.. إبتسامة سخرية ..
 

مساء الخير على الجميع ..

..


في البداية .. لست كاتبا ولا ناقدا ولا غيره .. مجرد أشياء تحز بالخاطر ..


تتوقعون رئيس الهلال يشوف كلامي .. ؟
المسؤولين .. ؟


الصراحة اللي حاصل " مخجل " والله العظيم مخجل .. ومضحك في نفس الوقت ..

الهم الأول والأخير آسيا ...

مقولة معروفة .. " من السذاجة أن تقوم بنفس العمل وبنفس الطرق وتتنتظر نتائج أخرى "

ندري إن المشكلة كل سنة وكل هزيمة مذلة .. (((الدفاع)))

ليه نكابر ونقيل مدرب ونهدد بالإستقالة ونسوي بلبلة والمشكلة واضحة وسخيفة

المشكلة الثانية .. نادي عريق مثل آسيا لايوجد فيه صانع لعب إلا واحد فقط

محمد الشلهوب وعلى مشارف الإعتزال ..

بيطلع لك واحد يقول عزوز والعابد وسالم والفرج

ههههههههههههههههههههههههههههههههههههههههههه

جميعهم يلعبون اطراف الا سلمان محور متقدم او وسط صريح

ي ناس الامر والله يقهر اقسم بربي اني اكتب من حرقة

طيب الحين تسرح مانقان وتجيب محور .. طيب صانع لعب الله يهديكم

كيف تبي ويسلي وياسر والكوري وسعد والجهني يبدعون بدون صانع لعب

ياناس الموسم هذا نلعب بدون تكتيك واضح اقسم بربي نفوز بإجتهادات فردية

نلعب طقها والحقها .. فرق صغيره كنا نلقمها بالدرزن صرنا نفوز عليها بشق الانفس



عبدالرحمن بن مساعد انت صاحب السلطة في كل الموضوع

انت تجلب مدرب يهرف بما لايعرف ونهاية الموسم يقال ويشيل فلوس ويمشي

وبعدين ؟؟ بيجيك موسم ماتتأهل لآسيا وتقعد مع الاندية المتوسطه وتشوف غيرك يتسلق على اكتافاك



سعد الحارثي احبه كشخص لكن لايناسب الزعيم
فلاته الدفاع والعازمي وكعبي

نبي صفقات نارية


الشهراني واعارة فقط ..



والله اني اتكلم حب للزعيم ولا بيني وبين احد عداوة ولا كره

اللهم وفق الزعيم بجد حالنا صعب .... :smilie47:

مشكلة عبدالرحمن بن مساعد

انه يدور مدبين يجونك بدون نفس
فهل معقول اجيب مدرب ( فرنسي ) ما تعود على الخليج
و اعطيه كل الصلاحيات و انا عارف انه ماراح يستمر
و بعد فتره اطلع ابرر ان العادات ما ناسبت له
اجل وشوله اجيب هالنوعيات

فلو تتبعت تاريخ الهلال
راح تلقى ان اشهر المدربين الي نجحو و حققو انجازات هم مدربين لاتينين
و من ثم اوربين شرقيين موب غربين زي خوينا
عدا جيرتس كقاعده شاذه بالنجاح
رغم انه ما استمر بعد
و ورطنا بروحته و عدم استمراره وقتها

بس عبدالرحمن للاسف كل سنه نفس الغلطه
مدرب تسيل سعابيله للعقد لانه داري ان حده سنه و معه الشرط الجزائي
و من ثم يتغير و معه بعض الاعبين حسب توصياته
و الهلال الضحيه

ياعبدالرحمن تراها رياضه سعوديه
مدرب لاتيني او اوربي شرقي له فكر تديبي حسب الرؤيه
يجي و يبي يثبت اسمه كمدرب

موب مدربين عالمي لعب فحسبة خطط الفريق
و يقول صناعة اللعب انتهت و خلو هرماش

مدري وشلون عالمي و الـ CV حقه عالي
و هذا فكره من ناحية صناعة اللعب

وعلى فكره .. جيريتيس .. جانا والهلال جاهز

هلال من أجمل مايكون ..

والدليل ان اللاعبين هم اللي صنعو جيريتس نزل مستواهم آخر آسيا وانهزمنا وانفضح جيريتس

ولو به خير كان افلح مع المغرب والنادي القطري ..

صااانع اللعب مطلب ضروري مع قلب الدفاااع

الله يكتب اللي فيه الخير

شكرا لك ..

الاهم الان مدافع واذا تم التوقيع لن نستطيع تغير اي اجنبي اخر
الا بداية الموسم القادم وعلى الارجح سيكون بديل لوسلي في صناعة اللعب