبت على تشكيله معينه ، لم ارى الهلال منذو زمن بهذه الوضعيه مهتزه تكتيكياً ، ولست انا من يقولها قالوها جميع المحللين و النقاد الهلالليين المعروفين فقط . اتمنى نهاية الموسم صرف النظر على المدرب لانه من وجهة نظري اشباه مدرب وليس مدرب ، الذي يجرب لاعبينه في مباريات رسميه في غير مراكزهم . الشلهوب منضبط تكتيكياً و فنياً وحتى في المبارياة الدولية الودية من افضل من للعب و من افضل صانعين الألعاب في السعودية حبيس دكة الاحتياط ؟ تقبل مروري و وجهة نظري دمت بود |
ههههههههههههههههاي انت وامثالك من دمر الهلال بكثر التطبيل ياحبيبي الهلال كان متزعم البطولات وشوف حالته الان تقلي اصبر هههههه اقسم بالله مسخره والله المطبلين وعلى راسهم رئيس النادي هم من اوصلو الهلال الى هذا الحد صحيح ننافس على الدوري ((مستحيل)) وكاس ولي العهد لكن ليس هذا هو الهلال الى اين راحل الفريق ادارة تعاند الجمهور وتستثمر على حساب النادي وبطولاته وتحاول جلب لاعيبه باقل تكلفة ومدرب حتى الان لا يقف على تشكيلة واحدة وتغيرات غريبة اثناء المباراة ترقبو سقوط هلالنا لللاسف في ظل المطبلين واولهم رئيس النادي اصبرو ههههههههههه والله مسخره |
إقتباس:
هههههههههههههههههههه ياعمي انت تقرى كيييييف؟؟؟ كلامي كلو انتقاد في المدرب اقرى كويس تاني مرررررة:s2: |
إقتباس:
|
:d الحمد لله على العافيه انتم ورى ما تحترفون في نادي ثاني من كثر فلسفتكم لو تشجعون انديه ثانيه اتوقع قفلت من زمان :yes: |
رغم ان كوومبااريه مدرب سيئ جدا لكن اتفق انه يكمل هالموسم فقط وبعدها نتمنى ما يجلس في النادي ولا يوم للاسف مدرب للان ماثبت على تشكيلة وحده وبعدين ياليت تاجلون الحديث عن كوومباريه ونركز على الحضور غدا |
| الوقت المعتمد في المنتدى بتوقيت جرينتش +3.
الوقت الان » 03:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd