ياسر القحطاني يواجه مدرجات النصر والاهلي والاتحاد ..ولجنة الانظباط
 

اسامه هوساوي يضع الكره بكل حرفنه في مرمى وليد عبدالله حارس منتخبنا الوطني وسبحان الله مرت على الجميع مرور الكرام لان الكوره اخطاء وما فيه احد معصوم من الغلط ...

اسامه المولد يتمرمط في نص الملعب من مهاجم الكويت يوسف ناصر ويجري ورى الكويتي مثل ددسن يطارد بورش ويتسجل علينا هدف ونفس الشيء الكوره اخطاء ياعالم ولا حد يناقش في الموضوع ...

ياسر القحطاني طوال ثلاث مباريات ماوصلته ولا كوره صح الا واحده من الشمراني ووضعها في الشباك لان ماخلفه صانع لعب ومع كذا الوضع اختلف لامن ناحية الاعلام الاصفر الموبوء ولا من ناحيه جمهور حاقد على كل ماهو ازرق واذا عرف السبب بطل العجب .

الآن وبعد خروج المنتخب الكل منتظر استئناف المسابقات المحليه ولا يخفى على الجميع ان كابتن فريقنا ياسر القحطاني تنتظره حرب قذره من وسائل اعلام ومن مدرجات اتمنى من ادارة الهلال بقيادة رئيس النادي ونائبه مخاطبة رئيس الاتحاد السعودي ومخاطبة لجنة الانظباط بأتخاذ أقسى العقوبات لأي جمهور يتلفظ بأي لفظ بذيء تجاه قائد الهلال خاصة وان ياسر ان يتأثر بسرعه من الهتافات ويخرج من جو المباراه اتمنى ان يكون لادارة الهلال موقف حاسم وصلب في الهتافات البذيئه تجاه الفريق عموما وتجاه ياسر خصوصا ولنقتدي بادارة العين الاماراتي عندما هوجم ياسر من جمهور الوحده وتم معاقبة المدرج الوحداوي واكمل ياسر الموسم مع العين ببطولة الدوري ومستوى كبير.

وفي نفس الوقت نرجو كجمهور هلالي من ياسر السير على منهج العملاق سامي الجابر فمهما هوجم ياسر فلن يتعرض لمثل الحرب التي تعرض لها محبوبنا ابو عبدالله فكلما زادت حربهم النتنه زاد سامي بطولات وانجازات والقاب شخصيه حتى وصل لمرتبه اصدقاء زيدان ورونالدو .

اخيرا اتمنى من عشاق الازرق في جميع الملاعب الوقوف مع الفريق ودعمه بقوووووه لان وقت الحصاد قد اقترب ونادي الفتح مهما بقي في الصداره فخبرة الهلال الكبيره سوف تصنع الفرق في نهاية الامر .

للاسف ماعندنا لجنة إنضباط !!!

ياسر القحطاني السعودي قبل كل شي انصفوه الاماراتين من اول حادثه والقناص ينجلد بالمدرجات والاعلام سنوات ...

وربي إني حبيت ياسر القحطاني اكثر واكثر .. وما أقول الا حظك يابن سعيد من وين جاك هالصبر .. وبعد احسدك ع الحسنات اللي بتجيك من المدرجات !!!


جماهير الزعيم ادعموا ياسر ورفقائه تكفوون

صرااااااااخهم على قدر ألمهم وألم أنديتهم من عمهم الكااااااسر ياااااااسر

كلنااا معك ي القنااص



أرجو التعديل

شكراً لك

كل اللي نبيه الجمهور يوقف معاه عشان يعرف انه وراه من يقدّر جهده وعطائه
ياسر تحمل الكثير يمكن هذا اختبار من رب العالمين عشان يشوف مدى صصبره
وان شاء الله ربي يكثر حسناته ويعوضه كل خير بسبب اللي يحصل له

كل التوفيق يارب للقائد ياسر الكاسر
وجمهور الازرق قلبا وقالبا معآاااك ،،

الشجرة المثمرة تقذف بالحصى وام المفلسون فهم كمثل السراب في الصحراء
وياسر غني عن التعريف وهو عقل كروي ناضج ماشاء الله عليه متى ماوجد الدعم
اصبحت الشباك مادته المفضله لدينا في الهلال فريق احتار حينما يهزم لكونه كوكبة نجوم
والسبب هو الروح ولاغيره سبب متى عادت روح الهلال ثق ان الفوز حليفنا باذن الله