والله انك صادق جمهور الهلال اللي بالرياض
من تالي ما يحضر الا المباريات الكبيرة !!!!

وتلقاه يكتب اتنفسك يا زعيم .. وأعشقك يا زعيم
وهو حاط رجل على رجل ويناظر المبارة ببيتهم !!!!

اذا صدق تعشق الزعيم رح سانده بالمدرج حتى لو كانت
الخدمات سيئة فحب الزعيم يغطي على جميع العيوب ...

عزيزي الكريم هجمة مرتدة عزيزي الكريم عشق آلهلآل غير ! عزيزي الكريم شيفا

طبعاً الأخ سعود إلي مقتبس أنا كلامه أدناه ( يجيب عن كل ردودكم )

إقتباس الرسالة الأصلية كتبت بواسطة $سعود$ اذا خضر جمهور صار من برا طيب ليه ما يكون في المناطق الثانية من برا وثاني شي الرياض فيها اكثر من 30 مباراة والمناطق ال 2 بس مبباراتين اذا ما امتلى فهذه مصيبة والمفاعد اقل من النصف بكثير مصييييييييييييييبه مباراتين ومقاعد قليلة وما تحضرون ؟ اكيد فل كلها مباراتين اما الرياض 30 مباراة ودبل ملاعبكم

وبعدين فيه شغلة أنتم ترضخون فيها وماتدخل المخ الا وهي :
إذا أمتلى الملعب بالرياض جيتو و وقلتوا ان اغلب الجمهور جاي من برا ؟؟؟؟ باللهي يعني ابي شيء يدخل المخ
ولا عشان وليد الفراج جاب له كم واحد يقول أنا جاي من برا الرياض حكمتو على اغلب الجمهور ترا الاعلام يحاول يعرض اكبر عدد من الناس الي برا الرياض تسويق اعلامي لحضور المباريات ...وثانياً أنا اراهنك أن كثير من الي يطلع ويقول أنا من برا الرياض تحسه يهايط ولا هو تلقا بيتهم بالنظيم ولا بالجنادرية يعني بالرياض ...

((((((( ياعيــــــال نـــكــذب ؟؟؟ ))))))

الزبدة وآخر كلامي ومن الآآخير :
ترا مالها داعي هالأسقاطات على جمهور الرياض وحنا جمهور نادي واحد ومافيه أحد أحسن من أحد يابعد قلبي ... وآسف على كلامي .

لا خوف على جمهور الدمام
وانا اول الحاضرين ان شاء الله

يعني صارت الدعوه عناد بين جمهور الرياض وجمهور الشرقيه وجمهور الغربيه
ياخي كل واحد وظروفه
ابسألك لو الهلال نادي من الشرقيه ويلعب بالموسم اكثر من ثلاثين مباراة بأرضك تضمن لي الملعب فلللللل وتضمن لي حضورك وحضور 30 الف بكل مباراة ما أتوقع

^^

تكفى علمهم يبو حية

اللهـم آمــين ,, ربي يسمع منك ونشووف هـلال غــير بهالفترة الجايه
ومتفائلـين خـير برؤية حضـور جماهيري كبير ومشرف بمباراة الليله بإذن الله
قـواكــم الله ويعطيكم العافيـه ويـارب نتيجـة هــلاليـه زرقـــاء بـإذن واحـد أحـــــد


,,,

جمهور الشرقية جمهور الوفاء

و دائما يكون على الموعد

و اليوم راح نشوف الرقم الصعب في الملعب

إقتباس الرسالة الأصلية كتبت بواسطة هــF.B.Iـــلالي حبيب قلبي ممكن تنتبه لي دقايق معدوده 1- أصغر إستاد في الرياض يفوق مقاعده عدد مقاعد الإستادات الأخرى بالمدن والمناطق والمحافظات إذا استثنينا ملعب الشرايع .. وفي المباريات العادية أو الأقل من العادية واجهة ملعب استاد الأمير فيصل في الرياض لازم تكون مليانة إلا بحالات نادره جدا ممكن تصير بالموسم مرررة لا أكثر. 2- في المباريات المهمه والحاسمة بالله سؤال بسيط ... هل يقدر جمهور الشرقية على هالأرقام ؟؟ ا- 72 الف متفرج في أعتزال سامي ب- 70 الف متفرج في مباراة الهلال الكويت الكويتي . ج- 70 الف متفرج في مباراة الهلال الوحدة الإماراتي . د- أكثر من 60 الف متفرج في مباراة الهلال الترجي التونسي . ن- 54 الف متفرج في مباراة الهلال وبونيودكور الأوزبكي . * وبتعب لو أتذكر أمثله مايسويها إلا جمهور الرياض 3- بعض الصور والمقاطع وهذي مقاطع فيديو جمهور الهلال زلزال في الرياض ‫الجمهور الهلالي يهز استاد الملك فهد هز (الموج + الزلزال)‬‎ - YouTube و هذي مباراة الهلال السعودي و الكويت الكويتي التي حضرها أكثر من سبعين ألف متفرج Hilal Kuwait Match AFC in Riyadh - YouTube أسمعو عامر عبدالله وش يقول عن جمهور الرياض ‫جمهور الهلال + عامر عبدالله جلسة طرب رياضية على الهواء منتديات الشاعر تركي الميزاني‬‎ - YouTube يعني بالعربي ومن الآخر ريح ملايكتك تراك تغالط نفسك بإسقاطاتك على جمهور الرياض ... أصلن ماسمي جمهور الهلال جن الملاعب إلا بعد مباريات الرياض والجنون إلي حصل بالمدرجات أنا يمكن ما ألومك لأنك ممكن ماحضرت مباراة تاريخية جماهيرية بالرياض أرجو أن أكون أفدتك وسلامي لعامة جمهور الشرقية

انا من جمهور الرياض

وأقول استريح . جماهير المناطق افضل من جمهور الوسطى بألف مره

الله يصلحك بس

إقتباس الرسالة الأصلية كتبت بواسطة هــF.B.Iـــلالي ^^^^ قد رحتي للملعب ؟ خليني اقول لك انا كل المباريات الي نزلت لها صور انا موجود فيها وجمهور المناطق يمكن يمثل 5% من العدد الاجمالي

ودي اصدقك بس قويه قويه

ههههههههههههه

اجل مسوي فرز للي جاي من برا الرياض واللي جاي من الرياض

الله يرجك انت ماقتلتنا انت فجرتنا

ههههههههههههههههههه

.................................................

كلنا جماهير الزعيم

لكن الحق يقال

احنا جماهير الرياض مانبيضها الا في المباريات المهمه

اما جماهير المناطق الاخرى فهي دائما في الموعد

ويعطيهم العافيه وعساهم عالقوه

جمااهير الشرقيه قول وفعل ان شاء الله راح يملون الملعب ..,, بالتوفيق للزعيم

يوم الجمعة الدقيقة 20 الكل يردد "ياسر ياسر والهريفي خاسر" انشروه

يعطيك آلعآفيهه،،،
وبآلتوفيق للملكي بإذن الله،،،