بسم الله الرحمن الرحيم

السلام عليكم ورحمة الله وبركاته ...

جمهور الزعيم الكبير ...

ان شاء الله انها خيره لنا ... بتعديل وضع الفريق ...

اطلب من الجميع الهدوء والتحدث بعقلانيه ، كلنا متحسرين على ضياع الثلاث نقاط ، لكن الشكوى لله ، نطلب من جميع الهلالييين التكاتف ، لان امامنا مباراه مفصليه وهي امام الفريق الجار ...

~~~~~~~~~~

##
الهلال يحتاج الكثير ، لكن الاهم عودة الكابتن سامي الجابر ، فهو يعرف امكانيات اللاعبين
ويعرف امكانيات الفرق المنافسه ، المدرب الى الان يتخبط بالفريق ، كل مباراه له تشكيله ، ومشكلة المدرب تكمن في الدقائق الاخيره من المباراه ، بسبب ضعف دكة الاحتياط ، لان الهلال يحتاج تعديل كامل في وسط الملعب ، لماذا الى الان و نحن صابرين على عبداللطيف الغنام لاعب يلعب مباراه ويغيب موسم كامل ، فرط الهلال في لاعبين في الوسط لهم ثقلهم في خانة الوسط ، منهم البرقان ، و عمرالغامدي ، وخالد عزيز ، الهلال كل سنه يحدث له مشكله في خانه في السابق كانت مشكلة الهلال في الظهير الايمن ، والان المشكلة اصبحت مشكلتين الاول في قلب الدفاع وخانة المحور ، لدنيا محور ممتاز هو القرني ، لكنه لاعب يقدم لك شوط واحد فقط ،،،،، لا تطلب منه يقدم لك 90 دقيقه كامله ..

## مطلوب ##
اتمنى جلب لاعب في خانة المحور بديل لعبداللطيف الغنام ، وجلب مهاجم بديل سعد الحارثي ، وطلب اعارة اللاعب حسن معاذ من الشباب ،، واعادة المدافع فواز فلاته من الرائد ، وضم مدافع محلي من طراز عالي هو اسامه المولد عندما يأتي هاللاعب راح تحل مشاكل الدفاع ، راح ادفع فيه كل مالدي لكي تنتهي مشكلة الدفاع ....

#
اتمنى تأهيل اللاعبين المصابين في اسرع وقت !!


##
الاداره يفترض منها ان تقف مع اللاعبين ، وتتحدث عن المشاكل التي تواجهم ، وخاصه في اخر دقائق المباراه ، تشاهدهم في حالة ارتباك وتوتر ، تشاهدهم عندما يتقدمون بهدف كانهم خاسرين يستعجلون في التمرير ،،، انت ياحبيبي متقدم ، استحوذ على الكره وقت اطول الين تسمح لك الفرصه لصناعة هجمه مركزه تستطيع منها التسجيل ...



#
وجهة نظر #

في اخر المباراه هجمة البيشي لو اعطى الكره للاعب الكوري ان في نظري انه راح يعطي ياسر القحطاني فرصه للتسجيل ... وكمان لو اعطاها لياسر كان اعطى الكوري مساحه،،، فيه كره امام المرمى لمحمد القرني كان بستطاعته التسجيل ، لكنه استعجل في التسديد ،،،، لكن اقول خيرها بغيرها ...
ولنا امل ان شاء الله في احراز الدوري ،،، لاتكونون متشائمين ...وتضعون اللوم على المدرب ، في تغيراته هذا المتاح عنده ، الاداره لم تجلب مايحتاج الفريق ...


##
اهم شي الوقف جنب الفريق في مبارايات القادمه ونسيان الماضي ....
نهائي الموسم يستطيع الجميع حمل اسلاحتهم لمحاسبة الاداره ، على كل نقطه ينتقدون فيها الاداره ....

تمنياتي للزعيم بالتوفيق في المباريات القادمه



دمتم بخير يازعماء أسيا ..

إقتباس الرسالة الأصلية كتبت بواسطة .Mohammed# كلآم سليم وموضوع جميل .. يعطيك العآآفيه ,

اخوي محمد يعطيك العافيه على مرورك ..

ما راح يجيب اي لاعب خايف يزعل احد

إقتباس الرسالة الأصلية كتبت بواسطة mjooode3 ما راح يجيب اي لاعب خايف يزعل احد

يازعيم هو عنده شي عشان يشتري لاعب .. اذا ماوقفوا اعضاء الشرف ولا الهلال بيصير مسخره في الاسيويه ....


يعطيك العافيه mjooode3على مرورك

المدرب العله قبل الاعبيين صدع راسي

إقتباس الرسالة الأصلية كتبت بواسطة مجنونه كريستيانو المدرب العله قبل الاعبيين صدع راسي

المدرب ماعنده خيارات في دكة الاحتياط ، اللاعبين مااللومهم لان كل واحد يلعب في خانه ماهي خانته .. النامي يلعب وسط يمين , والزوري الظهير يلعب قلب دفاع ..

هل تعتقدين ان الهلال راح يسوي شي في الاسيويه ؟

يعطيك العافيه على مرورك مجنونه كريستيانو ..

مشينا هرمان وجا محله واحد ما يعرف حتي يغطي
ليالي العيد تبان من عصارها لا عب بدائي

هرمان افضل بميه مره منه

إقتباس الرسالة الأصلية كتبت بواسطة ريسان الهلالي مشينا هرمان وجا محله واحد ما يعرف حتي يغطي ليالي العيد تبان من عصارها لا عب بدائي هرمان افضل بميه مره منه

اوفقك الرأي بكل كلمه قلتها ..

هرماش افضل بكثير من هاللاعب الجديد .. لكن الاداره لازم انها تجلب محور محلي .. لان ماعندنا الا هاللاعب الكولمبي , والقرني وعبداللطيف الغنام مباراه يحضر وعشرين مباراه مصاب ,,,

اتمنى جلب اسامه المولد مدافع صلب وقوي ... وتأهيل اللاعبين المصابين بشكل سليم ..

يعطيك العافيه على مرورك ريسان ..

شف من واقع خبره في متابعة الزعيم الهلال يمر بحاله هجره جماعية من اعضاء
الفريق خسرنا هذه السنة ركائز مهمة فمرور بهوساري والفريدي ثم بعد تأقلم هرماش
ومنجان مع الفريق قامت الادارة بأعارتهم طلبا للاستثمار وفي الاخير اغرب تشكيلة
مدافعين كلاهما يلعبان باليسار لا وبعد احدهما كان ظهير ، واللعب الجديد لاتعليق
لانه ببداية المشوار ..
المهم نتائج الفريق سوف تزود سوا اذا استمر الوضع فالفرق الاخرئ تقوئ والزعيم
بدأ يضعف وشاهد تعاقدات الاهلي والاتحاد والشباب تعرف الفارق ...

إقتباس الرسالة الأصلية كتبت بواسطة الواعظ شف من واقع خبره في متابعة الزعيم الهلال يمر بحاله هجره جماعية من اعضاء الفريق خسرنا هذه السنة ركائز مهمة فمرور بهوساري والفريدي ثم بعد تأقلم هرماش ومنجان مع الفريق قامت الادارة بأعارتهم طلبا للاستثمار وفي الاخير اغرب تشكيلة مدافعين كلاهما يلعبان باليسار لا وبعد احدهما كان ظهير ، واللعب الجديد لاتعليق لانه ببداية المشوار .. المهم نتائج الفريق سوف تزود سوا اذا استمر الوضع فالفرق الاخرئ تقوئ والزعيم بدأ يضعف وشاهد تعاقدات الاهلي والاتحاد والشباب تعرف الفارق ...

يالواعظ

الاداره كان متاح لها اكثر من لاعب لتعاقد معه , اولهم حسن معاذ اللي جاء عند سامي الجابر وقال انا ابي انتقل للهلال ,,, والاخر سعود كريري ولا قدروا يضمونه واسامه المولد دخل فترة السته اشهر وكان مع ادارة النادي خلافات ماليه مااستغلوا الظرف وتعاقدوا معه ، الاتحاد اخذ منك اهم احد اعمدة الفريق في السابق اولهم خميس العويران والدوخي والحين احمد الفريدي وفي الطريق عبدالعزيز الدوسري ونواف العابد واذا ماصار هالشي انا مااعرف كوره ولا اعرف الاتحاديين ونجاستهم وخططهم الخبيثه لتدمير الهلال ...

تخبطات اداريه بحته واعضاء الشرف تركوا النادي بسبب استثمارات الاخ واخيه ...

اعتذر للمشرفين
احد الاخوان , يقول الاتحاد راح يضم عبدالعزيز الدوسري ونواف العابد ,, واخذ الكلام من مصدر ..

ليش الى الان هاللاعبين ماجددوا عقودهم مع الهلال ، اتمنى تجديد عقودهم في اسرع وقت ..



دمتم بخير

الإتفاق للمرة الثانية هذا الموسم ،،،، يتعادل معنا ويحرمنا نقطتين في آخر دقيقة ،،، ذهاب وإباب

لو كومبارية مدرب هاوي ،،،، كان يعرف كيف يتعامل معاهم إذا كنا متقدمين

إقتباس الرسالة الأصلية كتبت بواسطة زعيم بين الزعماء الإتفاق للمرة الثانية هذا الموسم ،،،، يتعادل معنا ويحرمنا نقطتين في آخر دقيقة ،،، ذهاب وإباب لو كومبارية مدرب هاوي ،،،، كان يعرف كيف يتعامل معاهم إذا كنا متقدمين

الاخ زعيم ..

مشكله ليست في قوة الاتفاق , انما المشكله في الهلال ..

النادي ليس لاعبين وسط يساعدون الدفاع .. والدفاع ضعيف جداً ..

المدرب ممتاز ويقرأ المباراه لكن ليس لديه خيارات قويه ..

يعطيك العافيه على مرورك زعيم بين زعماء اسيا ..
دمت بخير

إقتباس الرسالة الأصلية كتبت بواسطة SCORPION-KING هااارد لك ع التعااادل ... بإختصاار مدام هذا المدرب موجود بمباركة الادااره ... إنسوا البطولات ... أو حتى المراكز الثلاثه الأولى ... لا حول ولا قوة الا بالله ...

الحمد الله على كل شي , وان شاء الله فيه أمل احراز الدوري .. لكن بتعديل وضع الفريق ....

المدرب ماعليه للوم يــــا SCORPION-KING ..

اللوم كله على الاداره المدرب ماعنده خيارات , قلب دفاع ماعنده لاعبين وسط ماعنده ...

ان شاء الله بعودة المصابين تنحل المشاكل ..

يعطيك العافيه على مرورك ..