|
حوار بيني وبين رجل اربعيني قبل يومين وفي طريق عودتي للمنزل لقيت عبري عمره 38 سنه ركب معي وفي الطريق دار بيني وبينه حوار فيه احترام لوجهات النظر ومحبه وتقدير والواضح عليه انه عفوي وحبوب الرجل معاه شهاده ابتدائي ويشتغل وقاعد يدرس ثاني متوسط ويرغب في الحصول على شهاده المتوسطه للحصول على الترقيه وكان يحكي لي عن معاناته في عدم مقدرته على شراء سياره وعدم مقدرته على شراء ارض وامتلاك منزل الرجل كان محترم وكان عفوي جدآ لدرجه ان يسولف عن معاناته ويضحك وكآنه يحكي لي نكته مثلآ >> كلامه اثر فيه كثير ومع عصبيتي تحمست انا مع الموضوع ودخلت على طول في الميزانيه وطايح سب في المسؤولين وكيفيه اهدار الامول لدول الجوار وعدم اعطاء فقراء البلد قبل كل شي الرجل نظر الي وقال الحمدلله احنا عايشين في نعمه كبيره واهم شي الامن والامان :to: وقلتله انت ماتشوف الفقراء المتواجدين في المنطقه انت ماتشوف كم من ام اضطرت ان تخرج لتشحت الناس حتى توفر لهم لقمه العيش كم من اب انكسر ونزل نفسه حتى يوفر لقمه عيش لابنائه كم من ابن ترك دراسته واضطر ان يشتغل ليساعد ابوه على احتياجات الاسره كم من عائله لم تجد لها مآوى وبيت كم من عائله تشتت هل تعلم ان لدينا مليون شاب عاطل عن العمل والعدد قد يكون قابل في الزياده في ظل الفساد الحاصل هو نظر الي والله العالم انه متعجب ومو داري ايش السالفه وقالي مستحيل تجد هذا في السعوديه وبعد طول الحوار عرفت منه انه لايتابع الا القناه الاولى وقناه الساحه وغيرها من القنوات الشعريه :d وكلنا نعرف ايش هي القناه الاولى ونعلم ان اغلب الشياب والشباب هجروا هذي القناه وفي ظل الحوار المتبادل بيني وبينه نجحت اخيرآ في توصيل الصوره الحقيقيه الذي يعيشه فئه كبيره من سكان المملكه واقنعته ان الدوله لديها المقدره بعد توفيق الله عزوجل في تحقيق المعيشه الطيبه لابناء البلد وبعد نهايه الحوار سآلته عن عمله وحينها كانت الصاعقه . . . . . . . . . . . . . .. . . . . . . . طلع الرجل شغال في المرور :d بلعت العافيه وضحكت قليلآ مزيج بالرغبه بالبكاء ورقعت يمين وشمال وبينت له ان السبب كلها في البطانه الفاسده وان الملك عبدالله وامراء المناطق لاعلم لهم بالفساد الحاصل في البلد والحمدلله وصلته والله ماخذت منه شي .. والظاهر ان الرجال بعد كان مستعجل ويبي يلحق على اختباره وناسي السالفه من الاصل ودي للجميع ,, مع توقعي ان المشرفين ماراح يتركون الموضوع في حاله |
هههههههههههههههههههههـ... اعتقد ان زوار الليل ايضآ لن يتركوگ بحالگ.... اهم شي انك متأكد انه ماخذ رقم اللوحه بسسس.... الميزانيه سالفتها ساالفه ويالليت قومي يشبعون ولكن المصيبه ان البطن دائما يتوسع ويقول هل من مزيد؟؟؟ تصدقون بعض المرات احسد الدول الفقيره على الأقل نفسيآ مرتاحين ويعلمون ان الدوله لاتملگ ميزانيه كبيره لكي تعطيهم..... ولكن عندنا تعلم حجم الميزانيه الهائله وترى في أم عينگ الاموال تذهب يمينآ ويسارآ وانت لاتملگ وظيفة او وظيفه براتب متدني... ماراااح نسامحكم يوم القيامه اذا تقابلنا امام الله عندما لاينفع مال ولابنون.... |
عدد العاطلين في اوروبا 11.8% عدد العاطلين في المملكة 12 % الفرق اوروبا مديونين واحنا ميزانيه مهولة إقتباس:
لإن عجيب احنا عارفين وشايفين ان فيه بطانه وبعض الناس ما يدرون |
الحالات هذي انتشرت , وصارت اكثر من مرة ,, اعرف واحد صار له نفس الموقف وكان متحمّس مثلك :d وبغى يروح فيها .. بس الفرق انه اللي ركب معاه كان من المباحث ! ويقول أخذوه ل مكان مو كويّس أبدا , و اول ما خرّجوه ركب تاكسي ثاني وكان ع الصامت :d لدرجة انه راعي التاكسي يحسبه ابكم :s2: ,, كثروا الدبابيس مع انفتاح الإعلام وزيادة الوعي عند الغالبية العظمى للشعب , أنتبه على تفسك ولا تركّب أحد :d نقول الله يصلح الحال ,, |
| الوقت المعتمد في المنتدى بتوقيت جرينتش +3.
الوقت الان » 02:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd