|
الحل الامثل لجلب الشعبية الجارفه للزعيم الملكي بالملعب في كل مباراة سوى صغيره او كبيرة..>>> صباح الخير جميعاً,,, في الحقيقة كثر الحديث عن ضعف الحضور الجماهيري للزعيم الملكي رغم انه الأكثر شعبية في السعودية والخليج واسيا والكثير طرح حلول واجتهدو وسبق واني طرحت موضوع فيه حلول قبل أكثر من سنه البعض يقول انقلوا الهلال من الرياض لمنطقة ثانية وفي إعتقاده أن المشكله في جماهير الهلال في عقر داره وهذا غير صحيح لو ننظر للمناطق الثانية وخاصه هالموسم نجد حضور ضعيف وحصل في بريدة حضور مع التعاون لم يتجاوز السبعة الآف وكذلك في الاحساء بإستثناء مكة كان الحضور ممتاز لأهمية المباراة والأسباب كثيرة لقلة الحضور والحل سهل مو صعب في انك تخلي كل مباراة للهلال 70 الف متفرج أو حضور لايقل عن 30 الف متفرج وخاصه بالرياض كثرة المباريات للهلال وكثافة سكان الرياض وعشاق الهلال بالرياض لربما يتجاوزون الاربعة ملايين بحكم ان عدد سكان الرياض 6 مليون نسمه ((والحل هو)) 1- الإشادة بجماهير الهلال من قبل الإدارة الهلالية وتشجيعهم للحضور وتحميسهم مثل ماكان يفعل طيب الذكر الامير محمد بن فيصل أيام كان رئيس الهلال كان يحمس الجمهور ولاينتقده مثل ماكان يحصل مع إدارة عبدالرحمن بن مساعد الحالية.. 2- التنسيق مع الشريك موبايلي بتقديم إعلانات بلوحات بالأسواق التجارية وبعض الشوارع بالرياض أو إعلانات بالقنوات تدعو فيها الحضور لمباراة الهلال بالملعب لوجود جوائز للجمهور مثل تقديم سيارتين أو سيارة مع بعض الجوائز البسيطة مثل ساعات وأقلام أو أجهزة جوال أيفون وجالكسي وأيباد وأيبود ولاب وبعض الأجهزة الكهربائية كلها مع بعضها لاتكلف 200 الف ريال يمكن يقول البعض مبلغ كبير في كل مباراة أقول صحيح ولكن لو جاء باستاد الملك فهد 75 الف متفرج بمباراة هجر بالدوري على سبيل المثال وسعر التذكرة عشرين ريال كم بيكون دخل المباراة بيكون مليون خمسمئة الف ريال سعودي 1500000 وهذا مكسب كبير لموبايلي بحكم أنها شريك وال 200 الف ريال مع المليون ونص عادي كسبت ضعفه ست مرات الى سبع مرات وبكذا نضمن أن الحضور في كل مباراة لايقل عن 30 الف متفرج وفي مرات كثيرة 75 الف متفرج والكل يعرف أن المجتمع السعودي والعربي على وجه الخصوص مهوس بشئ اسمه جوائز وسيارات راح يتواجد جاليات مصرية وسودانية بالعربي أجانب بالملعب وأنت كسبان شعبية ودخل كبير وإرتفاع مستوى الهلال مع الحضور الكبير .. 3- في مباريات الهلال بالإستاد أو الملز لايمنع من موبايلي في المباراة المشرفه عليها أنها تحط بوفيه كبير على شكل مطعم لايكلفها الا شي بسيط لجذب الجمهور بدل من بوفيات الملاعب الفقيره والتي لايوجد فيها الا أكل ردئ وقديم وبكذا تضمن حضور كبير بسبب أن الناس أيضآ بالملاعب يصيبها جوع وتبي أكل طيب.. 4- تقدم مبايلي عدد من تيشيرتات فنايل اللاعبين موقع عليها من بعض اللاعبين مثل في كل مباراة يتم توزيع 15 تشيرت أصلي بالإختيار العشوائي لأرقام تذاكر الجمهور الحاضر وأنت وحظك وهذا يزيد الحضور.. هذه بعض الحلول المتواضعه واللي سبق وأن طرحتها قبل كم سنه وهناك توضيح بسيط لكم ليس شرط أن الجوائز وهذة الافكار تكون مجتمعه في مباراة واحدة ممكن تطبق جزء منها في مباراة والفكره الاخرى في مباراة أخرى وهكذا وبكذا نضمن حضور جماهيري كبير ومشرف في كل المباريات للزعيم الملكي وفي الاخير أعيد وأكرر ترا الإعلانات بالأسواق بلوحات إعلانية للجوائز ((احضر مباراة الهلال واستلم جائزتك)) تصنع من هذة العباراة في كل مباراة حضور خرافي حتى لو الجوائز ساعات وأقلام الشعب السعودي وحتى العربي مثل ما قلت مهوس بالجوائز فعلو هالحل تكسبون حضور كبير ومكاسب للهلال ومبايلي الكل كاسب واتمنى من الكثير اللي عندهم حلول اضافيه يضيفونها للموضوع ولكم مني أجمل تحيه والسلام عليكم ورحمة الله وبركاته. |
صبحك الله بالرضا والنعيم موضوع جميل إن شاء الله الجمااهير ما تقصر في الجايات وتقف مع الزعيم شكرا لك |
إقتباس:
الاجمل ردك اخو الغالي وحضورك واتمنى من جماهير الهلال في ردودها ترد برد مفيد وحلول مو تقول هذي جماهير استرحات ومقاهي او هذا الجمهور مايحتاج اعلانات ودعوه هذي ملينا منها الاسواق والشركات كيف تكسب الجمهور بالاعلانات تصنع قيمة شرائيه وتواجد كثيف وبالملاعب تقدر تصنع بالاعلان وجوائز قلم وساعه بسيطه جمهور خرافي |
ياخي بس مهي حلوه بعدين بتسير علينا سمعه وش بيقولون جمهور الجوائز والا ذولي ما يحضرون الا عشان الجوايز هي فكره ممتازه بس لها ايجابيات وسلبيات |
يعطيك العافيه ـ ــ ـ ـ ـ ـ ـ ـ |
إقتباس:
اخوي الغالي اختلف معك مافيها عيب ولا سمعه كل الدول المتحضره تجذب الجمهور بالجوائز والاعلانات وهذا حصل في بملاعب قطر والامارات وكذلك في ملاعب اوروبية الامر اجابي اكثر منه سلبي |
انت قـآعد تنآقض نفسك أو تناقض منطقك.... كيف الاكثر شعبيه ...؟؟ وانت قـآعد تطرح طرق لجلب الجمآهير..؟ الاكثر شعبيه مـآيحضر الاا كم واحد لحفل اعتزل لاعب قدم الكثير لهذآ الكيان العظيم..؟ والله حفل إعتزال فشيله بسبب الجماهير للاسف الهلال يفقد شعبيته بسبب بعض عقليـآت أدارته العقيمه ..؟ وتفريطها بالنجووم...؟ النجوم هم من يجلبون الجماهير وليس بتحفيزهم بالحضور بوجبة بروست او بطاطس ليز الله يعين ي هلاااال |
إقتباس:
مع احترامي لرايك جابنك الصواب للأسف وهل عندك شك في شعبية الهلال وبعدين هل تعرف ظروف مباراة الاعتزال وتوقيتها السئ يعني تبي الناس تضيع مستقبلها عشان مباراة وخاصه ان هالايام اختبارات نهائية لطلاب ووقت بطولة الخليج ولايتواجد اكثر من 13 لاعب هلالي مابين المنتخب والاصابات وتقول ليه مايجون احنا ترا اوادم وناس نفهم ونفكر اما الفكر المناطقي هذا لانعترف فيه جمهور الهلال كله واحد سوى بالرياض او بالمناطق الثانيه والمناطق الثانيه ماتحتاج حلول مثل اللي طرحتها كلها مباراة وحدة بالموسم شي طبيعي الكل بيحضر ولكن بالرياض المباريات بالكوم وعدد السكان هائل يعني يبي لهم فكرة وحلول مثل اللي طرحتها بالموضوع اتمنى انها وصلت لك الفكره... |
سلام عليكم ورحمة الله وبركاته اسمح لي كنت ناوي اقرا الموضووع كآمل ... لكن اول حل من حلووولك مغالط تماما للواقع اكثر اداره صبرة وطالبت بحظور جماهير الهلال هي ادارة ( عبدالرحمن بن مساعد) الجماهير صرنا نشحدهم شحاده عشان يحظروون مدري انا وش الشي اللي انعكس لكم من رئاسة الامير محمد بن فيصل بيض الله وجهه ماقصر جبنا كؤووس زيه زي باقي الرؤساء ولله الحمد مافيه رئيس يمسك الهلال الا وجبنا بطووله حتى لو يرءسنا مين مايكون ..!!! الفتره الاخيره الكل يجندل في ادارة الهلال الحاليه وكل ماصار شي قال الله يرجع ايام محمد بن فيصل ..؟؟؟؟؟؟؟؟؟؟؟؟ تقول في عهد ادارته كان يحفز جماهير الهلال على عكس الامير عبدالرحمن بن مساعد ياخي اذا تجهلون الكثير وتسمعون وتصدقون على كيفكم فهذي مصيبه لكن اتمنى اللي ما يعرف التاريخ لا يتكلم فيه ولا يقرررب منه شوف الصوووره هذي التحفيزيه اللي تتكلم عنها ..؟؟ 7 7 http://store2.up-00.com/Nov12/HCm26891.jpg 8888 هذا التحفيز اللي تتكلم عنه ..؟؟؟؟؟ اتمنى ما تناقشون شي الا وانتوا تعرفوا عن ايش تتكلموا مو ترموا بالكلام بدون محاسبه دمت بود |
إقتباس:
اخوي الحين تركت الموضوع بكبره ولاشفت الحلول وجيت على اول حل وفهمته بشكل خاطئ للاسف اخوي انا ماذكرت الامير محمد بن فيصل عشان اقول انه افضل من عبدالرحمن بن مساعد كلهم عينان في رأس روساء الهلال وحققوا بطولات وقدمو عمل مشرف للكل ولكني ركزت على تحفيز الجماهير وقت الامير محمد بن فيصل كان يحفز الجماهير ويبث فيها روح الحماس وكان يتكفل بباصات من جميع مناطق المملكه ولقب جمهور الهلال بالرقم الصعب لانه فعلا بوقته كان الجمهور كثيف وبالنسبه للاقتداء بجمهور النصر فعلا اخطأ ولكن ركزت على الشي السلبي في كلامه بذكره النصر وترك الشي الاجابي وهو انه يثير الغيره في جمهور الهلال ويحفزهم بطريقته اما الامير عبدالرحمن بن مساعد ماقصر ولكن في اوقات كان ثقيل مع جماهير الهلال وقول هذا واجبهم يعني مو مقتنع بقضية التحفيز وتوجية الدعوات والتحميس للجمهور .......... |
نتمنى حضووور الجمهووور لكككم صعبه انهم يطبقون كلامك .... |
هههههههههههههههههه بوفيه وسيارات ياخي عيب والله عيب ناضر الجماهير الاخرى تحظر عشق لهذا النادي واحترام مو جاي لي تقول سياره وجالكسي وبوفيه حسبنا الله ونعم الوكيل هذا الي اقوله !! |
إقتباس:
النصر 13 سنه ماذاق طعم البطوله وشوف جمهوره ، الاتحاد في اسوا مستوياته وان ضل على هالمستوى بيهبط وشوفو جمهوره .. والاهلي يكفيك لقب جمهورهم ( الراقي ) ؟؟ |
اعتقد هذي الاشياء لا تسمن ولا تغني من جوع الكل عارف ان الادارة الهلالية محاربه الجمهور عشان كذا الجمهور ما يحظر للمباريات لأن هذا هو الحل الوحيد لأظهار اننا غير راضين عن العبث الي قاعد يصير بالفريق و ان الجمهور عير راضي عن تجديد فترة رئاسة عبدالرحمن بن مساعد لما قدمه في اخر عامين و الان ستصبح 3 اعوام فلا تطلب من الجهور ان يحظروا ليشاهدوا عك كروي و مباراة لكرة الطائرة وليست كرة قدم |
إقتباس:
هل منظر الملعب بدون جمهور له طعم مستحيل ولكن لابد ان تعمل شي يجذب الجمهور للملعب وهذي بعض الحلول... |
| الوقت المعتمد في المنتدى بتوقيت جرينتش +3.
الوقت الان » 12:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd