|
لاعب هلالي وعضو شرف ....... يخططون لتدمير شباب الهلال ! يارئيس الهلال بسم الله الرحمن الرحيم احذر وانبه إدارة نادي الهلال على راسهم صاحب السمو الملكي الامير / عبدالرحمن بن مساعد ان هناك مخطط من النادي العاصمي يتبنى وبقوه ( تدمير ) لاعبين الهلال الشباب مثل / نواف العابد ومحمد القرني وسلطان البيشي وسالم الدوسري .. وغيرهم ..! والمخطط مدروس وبمساعده من لاعب هلالي كان مثالا لعدم الانضباط وسوء السلوك ويريد هذا اللاعب السيئ وبمساعده من اعضاء شرف من النادي العاصمي ان يدمر شباب الهلال بمخطط كبير ........................ ؟ اتمنى ان يلتفتوا لهذه الامور الخطيره والتي تؤثر عليهم صحيح يهتموا بالتدريبات والانضباط التكتيكي والحضور وغيره ..! لكن عليهم أمانه كبيره بان يحموا ابنائهم ولاعبيهم من اصدقاء السوء ومن أشخاص تعمل على هدم هؤلاء الشباب أخلاقيا وسلوكيا .. ومن مصدر موثوق لاعبين الهلال / أن اللاعب ... س ...و... ع ..... لديهم استراحه يجتمعون فيها مع شباب وهذا طبيعي لكن الغير طبيعي ان اللاعب ..................؟ لا يخرج من الاستراحة الا في وقت متأخر ( قبيل الفجر ) طبعا لا اقصد بالسهر اشياء اخرى لا سمح الله أبدا .. لكن اقصد انه يسهر ومجرد السهر يؤثر عليه وعلى مستواه وقد يكون هو سبب كثرة إصاباته لعدم اهتمامه بالنوم المبكر .. والنوم المبكر له تأثير في تغذية اللاعب وعلى قوة عضلاته وغيرها ..! وسلامتكم |
............................ |
انت تقصد خالد عزيز بلاش ندخل بذمم الناس كل لاعب يتحمل مسؤولية اهماله وسهره ولفه ودورانه ادارة الهلال ماتقدر تراقب اللاعبين خارج النادي واللاعبين لديهم عقل يدرك ماهو صحيح وماهو خاطئ تحياتي لك عزيزي |
ياخي خلهم يسهرون وش المشكله من زين الاحتراف عندك يعني ابد اللاعبين مايدخنون وﻻ يشيشون تراهم بشر ﻻتقول عضلات وتغذيه ﻻنهم بالمعسكرات طايحين بالمفاطيح هذا احترافنا ثاني شي قل لنا السالفه زي الناس مو اللاعب س و ع ط خ عادي قل خالد عزيز وعادي اخويا ومع بعض ترا الدعيع كان يسهر مع ضياء هارون فالوضع عادي مو لهدرجه لاعبين النصر وصخين وكنهم منبوذين ناديهم كريهه وشعارهم كريهه بس سالفه لاعبين الهلال يتكون مع لاعبين النصر انتبه ي عبدالرحمن بن مساعد ! شوي فيها مبالغه مع احترامي لك |
النادي يدفع الملاييين في اللعيبه ويجي واحد زي عزيز ويخربهم على النادي مراقبة اللعيبه وفرض التمارين الصباحيه والكشف الدوري عليهم ونصحهم والوقوف معهم لانهم في سن صغيره ومحتاجين النصح والارشاد |
اشوف صعب مراقبة اللاعبين خارج النادي وفرض عليهم رقابه لانه في النهاية هو اعلم بمصلحته وعلى فكرة لعيبة الهلال بإذن لله ما عليهم خوف وخل مخططاتهم لهم |
مثل ما قال نمر و ايده بالقوه... |
ياخي خلهم يسهرون وش المشكله من زين الاحتراف عندك يعني ابد اللاعبين مايدخنون وﻻ يشيشون تراهم بشر ﻻتقول عضلات وتغذيه ﻻنهم بالمعسكرات طايحين بالمفاطيح هذا احترافنا ثاني شي قل لنا السالفه زي الناس مو اللاعب س و ع ط خ عادي قل خالد عزيز وعادي اخويا ومع بعض ترا الدعيع كان يسهر مع ضياء هارون فالوضع عادي مو لهدرجه لاعبين النصر وصخين وكنهم منبوذين ناديهم كريهه وشعارهم كريهه بس سالفه لاعبين الهلال يتكون مع لاعبين النصر انتبه ي عبدالرحمن بن مساعد ! شوي فيها مبالغه مع احترامي لك |
من جد اذا تم الاستغناء عن لاعب تحديدا من اللاعبين الشباب امثال سالم والعابد فهذي مصيبه لن تغتفر ... مو كفايه عملوا مخالصه مع (شافي الدوسري) و (بدر الدعيع) اوك مو مشكله انهم غير منضبطين ايش دور النادي هما لاعبين لسه صغار في السن ومع الوقت راح يستوعبوا لكن تحذير مره واثنين الثالثه تنسيق ماصارت هذي نضيع مواهب بطريقه غريبه ... الحين كان الدعيع استفدنا منه الله يكتب الخير للهلال يعطيك العافيه |
اخوي كل واحد عقله براسه ويعرف خلاصه مصيبه لو ابن مسااااعد يحميهم في حياتهم الخاصه ترى اللي انت تتكلم عنهم رجال مو بزران وللمعلوميه اغلب الاعبين السعودين يشيشون انت صح تقصد شي ثاني عاد هذي الشكوى لله والاعب يتحمل خطيته وشكرا |
يا عزيزي لا يهمني شخصياً من هو اللاعب الذي يهمني هو ... هل يعرف اللاعب السعودي معنى الاحتراف الحقيقي !!!!!!!!!!! إذا كانوا هؤلاء الشباب ... لا يعرفون مصالحهم وهم محترفون فماذا ترغب منا ... أن نفعل !!!!!!!!!!!!! بالعامية ... عقله في راسه يعرف خلاصه |
صراحه أنا مالومك على كتبابة هالموضوع لأنه هدفك من مصلحة الفريق وشئ تشكر عليه لكن ياعزيزي مسئلة أن النادي يراقب الأعب خارج النادي هذي صعبة لأن النادي ماله أحقية بمراقبة الاعب خارج النادي الاعب يعرف مصلحة وين يروح وين يجي متى ينام متى يصحى هذي كلها تخص الاعب نفسه , أذا إدارة النادي شاهدت سلوك سئ من أحد الاعبين داخل النادي يحق لهم معاقبته وغير كذا مالهم أي أحقيه في معاقبة لاعب . والاعب بشر يخطئ ويسوي أشياء غلط يمكن أحنا كجمهور نسويها لا وفي نفس الوقت ننتقد يعني نرضى على نفسنا ونعيب عليهم , وبعدين ترى الوسط الرياضي أشوفه مو بعيد عن الوسط الفني فيه من البلاوي الي مايعلمها الا الله (( والله يستر علينا ويستر على الجميع)) |
صعبه مراقبتهم خارج النادي لكن سهل انهم يوعونهم اكثر ويكون في برامج ثقافيه واجتماعيه اكثر والله يهدي اللاعبين ويبعد عنهم ربع السوء |
يحتاجون توعيه اما المراقبه صعبه بعض الشي.... الله يستر على شباب المسلمين.... |
ماهم صغار عشان تراقبهم اداره الهلال خارج الملعب واي لاعب يعرف ان هذا مستقبله ومستحيل يضيعه وبالنسبه للسهر والعلم عند الله ان لعيبتنا كلهم يسهرون لآخر الليل وين المشكله |
| الوقت المعتمد في المنتدى بتوقيت جرينتش +3.
الوقت الان » 08:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd