اولا المنتخب كله اليوم سيء باستثناء سالم وفهد المولد اللي قاعدين يحاولون يسوون شيء لكن ،
الجود من الموجود واحد عمره 19 والثاني 21 ويشكرون على روحهم وقتاليتهم ، خبرات المنتخب من وليد
مرور ب اسامه البلجيكي لين ياسر ، كلهم كانو سيئين
| إقتباس | | | | | | | | |
لا تعلم مايحاك ضد الكرة السعودي | | | | | |
انا بقولك وش يحاك ، يحاك ان فيه سماسره تبي فلوس على حساب الجمهور المسكين اللي زيي وزيك
يلهفون ملايين من الدوله على اساس عقد للمدرب والجهاز المساعد له وكله على الورق ، تحت الطاوله
هناك عمولات شغاله بالملآيين ، اجل مدرب مجموع رواتبه بالسنه 96 مليون يفشل في تكوين منتخب يفوز
على منتخب العراق اللي يدربه مدرب وطني ! وش الكلام الفاضي هذا ؟
كلام فاضي هذا وين يحاك ولوبي ومدري وش ، يعني على اساس منتخبك مكسر الدنيا عشان يسوون
مؤامره عليه ؟ منتخبنآ فآشل ، والفشل هذآ مسؤول عنه اكثر من شخص ، بدايه من سلطآن بن فهد
صآحب الخطط المدروسه اللي نتآيجها صارت واضحه الآن ، مرور ب نآئبه اللي موب رآضي يروح يشوف
له وظيفه ثآنيه بعيد عن الرياضه ، استقال من اتحاد القدم ونشب باللجنه الاولمبيه وبالرعايه ، وانت ماشي
لكل واحد ماله خص بالكوره وما قد شاتها وشايفه اللحين ماسك منصب باتحاد القدم ، ولا بلجنة من لجان الاتحاد
خلآص ي عم اللي يتعود ع اللهف مستحيل يتركه ، ملآيين ي رجال ولا شفنا تطور ولا فكر ولا رعايه
ولا حاجه ، منتخبنا يعاني من 2007 وهذول مترززين بالشاشات فالحين يستقبلون ويودعون ، مدرب زي جيريتس
تجي المغرب تشيله منك وانت تتفرج ، ماخلا فريق الا وصكه ب 5 بالدوري وعارف فكر اللاعب السعودي ، ومحد يتدخل بشغله قوي شخصيه ، ومدرب يطور من امكانيات اللاعب مع الوقت ، ي رجال نآمي مآصآر يعرف يلعب الا لما جيريتس دربه ، تروح تجيب واحد عاطل من الدوري التركي تبيه يبني لك منتخب ، فالح يناظر بالاعبين بس !
،،