|
خذو العبرهـ من فريق شاختار الأوكراني ، ويامشرفين شوفو لنا حل ! السلام عليكم ورحمة الله وبركاته مساء الخير ، بدوون أي مقدمات > وضع منتدى الجمهور الهلالي بالسنه الاخيرة محزن ومخجل ويرفع الضغط ! كل المواضيع تصب بمحور واحد أو آثنين ، يا مطالبات بإحضار لاعبين ، أو تغيير مدرب ، أو انتقاد الاعبين والإدارة ، يعني الكل أصبح خبير فني وخبير إداري وبنفس الوقت سمسار لاعبين وناقد رياضي خبير ! جماهير الهلال للاسف أصبحت جماهير المباراة الواحدة ، يعني بعد كل مباراة له وجهة نظر أخرى وراي مختلف! غير الجماهير الاخرى اللي تطالب بعودة رووح الهلال وهو متكي ف بيته ولايدعم فريقه بالحضور والمؤازرة بالملعب ! فكيف تطالبون بروح وحماس ! وأنتم شغلكم الشاغل الانتقاد والمطالبات باحضار لاعبين وتغيير مدربيين! أما مسألة من يتهم الإدارة طالع نازل فهذا مع كامل احترامي له شخص ناقص عقلياً، فإدارة الهلال الحالية من أفضل الإدارات اللتي مرت على زعيم آسيا ! دعوكم من فكر المباراة الواحدة ، وادعمو فريقكم وطالبو بالاستقرار الفني وشدو من همة لاعبين هلالنا مهما كان الاسم ف بالاخير أنت تعشق وتشجع الكيان نفسه وليس الادارة او الاعب الفلاني ! فريق شاختار الاوكراني ينافس حالياً بدوري أبطال أوربا ، وحصد لقب الاتحاد الاوربي لعام 2009 ، وحقق بطولة الدوري المحلي في خمس مواسم ، وحصد لقب الكأس لثلاث موآسم ، كل هذي الانجازات تحققت من عام 2004 لغاية وقتنا الحالي ، وتحت إشراف مدرب واحد هو السيد ، ميرشيا لوشيسكو ! يعني بحسبة بسيطة المدرب أستمر على هرم الجهاز الفني لمدة 9 مواسم ! وهاهو فريق شاختار الأوكراني يقطف ثمار الآستقرار الفني للفريق! فاين جماهير المباراة الواحدة والذين لايفكرون بعقلية محترفة ولا واقعية ! الزمن تغير والكورة تطورت واللعب أصبح جماعي وفني بحت ! والآمثلة كثيرة ! أعطوا فريقكم الاستقرار الفني ، ولاتحاسبوا ع المباراة الواحد ! همسة لمشرفي منتدانا الاعزاء ، أرجو منكم عدم رفع المواضيع اللتي لاتساعد على استقرار الفريق ولاتدعمه ! بل تحبط بالفريق وتكسر روح لاعبيه ! تحياتي لكم وأسف ع الإطالة ، s13s |
ياعمي تبي تعرف ليش شفت الشوط الثاني احتياط شختار في الاين اللي امام الشاشة من بداية الشوط وهم تسخين واسبرنت اما لاهبينا شفهم جالسن وهذا دليل على القوة واللياقة وشفهم ناقصين وجابو الثالث اما احنا ماعندك ماعند جدتي لالياقة ولاشي شوف في عهد جريتس كيف كانو حتى بعد ماراح المخزون لسنة ثانية اما الحين ولاشي اما المدرب فلا احد يقنعني فهو سباك من الدرجة الممتازة جايب لاعب اجنبي ومالعبته لاحول ولاقوة الا بالله |
لله درك ياشيخ كلام رائع ومنطقي تعبنا من اللي على الطالعه والنازله يقيمون ساعه يمدح ويبجل وساعه يقدح ويوبخ لندع العاطفه جانبا ونكون عقاليين نترك للاداره الفرصه في العمل ونترك الملاحظات والتقييم لاخر الموسم |
إقتباس:
اذا انت تبي تقارن فريقك بشاختار الاوكراني ، فهذي مصيبة ! واذا كنت تطمع بفوز بمباراة ودية وتبحث عن مستوى فالمصيبة اععظمُ ! الفكر الاوربي والاعب الاوربي يفرق كثيراً عن مستوى الاعب الاسيوي وبالاخص الخليجي ! وبالنسبة للمخزون اللياقي والبنية الجسمانية انا اخالفك الرأي ، فالهلال هذا الموسم جميع لاعبية تحسنت لياقتهم واجسامهم كثيراً عن المواسم الماضية ! فكونا من مسلسل جريتس ، ونظرية فريقي أقوى فريق بالعالم ! تحياتي لك |
إقتباس:
اللاعب عنده برنامج لياقي يطبقه |
انا معك لابد من الاستقرار لكن لايمنع نقول اللي نشوف بالله عاجبك حال الدفاع وصناع اللعب اتمنى جلب مدافع وصانع لعب او ع الاقل مدافع وصناع عادي مع الشلهوب وعزوز اذار رجع لمستواه لكن اتمنى من الاداره المرات الجايه اذا بتشارك يكون لها هدف فمثلا تاخذ لاعبين شباب وتطعمهم بكم لاعب خبره وتخليهم يلعبون المباريتين بنفس العناصر وتبديل 3لاعبين فقط عشان نقدر نحكم ع الفريق وع البدلاء اما كذا فصعب كل لاعب مايلعب الا عشر دقايق او اقل اي استفاده نرجوها ترو الوديات مو بس وديه واي كلام لابد نطلع منها بفائده اللي راح خلاص ننساه ونفكر في الجاي |
فريقك نايم واكبر دليل انه نايم عندهم لاعب اسمه نامي الانديه تشتغل صح وتجيب النقص اللى بفريقها في لاعب اجنبي وصرنا ننهزم برباعيه وثلاثيه مع المرشدي وطقته حسبي الله ونعم الوكيل ولا المدرب يزيد الطين بله |
حنا نبي الاستقرار بمدرب نظمن معاه ٢٠ سنة قدام زي سامي الجابر ونواف التمياط |
إقتباس:
وكلامك عين العقل بخصوص الاعبين الشباب والاستفادة منهم بالمباريات الودية ، وهذا ماتم عمله بهذي البطولة الودية فاكثر من لاعب شاب للمرة الاولى يشاركو مع الفريق الاول ! وبالنسبة للاعبي الخبرة فالجميع يعرف انهم كانوا بمهمه وطنيه مع منتخبنا الوطني ! والفائدة اللي طلعنا منها بالبطولة هذي ، هي وضوح انسجام بين لاعبي الوسط ! وايضاً ضعف خط الدفاع الواضح ! تحياتي لك |
_ ماا اتوقع فيه مشجع عااقل رااح يهتم للفوز والخسااره بمثل هذي المباريات نحن نتكلم على مستوى الفريق بشكل عام وبالذات خط الدفاع داام الوقت متااح الى الان ليش ماا نطالب باصلاح وضع الفريق اناا مابي اصبر حتى نتمسخر من الانديه الثاانيه وبعد كذاا نطلع نتكلم ..,.,. |
إقتباس:
واقدر لك حماسك وغيرتك على فريقك ! لكن ترى انتي تقابلي اندية اوربية عريقة ! فطبيعي تنهزمي منها بالثلاثة والاربعة ! ليس الغرض من المباراة الودية الفوز ، الغرض الاستفادة والاطلاع على عيوب الفريق ! تحياتي لك |
ابي اعرف ليش معارضين قدوم مسعد :s5s: والله انه افضل من نامي وحتى اليوم في مباراه شاختار مستوى البيشي رايح فيها لانه يعرف انه لا يوجد له منافس في هذه الخانه اتمنى احضار مسعد هنالك خلل واضح اليوم الهدف الثاني والثالث يتحملها البيشي ونامي |
إقتباس:
وبالنسبة لوضع الدفاع الاداراة تعمل على قدم وساق لسد ثغرة الدفاع والجميع يعلم بذلك ، والاندية الثانية ماراح تمصخرك ! مصخرتها انت بالاربعة والثلاثه بالدور الاولى من دوري زين ، وإن شاءءلله مع الوقت يتحسن حال زعيمنا للافضل فكلنا نطمح ان نراه بافضل حال بجميع خطوط الفريق ! تحياتي لك |
إقتباس:
تحياتي لك |
الهلال بحاجه الى سنتر ايمن اجنبي (برازيلي) وباك ايمن محلي (مسعد) مع البيشي كنت اتمنى استمرار مانجان ولكن قدر الله وما شاء فعل |
| الوقت المعتمد في المنتدى بتوقيت جرينتش +3.
الوقت الان » 10:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd