|
الدوري ماطار ‘ السلام عليكم ورحمة الله وبركاته مساء الخير حبايبي :ga: هاردلك التعادل اليوم كانت مباراتنا قدام نادي الاتفاق ‘ الشوط الاول كان الهلال يقدر يطلع باكثر من ههدف بس مدري ليش الاستعباط :cry: وكان اغلب السيطره هلاليه فالشوط الثاني بس الغريب في تبديله نامي مكان الفرج !!! هذا ممكن اللي غير مجريات المباراه طيب يعني متقدم ماتطلع مبدع وتنزل نكبه ‘ انا عندي امل بالله ثم بروح الفريق وبإذن الله الدوري هلالي باقي مباراة الفتح والاهلي يوم الاحد في مكهه ‘ ماتوقع الاهلي يفرط فيها إذا انهزم الفتح فالدوري باذن الله قريب لنادي الهلال اللي ابغا اقوله فالموضوع واختصره ‘ الدوري ماطار من الهلال ‘ املي في الله قوي والدوري قريب من الهلال بس نشجع اللعيبه شوي ‘ والاربعاء نملي درة الملاعب ونهز الملعب هز ‘ ومنها ترحيب بالمدافع الجديد اوزيا دي باولا ونبي شوي تشجيع للعيبه فالملعب ‘ مو نصفر ونصايح عليهم وباذن الله الفوز هلالي والدوري ماطار ودي لكم حبايبي ‘ :ga: |
المباراتين للفتح صعبة مع الأهلي والشباب ولن ينجوا منها لكن المفروض تتقدم عليه بفوزك على الاتفاق والنصر .. الله دخلنا في حسابات مع الفتح مهزلة تاريخية |
احب عقليات الجمهور اللي مثلك ماهو تطبيل يوم تشجع ناديك وتكون معه بالرخاء والشده ولكن الكثير يعتبرونها تطبيل ومهزله والله يوفق الزعيم ضد بنو فٌقير |
فعلا الدوري ماطار وقائدنا يقول عندي اصابه ولا ابي اضغط عليه علشان كذا جاء الهدف فينا > لاعب مصاب يلعب اساسي اخخخخ بس ومن ناحيت الدوري سلم عليه وهذا وجهي ان لحقنا الفتح البطل مع سبكاويه |
الا طار وش شوي تشجيع تنفخ بقربة مشقوقة مثل المرشدي و الزوري ونامي هم مالهم ذنب الذنب على اللي يلعب هالاشكال او يبقيهم بالفريق |
أهنئك على الموضوع الرائع بس دامك مع الزعيم في كل حالاته ما يصير تقول عن لاعب انه نكبة دام انه هلالي |
والله وصرنا ننتظر الفرق الأخرى عشان ننتطمن ع فريقنا مين وصلنا لهالشي ابن مساعد ايش رايك بالمرشدي يقول يلعب وهو عنده اصابه لك الله ياهلال |
الله كـريم ونتفـائل خـير ان شــاء الله بسس المشكله هنا بمدربنا النكبه ودفاعنـا اللي يبي له ولا الفتح قدامه مباريات قويه وبإذن الله مهزوم مهزووم !! بسسس فريقنـا لو تتعـدل أوضـاعه .. احنا بخـير يعني ايعقل فريق ولعيبة ومدرب مايعرفون يحافظون على الفوز .. والتعادل يجي بآخر دقيقه !!! لا ومكرر نفسس سيناريو الدور الاول مع الاتفاااق وقهررري من الحكمم المرداسي ياني ماخليت دعوه عليـه !!!! حسـبي الله عليـك كانك شايف هالتكسير ومتجاهله .. الله لايوفقـك كانك مطنشش |
يعني المدرب بتضمنه لين نهائيه الدوري سباك ابن سباك بيخبط لين يقول امين |
إقتباس:
اي مهزلة تاريخية الفتح افضل فريق سعودي حالين |
بااذن الله الفريق يقدم افضل ماعنده ومافي غير الصبر وباذن الله نفوز في مباراة النصر |
بإذن الله الدوري أزرق ..بس والله مع هالمدرب الله يستر " ماأتوقع الفتح قطع هالشوط ويفرط بسهولة حتى الفرق أللي بيلعب معها يمكن يهزمها بسهولة الله يوفق هلالنا ويجعل الدوري من نصيبه |
يااربب الحمدلله منافسنا الفتح مو فريق يخوف يعني ان شاء الله لو فزنا قدام النصر وهم خسروا قدام الاهلي والشباب راح نكون الاول بفارق الاهداف باذن الله يصير هالسيناريو |
إقتباس:
لو ناديت لأسمعت حياً ولكن ياكثر المشخبطين اللي بيصفونك بالسباك والمندس والمطبل و الخ مما لا يتسع المجال لذكره ولاتكفيه مساحة المملكه العربيه السعوديه قاطبتاً للتعبير عنه وليس رد فحسب الله يعينك المصيبه لو أتاحت ادارة ابن مساعد الفرصه لشباب النادي في الدفاع وماتوفقو في مباراة او ثنتين يوه علا اللي بيصير راح يصدرون لهم اللقاب لين يطفشون من النادي ولو العكس ماحد حيشيد بهم فنحن في مجتمع يعشق النقد حتى الثُماله ي و س ف :smilie47::smilie47::smilie47: :smilie47::smilie47: :smilie47: |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 10:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd