|
صانع لعب بمواصفات التايب ؟؟؟؟؟؟؟ بسم الله الرحمن الرحيم السلام عليكم ورحمة الله وبركاته أقرأ احيانا ضرورة وجود صانع لعب وانا قد طالبت بذلك لكني بعد تفكير وجدت انني على خطأ نحن مسلمين بالامر ان صانع اللعب يضع المهاجم في مواجهة الباب ويحسم النتيجه لكن هل اللاعبين الباقين يشاركون كومبارس يعني مايصنعون ؟؟؟ الاجابه خطأ فواجب كل لاعب ان يصنع اهداف ولا نعتمد على لاعب واحد كزمن طارق التايب س/ لنفترض ان ابوفيصل تعاقد مع صانع لعب ولعب في الوسط الايمن او الايسرفما فائدة وجود عزوز والعابد والفرج والدوسري والشلهوب ..اذا لابد ان يجلس ثلاثه منهم احتياط ...فهل هذا يعقل ؟؟؟ كلهم نجوم ناضجه والفرج والعابد فيهم خير كثير للهلال ولو كانوا مع المنتخب في خليجي 21 اعتقد والعلم عند الله لن ينالها غير الاخضر ثانيا/ الاعتماد عل صانع لعب واحد فيه مضره للفريق ولو افتقده المهاجمين للاصابه او الرحيل ينتكس الفريق فماهوالحل ؟؟؟ الحل كما يقوم به المدرب لايحصر صناعة الهجمه على لاعب اللاعب عبدالعزيز الدوسري اذا ترك الانانيه لن يجاريه اي لاعب في الوسط الايمن فيجب ان يلعب للفريق فتمريرته لياسر يجب ان يدرك انها تعني انتصار الهلال وليست لياسر ولكن ياسر هو الاقرب للمرمى ايام الثنيان وجيله الذهبي / كان ابويعقوب يضع المهاجم في مواجهة المرمى ولكن كان المهاجم سامي خلفه 6 صناع اهداف على اعلى مستوى ...الثنيان والتمياط خلفه ثم الشلهوب والا ظهره يضعون له الكره بالمقاس الدوخي يمين والرشيد يسار وبجانبه جناحان الغشيان وسعد مبارك ثم الجمعان وسيرجيو والاجانب بهجا والكاتو فلم يقتصر ذلك الجيل على يوسف ولكنه كان الابرز في صناعة الاهداف عبره لمن يعتبر(من اهم اسباب خروج المنتخب هوالضغط الجماهيري والاعلام الفاسد .فلنكن مع الهلال قلبا وقالبا نشجعه ونؤازره ومن لايشجع نتمنى الايهاجم اي لاعب فسنكون يدا واحده مع الفريق واي عضو يهاجم اي لاعب سنهاجمه ...اتذكر جيل اواخر السبعينات الميلاديه كان بعض اللاعبين فقير فنيا ولياقتهم ضعيفه ولكن الجماهير ومساندتها لهم تجعلهم يحترقون من أجل الهلال ) |
صانع اللعب أشوفه من وجهة نظري ضروري ... كلهم أنانيين وكل واحد يلعب لنفسه ,,, الوقوف مع الفريق مهم جداً .. ضد الاعلام الفاااسد أشكرك على الطرح الراائع ... |
مافي صانع لعب متمكن حالياً فالخليج سووى عموري ومع فاائق أحترامي للبقيه |
صانع اللعب في الهلال .. برازيلي والا فلا !! رآحت أيامك ياكماتشو p98 |
اتفق معك لكن يجب توجيه لاعبي الوسط على صناعة اللعب للمهاجمين وليس التسجيل لان الملاحظ ان لاعبي الوسط يهمه الاستعراض والتسجيل فقط |
موضوع تشكر عليه .. خصوصا من ناحية لعيبة الوسط الحاليين .. صراحة ً عزوز ، وسالم ، والعابد .. احيانا يطغى عليهم التسحيب والفلسف الزايده .. ومايقومون بادوارهم الرئيسيه اللي هي صناعة الكور للمهاجمين .. احيانا تلقاه يسدد باوقات مايحتآج تسديد فيها والاوقات اللي يحتاج يسدد فيها يسحب ولا ياخر الهجمه .. مايقدمون كور للمهاجمين ويحاولون يلعبون للهلال ككل .. يبحثون عن تسحيب واهداف خرافيه من اقدامهم قبل فكرهم للفريق واللعب بجماعيه واداء مهامهم الرئيسيه اللي هي صناعة اللعب .. ان شاء الله يتنبهون للنقاط هذي وبحالهم اللي اهم فيه حاليآ .. مخلي اغلب الجماهير تطالب بصانع لعب اجنبي .. ولو كانوا يؤدون مهامهم الرئيسيه لما احتجنا لصناع لعب .. عوافي على موضوعك اخوي .. بالتوفيق للملكي ،، |
والله احنا مع هلالنا دائما قلبا وقالبا لكن ضد فكر المدرب ... ان شاء الله الموجودين يكون فيهم الخير والبركه ويبدعوا في صناعة اللعب ... يعطيك العافيه ع الموضوع ... |
خلنا نعزز الدفاع ًومشكووور على الطرح الرائع |
إقتباس:
ولاتنسى الاهلي والنصر من كثر الضغط وتبديل المدربين والاعبين جلسو اسنين يخفقون الاهلي رجع والنصر في الطريق واحنا الله يستر اشوف جماهيرنا او المندسين بدو يطبقون ضغطهم ع هلالنا |
اشكرك على الطرح الجميل ،، برأيي والذي تحدثت عنه كثيرا ،، المشكلة ليست باللاعبين عزوز ، والعابد ، والشلهوب ، وسالم كلهم نجوم وهم من أفضل لاعبين الدوري وطريقة لعبهم هي الطريقة الجماعية وهي الأطراف وامتلاك الوسط وهذه الطريقة هي أفضل طريقة في عالم كرة القدم وصعوبة تطبيقها بسبب ندرة توفر هذه العناصر وبحمد الله توفرت هذه العناصر في الهلال ، ولكن ،، من بعد حيريتس جاء لنا كالديرون ومن بعده (باستثناء الفترة التي استلم فيها سامي) وألغوا هذه القوة وتسببوا بكشف الدفاع و اضعاف خطورة الهجوم لو لاحظنا الفترة القصيرة التي تولى فيها سامي دفة التدريب أعاد التوازن للفريق وأكل الاتحاد رايح جاي وألحق به كل من قابله وظهر الهلال بصورة مميزة فقط بتعديل طريقة اللعب وبتكثيف لاعبين الوسط وعدم المبالغة بالدفاع أو الهجوم سامي يعلم بأن لاعبين الوسط هم من يسيرون أي مباراة سواء بتسريع اللعب أو بقتله وهم من يوقدون عزيمة الفريق بالسيطرة وامتلاك الكرة ، أو القتالية والضغط بكثافة على الخصم عند فقد الكرة واذا كان لديك وسط قوي ومتفاهم ويستطيع القتالية في الدفاع والهجوم ، فمن المسيئ أن تبعده وتستبدله بتكثيف الدفاع أو الهجوم! ثم ترى النتائج تسوء وتستمر في الغرق بزيادة التركيز على المراكز الأقل تأثيرا برأيي الهلال يمتلك من أفضل العناصر في آسيا ، وينقصه حسن التوظيف ، لا أختلف بوجود ضعف في خط الدفاع ولكن ذلك مرتبط بانعدام خط الوسط والذي يكون الساتر الأقوى بامتلاكه للكرة والضعط في وسط ملعب الخصم |
كلامك جدا جميل وجميل وجميل وجميل ورائع الهلال يملك افضل لاعين وسط محليين ولكن كل واحد منهم يبي هو اللي يجيب الهدف وهذا اكبر غلط ولاننسى المدرب الداهيه طبعا اللي الى الحين م اعطى احد من لاعبين الوسط اي دور يقوم فيه بصناعة لعب مدربنا الداهية في فن الشاي والله هو اللي ضيعنا مدربنا هو اللي ضيع اللاعبين وخلنا نعتمد على الاطراف الميته فقط يبي شغل اوفرات على اساس ان المهاجمين عندنا طوال الله لايسامحه باختصار هلالنا يخوف السنه ذي الله يستر |
ماعندنا صانع لعب الا الشلهوب ولا مخليه احتياط ! نادر م راح نلقى صانع لعب مثل التايب |
| الوقت المعتمد في المنتدى بتوقيت جرينتش +3.
الوقت الان » 12:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd