بسم الله الرحمن الرحيم

صراحه جماهير الهلال عاطفيه لأبعد الحدود
مثل ماقال شبيه الريح من شوط واحد سيء تنسف كل شي قامت به الاداره

يعني مثلا :

1- بن مساعد حقق رغبات الجماهير الهلاليه واللي يحتاجه الهلال في فترة الانتقالات الشتويه , وهو ابعاد مانقان وجلب مدافع اخر , وابعاد هرماش وجلب محور دفاعي اخر
مو هذا اللي كنتوا تطالبوا فيه ؟ اوكي طالبتوا فيه وحققه لكم وش تبون بعد ؟
تبونه يطير المدرب ؟؟
سلامات !!!!! مدرب يبعد في نصف الموسم معناه انتكاسه اكبر للفريق + مو معقول يالربع كل ما جا مدرب شبيتوا نيرانكم عليه لين يشوتوه !
متى راح نستقر ونثبت فنيا !!!
شوفوا الفتح ما وصل للي وصل له وهو فريق مغمور سابقا الا بسبب الثبات على الجهاز الفني , فتح الجبال 5 سنوات يدرب الفتح , وتبون تفهمون معنى كلامي شوفوا سنواته الاولى مع الفتح ونتايجها وراح تعرفوا وتفهموا قصدي
طولوا بالكم واركدوا شوي يالربع

2- الهلال امس يلعب بمحور جديد توه اول مباراه له اكيد ما بيكون منسجم مع اللاعبين سواء الوسط او الدفاع ,
الهلال امس يلعب بدون قلب دفاع مميز , مانقان مشي والبديل للحين ما وصل والمدرب لعب حسب الامكانيات الموجوده
ماعنده الا يحط الزوري قلب والمرشدي معه في ظل ضعف مستوى بقية القلوب الحاليين مثل المسلم وغيره
لوموا المدرب لو عنده قلوب مميزه وخلاها احتياط او حطها في مراكز مختلفه
الدفاع امس هو اللي نكب الفريق مو المدرب , الهدف الاول غلطة واضحه من المرشدي , تاخر في تشتيت الكوره وجا الهدف , والثاني غلطة من الزوري , بدل ما يبعدها صح صلحها للمهاجم وبرضو يعذر نوعا ما لانه حاول ابعادها وجات كذا للاسف
طيب القلوب الحاليه للفريق مستواها كذا والمدرب ما عنده غيرها واضطر يلعبها تلوموه ليه !!!!!!!
كان الهلال عنده هوساوي بس ما يبي الهلال , غصب يقعد مثلا !! بسلامته ,
والرئيس ما قصر جاب مدافع محترف بدله ولما انتقدتوه ابعده وجاب غيره وش تبون بعد !!

بس اصبروا يجي المدافع الاجنبي وينسجم المحور الجديد وان شاء الله الامور تكون ممتازه

3- الهلال امس يلعب اول مباراة له بالدور الثاني بعد توقف الدوري مده طويله , وغالبا اول مباراة بعد انقطاع طويل يكون المستوى مو ذاك الزود

4- الهلال امس يلعب بملعب الاتفاق على ارضه وبين جماهيره واي فريق يكون شرس في ارضه بالتأكيد

5- الاتفاق مو فريق ضعيف او مهدد بالهبوط , الاتفاق فريق ترتيبه السادس تقريبا , فريق جيد برضو مو سيء او ضعيف حتى تشبوا لا تعادل معنا بهذه الطريقه المستفزه وخصوصا انه يلعب وسط ارضه وجماهيره

6- الهلال امس سجل هدفين وخلق فرص كثير لكن ما وفق الله واتسجلت , يعني هجوميا ما قصر الفريق وقدم مستوى جيد
المشكله كانت بالدفاع واسبابها ذكرتها في النقطه 2 , وهو امر خارج عن يد الرئيس او المدرب حتى ,

7- الهلال حاليا المركز الثاني بالدوري وينافس عليه بقوه , وواصل لدور الاربعه بمسابقة ولي العهد , يعني الحمد لله الاوضاع لازالت في السليم , والآمال كبيره ان شاء الله اننا نحقق البطولتين كلها ,
ولا تنسوا تقارنوا بين وضع فريقنا وبين الفرق الكبيره مثل الاتحاد والاهلي والشباب
كلها متخبطه بالدوري + طلعت من كأس ولي العهد , يعني الحمد لله الهلال لا زال الافضل والاحسن وان شاء الله دوم
بس شجعوا بعقلانيه وأوقفوا مع الفريق وساندوه واتركوا عنكم التشجيع العاطفي اللي يدمر وما يبني ابد

وسلامتكم ,,,

انا اطالب انهم يشلون المرشدي والزوري ونامي ياخي صارلهم سنين على الحال ما يصير يعني لمتى نصبر عليهم لاعيب بو ريالين تف عليكم والله من القهر اقسم بالله للحين مو مستوعب

إقتباس الرسالة الأصلية كتبت بواسطة mjooode3 انا اطالب انهم يشلون المرشدي والزوري ونامي ياخي صارلهم سنين على الحال ما يصير يعني لمتى نصبر عليهم

ياخي مافي شي اسمه شيل اللاعبين الفلانيين كذا وخلاص
في شي اسمه مدرب ورأيه الفني
ادارة بن مساعد جابت اكثر من مدرب , اغلبهم مقتنعين باللاعبين اللي ذكرت , سواء اساسيين او احتياط ,
والإداره ما قصرت , درت ان مستواهم مو ذاك الزود فجابت هوساوي قلب دفاع , ويوم راح جابت بعده مانقان وجابت الحين المدافع الجديد وقبله جابت يحيى المسلم
وحتى على مستوى الاظهره جابوا لنا ياسر الشهراني وصعدوا سلطان البيشي من الاولمبي وقبله جابوا الظهير الكوري لي يونق اللي بدع معنا سنوات
يعني الاداره قاعده تحاول معالجة الوضع قدر الامكان ما قصرت

يااخي اقول صبحك الله بالخير ,,,
يااخي كفاية تطبيل وتبرير ,,,,للاداره
المدرب اللي انت جالس تبرر له من بداية الموسم وهو يتخبط و"يخنبق"بالفريق والبارحه اثبت هذا الكلام
يااخي انت البارحه ماشفت المباراة وكيف مدرب الاتفاق غير كل شئ في المباراة في الشوط الثاني ومدربك الداهيه جالس بتفرج علي الفريق وهو ضايع بين الخطه الجهنميه حقته وبين ضربات الاتفاق المتتاليه علي الفريق ,,,
يكفي الجماهير ضغط وعناد من الرئيس اللي اخذ الموضوع عناد وتحديات مع الجماهير والخاسر الاكبر هو الهلال ...

إقتباس الرسالة الأصلية كتبت بواسطة joic يااخي اقول صبحك الله بالخير ,,, يااخي كفاية تطبيل وتبرير ,,,,للاداره المدرب اللي انت جالس تبرر له من بداية الموسم وهو يتخبط و"يخنبق"بالفريق والبارحه اثبت هذا الكلام يااخي انت البارحه ماشفت المباراة وكيف مدرب الاتفاق غير كل شئ في المباراة في الشوط الثاني ومدربك الداهيه جالس بتفرج علي الفريق وهو ضايع بين الخطه الجهنميه حقته وبين ضربات الاتفاق المتتاليه علي الفريق ,,, يكفي الجماهير ضغط وعناد من الرئيس اللي اخذ الموضوع عناد وتحديات مع الجماهير والخاسر الاكبر هو الهلال ...

صبحك الله بنور اخوي
واللي صار امس اتوقع اني ذكرت اسبابه في نقاط
الفريق امس تعادل بسبب الدفاع ومشاكله , والاسباب خارجه عن يد المدرب
ماعنده الا هالزوري والمرشدي يلعبهم ومستواهم متوسط , وش تبيه يسوي ؟ من وين يخلق لك قلب دفاع جبار ويلعبه امس ؟ ناهيك عن المحور الدفاعي اللي اول مره يشارك وتوه ما انسجم
ارحمونا شوي مو كل من تكلم قلتوا تطبيل للاداره

إقتباس الرسالة الأصلية كتبت بواسطة المالكي الملكي ياسيدي بالنسبة لمنانقان فهو لم يبعد من أجل عيون الجماهير فالسبب أن زوجته أخذت أولادها وسافرت وقالت له تبينا الحقنا فما كان منه الا أن طالب بالرحيل .. فلا تقل أنه ابعد من أجل الجماهير. بالنسبة للمدرب فأنا معك أن ابعاد المدرب في نصف الموسم ليس عمل احترافي ولكن إذا كان بقاءه أشبه بعدمه وكل يوم نكبة جديدة اليس من الأصلح أن يبعد لإيقاف نزيف النقاط والتخبط الذي يعمله في الفريق ؟ متى رأيت الهلال ثابت على تشكيلة منذ قدوم هذا الداهية ؟ الآن وجب طرده وأرى تكليف مدرب فريق شباب الهلال بالمهمة حتى نهاية الموسم .

وابعاد المدرب الآن وجلب غيره في هالتوقيت ( ولو كان مورينهو ) راح ننزف معه نقاط اكثر عزيزي , لان المدرب مو ساحر , يحتاج فتره على ما يعرف يضبط وضع الفريق , وعلى ما يجي ذا الوقت بيكون الفريق خسر نقاط اكثر واكثر

إقتباس الرسالة الأصلية كتبت بواسطة aussie aussie كــــــــــــــــــــــــــلامـــــــــــــــــــــــــــك ميــــــــــــــــــــــــــه بالمــــــــــــــــــــــــــيه ســــــــــــــــــــــــــاليم

إقتباس الرسالة الأصلية كتبت بواسطة ابومنيره العتيبي كلامك سليم وعين العقل ولكن رضا الناس غاية لاتدرك

تسلموا يارب

إقتباس الرسالة الأصلية كتبت بواسطة زعيم آسيا6 اخوي احترام موضوعك ورأيك فعلاً لابد الوقوف مع اللاعبين مهما صار بس بصراحه وش رايك بالمدرب وتخبطاته انا ما اقول شيلوا المدرب الان وأقيلوه انا اقول والكل يجمع ان يكون مع المدرب مساعد امثال فيصل ابو ثنين وغيرهـ الي قاعدين نشوفه تخبطات مدرب يوظف اللاعبين في غير مراكزهم قراءته للمباراه ضعيفه ضعيفه واكبر دليل مباراه الباراحه الشلهوب يساند .؟؟؟ تطلع سالم الدوسري .؟ وتترك الزوري .؟ صانع هدف وسجل هدف بدل ماتقوي خط الوسط عندك تفتح شوارع للدفاع ع طول اما من ناحية ان نقف ضد اللاعبين والاداره انا ضدها الي نطالب فيه ونبي صوتنا يوصل لرئيس النادي ان يكون مع المدرب مساااااااااااااااااااااااعد فقط لاغير

مسألة المساعد عادة تتم باختيار المدرب نفسه , هو يجيب المساعد اللي يرتاح له ومقتنع فيه ويشوف انه يفيده , لكن لو قلت الهلال يحتاج مدير اداري مثل ما كان سامي مع الهلال بقول لك وجهة نظر تحترم

إقتباس الرسالة الأصلية كتبت بواسطة المالكي الملكي ياسيدي بالنسبة لمنانقان فهو لم يبعد من أجل عيون الجماهير فالسبب أن زوجته أخذت أولادها وسافرت وقالت له تبينا الحقنا فما كان منه الا أن طالب بالرحيل .. فلا تقل أنه ابعد من أجل الجماهير. بالنسبة للمدرب فأنا معك أن ابعاد المدرب في نصف الموسم ليس عمل احترافي ولكن إذا كان بقاءه أشبه بعدمه وكل يوم نكبة جديدة اليس من الأصلح أن يبعد لإيقاف نزيف النقاط والتخبط الذي يعمله في الفريق ؟ متى رأيت الهلال ثابت على تشكيلة منذ قدوم هذا الداهية ؟ الآن وجب طرده وأرى تكليف مدرب فريق شباب الهلال بالمهمة حتى نهاية الموسم .

اخوى اى نكبه اللي يهديك اللي يشوفك يقول الهلال في الترتيب العاشر ترا الفريق هو وصيف المتصدر ...ياليت نبعد عن العاطفه ونفكر بالعقل شوى ...الانتقاد في هذا الوقت لا يخدم الفريق بالعكس يضره ..

كــــــــــــــــــــــــــلامـــــــــــــــــــــــــــك ميــــــــــــــــــــــــــه بالمــــــــــــــــــــــــــيه ســــــــــــــــــــــــــاليم

كلامك سليم وعين العقل ولكن رضا الناس غاية لاتدرك

اخوي احترام موضوعك ورأيك


فعلاً لابد الوقوف مع اللاعبين مهما صار


بس بصراحه وش رايك بالمدرب وتخبطاته


انا ما اقول شيلوا المدرب الان وأقيلوه


انا اقول والكل يجمع ان يكون مع المدرب مساعد

امثال فيصل ابو ثنين وغيرهـ


الي قاعدين نشوفه تخبطات مدرب يوظف اللاعبين في غير مراكزهم

قراءته للمباراه ضعيفه ضعيفه واكبر دليل مباراه الباراحه


الشلهوب يساند .؟؟؟ تطلع سالم الدوسري .؟ وتترك الزوري .؟ صانع هدف وسجل هدف بدل ماتقوي خط الوسط عندك تفتح شوارع للدفاع ع طول


اما من ناحية ان نقف ضد اللاعبين والاداره انا ضدها


الي نطالب فيه ونبي صوتنا يوصل لرئيس النادي ان يكون مع المدرب مساااااااااااااااااااااااعد

فقط لاغير

يا اخي اوزن الدفاع مع الوسط بالامس الوسط بعيد عن الدفاع والهجوم ميت كيف تريد مننا السكوت على هذا التخبط

إقتباس الرسالة الأصلية كتبت بواسطة أمير الشرق يا اخي اوزن الدفاع مع الوسط بالامس الوسط بعيد عن الدفاع والهجوم ميت كيف تريد مننا السكوت على هذا التخبط

المحاور هم اللي يربطوا الدفاع بالوسط , وهم محورين , احدهم توه اول مباراه له وفاقد للانسجام ,
وماحد قال لك يا غالي اسكت , تكلم وقول اللي تبي لكن بعقل ونقد بناء
اما مثل الكثيرين اطردوا الرئيس الفاشل اقيلوا المدرب السباك الخ
في اسباب كثير ذكرتها في موضوعي كانت مو في صالحهم امس
لكن ان شاء الله الاوضاع في القادم بتكون افضل او كلنا بنوقف نهاية الموسم مع بعض ونطالب بالتغيير لو الوضع تأزم

إقتباس الرسالة الأصلية كتبت بواسطة هامور احمر مشكلة الهلال الخصها بشيئين : 1/ ابتعاد سامي ( عقل + فكر + خبرة ) 2- وجود كمبوريه ( لاشيء مما ذكر اعلاه )

بلا شك ابتعاد سامي خلف فجوه كبيره الله يعين بس

إقتباس الرسالة الأصلية كتبت بواسطة خيالي999 يوووووه قال نص شوط سيء يابن الحلال الموسم انتصف ومن سيء للأسوا حنا مانقول هات مدرب جديد في هالفتره بس نقول حط زلاتكو مكانه فقط لا غير دام الدعوى تجارب ومدربنا قاعد يجرب ويتخبط والاداره تتخبط ياخوي اقل شي زلاتكو عارف الدوري السعودي وعارف اللاعبين خلوه يتخبط وامرنا لله عزيزي الاتفاق في اسوا حالاته يلعب بدون محترفين يعني مافيه مجال لو دورنا عذر لمدربنا ماراح نلقا له عذر انا كنت متحفض على المدرب غديه يجي منه شي لكن بعد مباراة الاتفاق اقل رياضي فهم بكرة القدم راح يبصم بالعشره ان هالمدرب مفلس

يابن الحلال ترى المدرب يحتاج اقل شي موسم كامل حتى يقدر يضبط فريق
السالفه مو توزيع مراكز وتشكيله وانتهينا
وبرضو لو حطيت زلاتكو , فاسمه تغيير مدرب عزيزي ويحتاج فتره يرتب الاوراق وخلالها الوضع غالبا بيكون أسوأ او على الاقل مثل ماهو

إقتباس الرسالة الأصلية كتبت بواسطة al700t اهم طلب للجماهير كان صانع لعب لكن بقدرة قادر تحول الى سد الثغرات عشان مانخسر !!!!!؟

الاداره تصرفت صح , خيرت المدرب وش يحتاج من مراكز وهو اللي اختار

إقتباس الرسالة الأصلية كتبت بواسطة |{ شموخ ـي عالي }| نحن مع الاستقرآر ونطآلب به , لكن مع كومبوآريه مستحييييل ! كومبوآريه مآعنده اللمسه الفنيه اللي تخلينآ نستمتع بالفريق على آيآم جريتس قآلوآ عنآ برشلونه لآن في تنظيم من الدفآع لين الهجوم لكن مع كومبوآريه لآلآلآ , كومبوآريه كل يوم تشكيله ترى من آسرآر قوة الفريق الثبآت على تشكيه معينه دفآعنآ ضعييييييف ! الزوري والمرشدي يلعبون باليسار ليش يلعبهم مع بعض ليش متعآقدين مع المسلم آذآ بيخلونه احتيآط , آللآعب لآزم يآخذ فرصته عسب يثبت وجوده وسط آلهلآل كآن قوي وهم اللي كآنوآ يفرقون مع الفريق , آمآ مع كومبوآريه وسطنآ ضعيف في الجهه اليمني مآعندنآ غير ( سالم آلدوسري ) معقوله نآدي بحجم الهلال مآعنده وسط يمين غير لآعب وآحد ! نفتقد لصآنع , والمدرب يقول زمن الصانع انهتى عيل شافي واوزيل وانيستآ شو نسميهم ! محمد الشلهوب صآنع آلعآب , ليش مقعدنه في الدكه ! آنآ مآآطآلب بأبعآده لآن مستحيل الامير يبعد المدرب بهالوقت مآنبغي نكرر سنآريو دول ! , آلمدرب كل مبآرآة يكرر نفس الاخطآء معقوله الادآرة مآتشوف ! آنآ آطلب من آلآدآرة تنآقشه , آذآ آلآدآرة تعطيه كآمل آلصلآحيآت فهي اللي بتتحمل الاخفآق المدرب بيتحمل نسبة بسيطه لكن آلآدآرة هي اللي بتكون في الوآجهه على آلاقل يغير خطته لآزم يلعب 4-4-2 , آلعب 4-1-3-2 السديري الشهرآني - المسلم - آوزيآ - البيشي جوستآفو بوليفآر العابد - الشلهوب - سالم الدوسري ويسلي - ياسر أتمنى يلعب بهالتشكيه آلله يوفق هلآلنآ , ننسى هالمباراة ونفكر بالنصر

اكثر المدربيين يحتاجوا لوقت طويل حتى تظهر لمساته الفنيه على الفريق , اقل شي موسم , وقلة قليله فقط اللي تظهر لمساته خلال أشهر فقط

فكل اللي قصدته , التعادل امس كان له اسبابه الكثيره , وغلط مع وجود هذه الأسباب نطالب باقالة المدرب واستقالة بن مساعد
حاليا ما امامنا الا ندعم الفريق واخر الموسم لو ما تعدل وتضبط الوضع وقتها كلنا بنطالب بالتغيير

مشكلة الهلال الخصها بشيئين :
1/ ابتعاد سامي ( عقل + فكر + خبرة )
2- وجود كمبوريه ( لاشيء مما ذكر اعلاه )

يوووووه قال نص شوط سيء
يابن الحلال الموسم انتصف ومن سيء للأسوا
حنا مانقول هات مدرب جديد في هالفتره
بس نقول حط زلاتكو مكانه فقط لا غير
دام الدعوى تجارب ومدربنا قاعد يجرب ويتخبط والاداره تتخبط
ياخوي اقل شي زلاتكو عارف الدوري السعودي وعارف اللاعبين
خلوه يتخبط وامرنا لله
عزيزي الاتفاق في اسوا حالاته يلعب بدون محترفين
يعني مافيه مجال لو دورنا عذر لمدربنا ماراح نلقا له عذر
انا كنت متحفض على المدرب غديه يجي منه شي
لكن بعد مباراة الاتفاق اقل رياضي فهم بكرة القدم
راح يبصم بالعشره ان هالمدرب مفلس