اقولها بكل عقلانيه وصراحه ماجد المرشدي الف شكر ي بطل وماقصرت - نادي الهلال السعودي - شبكة الزعيم

هلالي مضيع · #1 27/01/2013, 01:17 AM

السلام عليكم

جمهور الزعيم
خلونا لو مره نتكلم بواقعيه
وخاصه عن الاعب ماجد المرشدي
في مباراة الاتفاق
الاعب بكل هجمه للاتفاق تشوفه يجتهد ويقطع كور ويخلص
وحتى انه يشجع الاعبين والدفاع ويحفزهم
في مباراة الاتفاق
كنت جالس انا باحد المقاهي انا ومجموعه من اصدقاي
وبعضهم مايعرفوون كوره ومايتابعون المباريات
وكانوا يتابعون ويشوفون ماجد المرشدي
ويقولون من ذا الاعب
وقلتلهم انه ماجد المرشدي
وجلسوا يمدحون مستواه
وانا اولهم
بصرررااحه ماقصر ابد
مشكلته الوحيدده
هو انه بكل مباراة يقدم اداء ممتاز لازم يخطئ خطا فادح
يعني خطائه امام الاتفاق مسح كل ابداعه امام الاتفاق
فقطط الاعب يحتاج للدعم
فهو يملك كل مواصفات المدافع
سرعه وجسم وحماسي بقوه ماشاء الله عليه
والله يوفقهه وان شاء الله يبعد عن الاخطاء
واتمنى منكم
انكم تعيدون المباراة وتشوفون مستوى ماجد بغض النظر عن خطائه الفادح
وبتشوفون ان كلامي كله صح وان الاعب قدمم مستوى رائع بامانه

هذي وجهةة نظري بحسب متابعتي للاعب
وكل واحد وله وجهة نظره

بالتوفيق للزعيم

عااشق كاكا · #2 27/01/2013, 01:27 AM

وآنت الصادق المرشدي قدم مباراه جيده لكن الهدف الثاني غلط من جميع الاعبين مفروض متقدمين بهدف يضيعون الوقت لكن

هلالي ديار حاتم · #3 27/01/2013, 01:28 AM

كلامك في محله فالمرشدي والدوسري افظل من لعب امام الاتفاق
تحياتي

maxmmm · #4 27/01/2013, 01:34 AM

يالرجال اي اداء ترا كلها كورة وحدة الي خلصها يوم كان طايح علي الارض وخلصها برجلة
المرشدي غير الهدف ارتكب اخطاء كثيرة وحدة منها هدف لو لا براعة السديري
الزوري عي فداحة الخطاء الي ارتكبة كان افضل من المرشدي بكثير
اما سالفة الدعم حبيبي هذا نادي الهلال مو جمعية خيرية المرشدي اخذ فرصتة كاملة
ياليت يكون في الدكة او خارج ال 18 لاعب صراحة ملينا بلنتيات اهداف اخطاء قاتلة

زعيم وبفن ياسر امير · #5 27/01/2013, 01:38 AM

تصدقون ياشباب الاتفاق بدون اجانب لعبو امام الهلال

التنديل · #6 27/01/2013, 03:05 AM

واحمد مبارك (كانو) سعودي بعد
نرجو التركيز قبل كتابة اي شي

إقتباس

الرسالة الأصلية كتبت بواسطة زعيم وبفن ياسر امير


	تصدقون ياشباب الاتفاق بدون اجانب لعبو امام الهلال

SCORPION-KING · #7 27/01/2013, 03:06 AM

دام فيه نوعية من نوعية اللاعبين المفهين أمثال الزوري والمرشدي حط يدك على قلبك لآخر ثانيه

هدف الخصم جاي جاي والمسأله مسألة وقت ...

حتى القرني كان مسرح في المباراه ومدري وش يفكر فيه ؟!!

الشكوى لله ,,,

غريتس الداهية · #8 27/01/2013, 03:36 AM

يالرجال اي اداء ترا كلها كورة وحدة الي خلصها يوم كان طايح علي الارض وخلصها برجلة
المرشدي غير الهدف ارتكب اخطاء كثيرة وحدة منها هدف لو لا براعة السديري
الزوري عي فداحة الخطاء الي ارتكبة كان افضل من المرشدي بكثير
اما سالفة الدعم حبيبي هذا نادي الهلال مو جمعية خيرية المرشدي اخذ فرصتة كاملة
ياليت يكون في الدكة او خارج ال 18 لاعب صراحة ملينا بلنتيات اهداف اخطاء قاتلة

+1

عمده جدة · #9 27/01/2013, 03:50 AM

المرشدي لاعب مقاتل ومميز

بصراحة كان من نجوم مباراة الاتفاق

ان شاء الله نشوفه مع البرازيلي كخط دفاع ناااااااري

ابو سعــ25ــد · #10 27/01/2013, 04:45 AM

والله ما نكبنا في الفريق الا المرشدي مدري المدرب الى الحين مصر عليه ليش الا يسوي مهاري بالقوه ياخي خلص الكورة وفكنا شرك ولا بعدين انفعالي حتى وهو يخطي لازم يعترض على الحكم اعتقد انه جاملوه كثير التنسييق يمدحونه له والمدرب له دور في هذا الشي مايصحح اخطاء المدافعين

* عجبتني ان اخوياك مالهم في الكوره ويقيمون المرشدي

هلالي المزاح100 · #11 27/01/2013, 04:49 AM

لك من اسمك نصيب هلالي مضيع الله يفكنا من المرشدي واللي يدافعون عنه

sl7 · #12 27/01/2013, 06:03 AM

المرشدي والزوري كويسين ومجتهدين

بس تعال شوف البيشي ونامي !!!!!!!

ابو سلطان اليامي · #13 27/01/2013, 06:25 AM

بالاضافة الى تدني مستواه ضغط الجماهير الهلالية عليه ومطالبتها بابعاده

والله مااعتقد ان فيه لاعب يتحمل كل هالظغوط ويبدع ولو كان ميسي

ولي فكرة ودي تتطبق دام ان الدوري قد طار علينا وهي

رفع لوحة مكتوب عليها رقم اللاعب والهتاف باسمة في الدقيقة 25 من زمن المباراة عل وعسى تجيب نتيجة وتحفز اللاعب ويقدم الافضل

وانا شخصيا مع اي لاعب دام انه يمثل فريقي المفضل مهما كان مستواه

.

هلالية في الثلاثين · #14 27/01/2013, 06:46 AM

صحيح مجتهد

لكنه ضعيف اداءه

مجنون نواف 24 · #15 27/01/2013, 06:59 AM

هههههههههههههههههههه انا اشهد انه مبدع
جمهور طبل > طبل بس هذا ماجدنا الصخره مشاء الله بس