|
المؤتمر الصحفي للسيد كومبواريه مدرب الفريق الهلالي عقب نهاية لقاء الهلال Vs الاتفاق ضمن مباريات دوري زين السعودي للمحترفين http://upload.alhilal.com/img/019/b3asmla-a2.png http://files.alhilal.com/images/5553...1900687565.png متابعة : الألـمـعـي</B> عقد السيد انتوان كومباريه مؤتمراً صحفياً عقب نهاية لقاء الهلال والاتفاق ضمن مباريات دوري زين السعودي للمحترفين حيث بدأ السيد كومباريه المؤتمر بإبداء رأيه عن اللقاء قائلاً : هذه المباراة كانت مخيبة للآمال فقد فرطنا بنتيجتها في الدقائق الأخيرة وكلفنا ذلك خسارة نقاط مهمة , وأحب أن اشكر جميع اللاعبين على ما قاموا به من مجهود في هذا اللقاء . وفي سؤال عن معاناة اللاعبين من الضغط النفسي ,أجاب أن الفريق الهلالي دائماً ما يكون تحت الضغط وهذا يولد الرغبة لدى اللاعبين لتقديم مستويات أكبر وهذا الضغط يجب أن يتحول إلى ضغط إيجابي . وعن مشكلة العمق الدفاعي قال : الفريق ككل قدم مردود طيب على الصعيد الهجومي والدفاعي ويجب أن نعلم أن كرة القدم لعبة جماعية والخطأ يتحمله الفريق ككل ،، صحيح أن الفريق لايوجد به سوى مدافعين وهذا ما دعانا لجلب مدافع أجنبي في متوسط قلب الدفاع . وحول تبديله بمحمد نامي عوضاً عن سلمان الفرج وأن هذا التغيير شكل ضغطاً على المرمى الهلال و كان نقطة تحول في المباراة أجاب : سلمان عاد للتمارين الجماعية يوم الأربعاء بعد إصابته أثناء مشاركته مع المنتخب في بطولة الخليج ولم يستطع إكمال التسعين دقيقة لذلك أحببت إراحته وتجهيزه للمباريات القادمة . وفي سؤال عن سر احتفاظه بالكابتن ياسر القحطاني , قال أن هذه هي اختيارات المدرب ويجب أن تُحترم وياسر لعب ثلاث مباريات مع المنتخب وعاد مرهق لذلك أحببت إراحته للمحافظة عليه في اللقاءات القادمة . أما عن اشراكه للمحترف الكولمبي جوستافو رغم أنه لم يدخل التمارين الجماعية إلا منذ يومين , أجاب أن جوستافو كان جاهزاً وقدم أداء جيداً في اللقاء وأتمنى له التوفيق في قادم المباريات . وفي ختام المؤتمر أضاف كومباريه أننا لعبنا أمام فريق قوي وقدمنا أداء جيد متمنياً التوفيق لجميع اللاعبين في قادم المباريات . |
ياليت تنزل المؤتمر الصحفي حق مدرب الاتفاق وهو يقول اعطينا الهلال اكبر من حجمهم !! |
متابعة : الالمعي شكراً لك يالألمعي على المتابعة الجميلة .. :rose: ! الحمدلله على كل حال بالتوفيق لكومبواريه مع الهلال بإذن الله يعوضونها في المباراة القادمة امام النصر |
الحمدلله على كل حال ,, معوضين ان شاء الله شكراً لك على المتآبعه |
احسن الله عزائكم في هلالناا |
كلنا زلاتكووووووو لاهنتوا على التغطية |
الله يعين ويسهل دربنا يوم الاربعاء القادم شــــــــــعارنا دائماً :ba::ba1::ba:( يدا بيد من أجل الزعيم ):ba::ba1::ba: :ba::ba1::ba: اللهم وفق الهلال فوق كل ارض وتحت كل سماء :ba::ba1::ba: |
متابعة : الالمعي</B> شكرا لك على المتااااابعه الله يبعد ديارك من مدرب فاااشل .. |
شكراً على المتابعة الحمدلله على كل حال |
هااااااااااااااااااااااردلك |
مدرب فاشل وما يعرف يقرى المباريات تغييراته عشوائيه وتكتيكه غير مفهوم بغض النظر عن تغييراته الغريبة والغير منطقية ودي افهم واعرف ايش مبرر المدرب في إدخال محمد الشلهوب في الدقيقة 87 والهلال متقدم والإتفاق ضاغط ؟؟ بصراحة والله شيء يقهر والإدارة يجب ان تناقش المدرب على كل كبيرة وصغيرة واذا هذي قناعات المدرب وما راح يغيرها اقرب طيارة لإوغندا قصدي لفرنسا لإن المدرب غير مقنع سمعت تصريح لعبدالرحمن بن مساعد يقول من الخطاء انك تغير مدرب في منتصف الموسم وحنا تعلمنا انه دائماً التغيير في منتصف الموسم يضر بالفريق .. اكيد طال عمرك بيضر بالفريق اذا كان التغيير من جرف لدحديرة من توماس دول الى ايفان هاسيك بيكون عكسي !! الله يكون بالعون بس |
فاااااشل داخل الملعب وخارجه .... تبريراته سامجه مثله اي مباراه كبيره اللي اديتها ومبررات التغييرات غبيه .. |
مدرب كمخه جالس يلعب على الرئيس بكم كلمه من يوم جاء وبعد كل مباراة والرئيس يقول بنجلس معه ونصحح الاخطططاء لين يومنا هذا والاخطططاء موجوده وكوارثيه تدرون وش البلا !! (الرئيس مستحيل يعترف ان تعاقده مع المدرب مصيبه ) هو يشوف الجمهور خطاء وهو الصح خلاص صبرنا لين انفجرنا جمهور الزعيم انتم من يوقف عبث هالرئيس بالنادي روحو للنادي ولايخدركم بكم كلمه طالبوه نهاية الموسم بالرررررررررررررحيل احسن لنا وله وللنادي واذا قال كلامه المعتاد محد ترشح يكون رئيس اذا طلع من النادي رجاله والغيورين عليه مراح يكتفو يديهم بيترشحون |
عذرا اقبح من ذنب تبرراته غبيه وغير مقنعه ياناس مفلس ماعنده شي تروا النتايج اللي حصلت حصلت بعد توفيق الله بسبب اجتهادات اللعيبه انفسهم والا التكيك ضااايع والهلال يمشي بالبركه وبدعاء اللي يحبونه والا هالمدرب اكمخه ولايجيد قراءة المباراه ولايعرف يحافظ على التقدم ولا يعرف متى يطلب من اللاعبين الضغط ومتى يحتفظوا بالكره ولا يعرف ينقذ الفريق اذا تاخر ابد وتغييراته بالعاده تكون غير مبرره! حتى اختياراته للاساسيه والاحتياط غيررر مبرره لا واللي يضحك يقولون انه يوم جا عرض لمانقان قاله انصحك ان تروح للدوري الانجليزي دوري اقوى وافضل لك؟ بالله في مدرب في العالم يقدم مصلحة الاعب على مصلحة النادي؟ طبعا مع تحفظي على مانقان بس شوفوا بأي عقليه يدار الهلال؟ وطبعا كل ماحدث ومايحدث هو بمباركة شاعرزمانه واحنا نحترق وهو بس شاطر يغرد ويقول ادعمونا ادعمونا لنا سنين واحنا ندعمك يالفاشل ماشفنا الا حرقة القلب حسبي الله ونعم الوكيل |
الهلال دايم تحت الضغط لاكن ماخبرنا الزعيم يتأثر بالضغط لهالدرجهه ! بعض خطوط الفريق تحتاج تدعيمها بلاعبين على مستوى عالي الفريق يفتقد لصانع لعب حقيقي .. ومدافع صلب الزوري يومه بجنب مانقان كان افضل والبركه بمانقان بعد ماتحسن مستواه الحمدالله على كل حال .. وبأذن الله يعوضونا أمام النصر |
اله أعلم متى يفكنا الله منك يا نكباويه . |
الحمـدلله على كـل حـال صدق مقهوررررين من النتيجة والنقطتين اللي ضاعوا بآخر دقيقه لكـن ,, هذا ماتعودناه من لعيبتنا وياررب يعوضونا بالمباراة الجايه ,,, |
الحمدلله على كل حال ,, معوضين ان شاء الله شكراً لك على المتآبعه |
انت مدرب !! الله ياخذ عمرك ياشيخ اهه بس يازلاتكو ي ناس ي عالم ي جماهير الهلال ي ادارة الهلال ي رجال الهلال ي من تحبون الهلال ي من تغارون على الكيان الهلالي افتحو عيونكم الهلال ضايع والله ضايع مانبي لا دوري ولا ملك ولا ولي العهد بس تكفون هاللاعبين راحح يلعبون في اسياء ......!! الدفاع باكمله والحراسه ضايعه يكفي مجاملة السديري ولا المرشدي ونامي والبيشي والزوري يكفي حرق دم تكفون شوفو حل للوضع الي صاير الله يجيب الصبر يارب من عندك والله تعبنا فريق مثل الهلال مافيهه الا ياسر الشهراني ولوبيز فقط فقط فقط |
يعافيك ربي ع المتابعه .. وبأذن الله معوضين ! |
بإذن الله معوضين ياشباااب.... هاااردلگ... |
الحمدلله على كل حال ,, معوضين ان شاء الله شكراً لك على المتآبعه |
حظ أوفر للهلال في مباراة النصر القادمة ان شاء الله كلنا نعلم بأنه حينما تفرط في نقطتين في أخر دقيقة سيصاحبك شعور سيء للغاية لكن ان شاء الله التعويض في القادم ان شاء الله نتمنى أن المدرب انطوان كومبواريه قد وجد حلاً لمشكلة الدفاع المستعصية في المباريات الأخيرة الألمعي عوافي على المتابعة. :rose::ba::ba1::alzaeem: |
دآيمآ كومبوآريه يشعر بخيبة امل , يآترى من المسؤؤؤل ! والله نحن مساكين لآن نعرف ان هالمدرب مآعنده شي ومع هذآ ندعمه والله العظيم مب حبآ فيه , هو مدرب الهلال ومن وآجبنآ ندعمه لكن توصل للتخبطآت وفي كل مباراة يرتكب نفس الاخطآء هذا مآيرضينآ ترى هذا الهلال ( كيآن كبير ) , مآيرضينآ وآحد مثل كومبوآريه يشوه اسم فريقنآ قبل كنآ ندخل الملعب الفرق الثآنيه تخآف لآن الهلال له هيبته آمآ آلحين لآ مدرب الاتفاق يقول آعطينآ آلمبآرآة آكبر من حجمهآ , الهلال مآله هيبة من آلمسؤؤؤل ! وين الادآرة ! وين الرئيس ! وين نآئبه ! سامي الجابر هو ( الحل ) , آذآرجع سامي بترجع الروح والهيبة سامي فاهم اللعيبه وعارفنهم وعارف الهلال , هو آولى من الاجنبي الجابر ولد الهلال يعني هالملآين اللي تنصرف على الاجنبي هو يتسآهلهآ وربي مآبيطلب شي منهم أتمنى عودة الاسطوره , آرجع يالجابر محتاجين لك وربي ضآآآآيعين |
يعطيك العافية أخي على المتابعة... |
كومبواريه يحسسنا ان اللاعبين حرثوا الملعب عرضا وطولا وقدموا جمل تكتيكيه واداء رائع بسبب خطته الاسطورية هذا بالله كلام مدرب عنده طموح وهل كان يشاهد المباراه اجل قدمنا مباراة يامدرب الغفله طموح وبرود هذا المدرب يقتلنا كل مباراة |
الحمد لله على كل حال مشكله الهلال في الدفاع الفاااااااشل وتغييرات المدرب وبالتوفيق للهلال |
من شاف هالسباك ما رجاء خير |
متابعة : الالمعي شكراً لك يالألمعي على المتابعة الجميلة |
ويجب أن نعلم أن كرة القدم لعبة جماعية والخطأ يتحمله الفريق ككل ،، ^^ بالله يعني المرشدي يسوي كوارث وويسلي يتحملها معه ؟؟ والله مو منك من الاداره اللي تخليك تسوي اي شي على كيفك وطيب مدام فيه اخطاء بالدفاع ليش الى الآن وانت جالس تتفرج عليهم ليش ماتعدل الاخطاء ولا هذا دليل انك فاشل الله يعيننا من المدرب هذا بس .. + يعطيكم العافيه على المتابعه |
يا الله ان تعوضنا خير يارب |
الوعد نهاية الموسم وكل التوفيق للزعيم |
الله يعطيك العافيه وبالتوفيق يارب لك وللهلال ادارة وجمهور ولاعبين |
بالتوفيق للملكـــي في القاادم أستغفر الله العظيم وأتوب إليه لا إله إلا الله .. له الملك .. وله الحمد .. وهو على كل شيء قدير ... |
كومبارية مدرب سباك لا يعرف التعامل مع المباريات هو من يتحمل تعادل الهلال مع الاتفاق |
| الوقت المعتمد في المنتدى بتوقيت جرينتش +3.
الوقت الان » 11:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd