|
يا إدارة .. و يا إدارة .. ويا إدارة .. الله يعين الإدارة السلام عليكم ورحمة الله وبركاته .. حاب اليوم اناقش موضوع مهم وتردد كثير في الفترة الأخيرة من خلال مطالعة سريعة لبعض المواضيع في المنتدى ويمكن الكل ملاحظ .. للأسف بعض الجماهير صار يتهم الإدارة في الطالعة والنازلة .. على سبيل المثال لا الحصر ... تلاقي البعض يقول . يا إدارة ما نبي اللاعب فلان كفاية فشل يا إدارة طفشنا وفي المقابل نلاقي ناس تقول يا إدارة إلى متى سياسية التفريط في النجوم :s5s: بصراحة احس هالشيء يشوشر على الإدارة كثير .. لأنها لو اتخذت عقوبات احترافية بحق لاعب معين نلاقي الجمهور يعترض ولو تغاضت عن سلوكياته تلاقي الجمهور يلوم الإدارة .. من ضمن المواضيع المضحكة يا إدارة ترى لاعبين الهلال يسمرون في استراحة مع لاعب نصراوي ؟!! يا إدارة وينكم عن اللإعلاميين اللي يسبون فلان في الفضائيات ؟!! يا إدارة ما نبي مانقان يا عالم فاشل ما نبيه خلوه يروح الإدارة بس تفكر في الفلوس والاستثمار ليش تفرط في مانقان في هذا الوقت يا إدارة ما نبي ذا المدرب ذا المدرب سباك ما عنده سالفة .. يا إدارة وش سياسية تغيير المدربين هذي اللاعبين مو قادرين ينسجمون مع خطة يا إدارة ليش إلين الحين ما حسمتوا ملف التعاقدات بتقفل فترة الانتقالات يا إدارة كيف يروح اللاعب فلان ويوقع مع فريق ثاني بدون مردود مالي للهلال يا إدارة هو كل ما قال لاعب ابي اروح تخلونه يروح وتبيعون عقده الإدارة شكلها ما تفكر إلا في المادة فقط يا إدارة يا إدارة يا إدارة يا إدارة يا إدارة مع احترامي لجميع الآراء وعارف مدى حبهم للزعيم ودايم حابين يشوفونه في القمة هذا طموحنا هذا آملنا لكن ممكن نكون أكثر عقلانية ونترك الإدارة تعمل بهدوء زي الفترة الأولى :yes: كلكم تتذكرون الانتقادات اللي طالت ويلي الموسم الأول في الموسم الثاني ومع الاستقرار قدم مستويات خيالية كلكم تتذكرون الانتقادات بسبب التخلي عن طارق التايب والتعاقد مع نيفيز حتى الأمير عبدالرحمن او ما أستلم الإدارة انتقد كثيراً من إعلاميين هلالين كبار .. قال بالحرف الواحد لا تستعجلون النتائج عطونا وقت .. وشفنا فريق بعد ما كان يفوز بطلوع الروح في آخر الدقايق صار يجندل الخصوم بالخمسة والستة ممكن نتحلى بالصبر أكثر ونترك الإدارة موسم واحد فقط تعمل بهودء ؟ بعيد عن ضغوط الجماهير الكبيرة ؟ الإستقرار الفني والإستقرار الإداري حول الفتح من فريق عادي إلى المركز الأول حول لاعبيين بإمكانيات بسيطة إلى نجوم في الملعب الهلال ما راح يحتاج 5 سنين زي الفتح الهلال يحتاج بس صبر سنة وحده موسم واحد ندعم فيه الفريق ونشجع اللاعبين ونثق في قرارات الإدارة ونحترم رأي المدرب بس موسم واحد قدم الدعم لناديك بكل الطرق المتاحة شراء تذاكر + اشتراك في باقات موبايلي + شراء منتجات الهلال وغيرها من الطرق لا تستعجل وتحكم على النادي بالفشل بعد مباراة وحدة فقط .. لا نصير عاطفيين وعشان تعمل الإدارة بكل طاقتها تحتاج منا الصبر وعدم إطلاق الأحكام المسبقة .. دعم اي قرار تقوم به الإدارة .. وعدم التعاطف مع بعض الأسماء لأننا اصبحنا في زمن (( الاحتراف )) المدرب عنده اسلوب معين ونهج المعين المفروض نحترم قرارات المدرب لأن احترام الجمهور للمدرب يفرض على اللاعبين إحترامه لكن اللاعب اذا شاف الجمهور يسب المدرب ما راح يكون مثل لما يشوف كل الجمهور يشيد بقراراته اما اللاعبين جميعهم اي لاعب يرتدي شعار الهلال يحتاج منا الدعم والتشجيع يحتاج منا المساندة يحتاج منا نزرع فيه الروح ليقاتل عن اللونين الابيض والأزرق يحتاج منا التصفيق له وقت الإبداع وتذكيره بالإنجازات في حال هبوط المستوى كتعزيز له على العطاء ما راح اطول في الكلام بس والله انا كـ مشجع زرت المنتدى بصراحة ضاق صدري من الكلام الموجود .. وسألت نفسي كيف تكون معنويات اللاعبين وهذي ردود الجمهور ما راح اقول ليش ما نصير زي جماهير الفريق الفلاني او العلاني لا لا لا راح اقول متى نرجع زي أول متى نرجع ( الرقم الصعب ) متى نرجع الجمهور اللي ينضرب فيه المثل متى متى ؟ متى يرجع (( اللاعب الخفي )) تحياتي لكم ابو المعاريف |
الاداره فاااشله جدا .. مع احترامي لها وحبي واجلالي .. هرماش والكوري مايجلسون .. الفريق يحتاج قلب دفاع وصانع لعب .. اذا المدرب والاداره مايفهمون كوره احنا نفهم ياخي .. اااااااااخ بس يازعيم .. فقدنا المتعه .. |
قرار رحيل او بقاء لاعب هذا رأي المدرب .. وإلى الآن ما انتهت الفترة .. يعني لا تستعجل في الحكم . وادعم قرارات الإدارة والجهاز الفني |
من ضمن المواضيع المضحكة يا إدارة ترى لاعبين الهلال يسمرون في استراحة مع لاعب نصراوي ؟!! يا إدارة وينكم عن اللإعلاميين اللي يسبون فلان في الفضائيات ؟!! يا إدارة ما نبي مانقان يا عالم فاشل ما نبيه خلوه يروح الإدارة بس تفكر في الفلوس والاستثمار ليش تفرط في مانقان في هذا الوقت يا إدارة ما نبي ذا المدرب ذا المدرب سباك ما عنده سالفة .. يا إدارة وش سياسية تغيير المدربين هذي اللاعبين مو قادرين ينسجمون مع خطة يا إدارة ليش إلين الحين ما حسمتوا ملف التعاقدات بتقفل فترة الانتقالات يا إدارة كيف يروح اللاعب فلان ويوقع مع فريق ثاني بدون مردود مالي للهلال يا إدارة هو كل ما قال لاعب ابي اروح تخلونه يروح وتبيعون عقده الإدارة شكلها ما تفكر إلا في المادة فقط ^ هههههههههههههههههههههههههههههههه صـادق والله |
الله يسلم ايدك ياابوالمعاريف موضوعك جميل واحنا مع الهلال قلب وقالباً ورح نصبر ونصبر ونكافح مع فريقنا حتى ينهض ويعودمثلما كان سابقاً)). |
بصراحه الإداره تتحمل الجزء الاكبر من المستوى الباهت للزعيم هذا الموسم اجل تعاقدات ضعيفه للغايه يا اخي الكريم شف تعاقدات الغرفه و قارنها بالزعيم الجميع مشارك في دوري ابطال اسيا بالنسبه للزعيم عادل هرماش (( لاعب عادي )) يوو بيونغ سوو (( يجي منه )) ويسلي لوبيز دا سيلفا (( نجم خارق )) جوستافو (( أن شاء الله يكون نجم )) بس شف اجانب الغرافه اللي يبي آسيا يدفع ثمنها جبريل سيسيه (( المعروف لا يعرف )) البرازيلي نيني برشيانو الله يعين بس |
إقتباس:
مشكله بعض عقليات جماهير الهلال ! ولامسمي نفسه الناقد الهلآلي ! أخوي ابو المعاريف تسلم أناملك على الطرح الاكثر من رائع . والمواضيع بالمنتدى أصبحت بالفعل تضيق الصدر ! يعطيك العافيه والله يكثر لنا من أمثالك بالمنتدى ويفكنا من جمهور المباراة الواحده ! وجمهور الطلبات والاوامر ! تحياتي لك |
طرح في محله .. شكرا لك...... |
الجمهور ما يرضى ابد ابد ابد قلت شمال قال جنوب رحت جنوب قال شرق |
إقتباس:
صدقت في جميع ماذكرة ياابو المعاريف وبالنسبه للنقطه الأولى بموضوعك تذكرني بحكاية عبدالقادر مانجان اللي اول ماجاء للهلال ومع اوائل مبارياته مع الهلال وصفوه باالصفقه الفاشله وإتهامات يندى لها الجبين كـ اتهامهم للإداره بجلبه من أجل تأهيله هههههه أدري هذا الكلام مضحك لكنه حصل من غالبية من في المنتدى وسبحان الله نفس اللي انتقدو الإداره في جلبه هم من أنزلو مواضيع تحت عنوان انتهت فترة إعداد مانجان بأوجه مختلفه وتباكو على إعارته يعني يابن مساعد ان ابقيت عليه فأنت موبخ من قبلهم وان أعرته فأنت أيضاً موبخ من جد كان الله في عونك يابن مساعد وماخفي كان أعضم يابو المعاريف ولايوجد من لايخطئ إلا من لايعمل وياكثر من لايخطئون في هذه البلد أكتفي بهاذا القدر وأشكرك ع موضوعك الرائع موضوع في الصميم حقيقه :clapping::clapping::clapping: :bx:s60s:bx: ي و س ف :smilie47::smilie47::smilie47: :smilie47::smilie47: :smilie47: |
مشكور على الموضوع و المجهود اعتبرها محاوله ناجحه لتهدأة النفوس ولكن ملينا من الاسطوانه راحت هيبة الزعيم في اسيا اتكلم اسيا فقط اللي حنا اسيادها على مدى التاريخ |
الإداره جابت الكلام لنفسها والسبب .. العك واللت والعجن في الفريق عملت في هدوء في سنين عدت ولكن الهلال وبكل أمانه وخلك صادق مع نفسك من سيء لأسوأ من حق الجميع ابداء وجهة نظره في حدود الأدب والمعقول حال الهلال ما يسر أبد .. |
شكرا لك ياعزيزي على هالموضوع الرائع .. زمان عن المواضيع الحلوه اللي مثل ذ1 .. الان المنتدى ياربي سترك كله انتقادات على اللاعبين والادارة والمدرب |
إقتباس:
""ابو المعاريف"" تسسلم ع الموضوع وما قصرت وانا اوافقك الرأي واتمنى التخفيف من الضغط ع الاداره وتتركون ابو فيصل يعمل بهدوء وبإذن الله نسسمع الاخبار اللي تسعدنا وبالتوفيق للزعيم:alzaeem: |
إقتباس:
يآخي آنت كيف تكتب !! ^ على وزن كيف تلعب .. فهمتوهآ ! كككفيت ووفيت قلت آللي بخخآطري :smilie47: عمومآ هنآك وعذرآ على هالكلمة ( سبآيك ) من آلذهب تخلط مآبين من يطآلب الأدآرة بالرحيل وبين الهلآل نفسه ! ههههههههه الأدآرة مآلههههههههها علآقه بحبي للهلآل .. ي نآس أفهههمو آجل وآحد من الردود يقول كم عمرك ! |
| الوقت المعتمد في المنتدى بتوقيت جرينتش +3.
الوقت الان » 02:17 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd