|
بعد إذنكم يا إدارة المنتدى أبغى جماهير الزعيم في " كلمة رأس " ، بسم الله الرحمن الرحيم :: " مقدمــة " لأن الهلال كيان فهو مسئولية الجميع بما فيهم (( الإدارة ، أعضاء الشرف ، المدربين ، اللاعبين ...... والجماهير )) لماذا يا رئيس ؟ لماذا يا مدرب ؟ لماذا يا لاعب ؟ لماذا يا إداري ؟ كل هذه الأسئلة شائعة وتصدر دائماً من الجماهير رغم إجتهاد الإدارات وجهود المدربين ومثابرة اللاعبين . ولكن : ماذا لو أبتدأ بـ السؤال " هم " وقالوا : لماذا ياجماهير ؟؟ (( سؤال محير )) # مربعات مهمة # # بعض الجماهير الهلالية تركوا مهمتم الرئيسية " التشجيع " وتحولوا لـ " النقد " ، # نادينا حقق إنجازات كثيرة لماذا لا تتغنى بها الجماهير " آسـ 6 ــويات ، نادي القرن .. إلخ " ، # إنخفاض صوت المدرج الهلالي خصوصاً مع ضعف الإعلام الهلالي يؤدي إلى سلب حقوق النادي ، # بما أن الإدارة تقوم بعملها مجتهدة والمدربين والإداريين واللاعبين أيضاً فيجب علينا القيام بعملنا " التشجيع " ، # ليس هناك أي وصلة ربط بين " الرابطة " و " الجماهير ، # لماذا لا يتم عرض صور وتوضيح من الرابطة للجماهير بـ " الحركات والأهازيج " هنا في المنتدى قبل كل مباراة (( إقتراح )) ، # ألـ ( ! ) ــف على عمل رابطة الجماهير الهلالية ، # 6000 مشجع أفضل من 60000 متفرج ، " اللهم صلِ وسلم على عبدك ونبيك محمد وعلى آله وصحبه أجمعين " ، |
حقيقة أختصرت كثيراً من ما كان يدور في نفسي شكراً لك أخي الكريم على الطرح المتميز |
فعلاً ! أصبح دورنا الإنتقاد وتناسينا دورنا الحقيقي !! المدرجااات تبكـي من هجرتنـا يازعمـاااء |
كلآم سليم .. آخ متى ترجع هذيك الجمآهيرر آلعآشششقه للملكي |
فعلا الجمااهيير في تنٱقص گبيررررررر ....... مدرري وين بنوووصل! الله يسسستر بسس! |
إقتباس:
* كلام غير منطقي فمن حق الجماهير ان تنتقد إذا رأت ان ادارة ناديها تتخبط (واحد) * عودة الجماهير مرتبطة بمستوى الفريق ان كان مقنع للجمهور (اثنين ) |
إقتباس:
بقدر حاجته للجمهور في إنحدار المستوى !!! أما الانتقاد ف للجمهور حق الإنتقاد ولكن هناك عيّنة من الجمهور يجعلني أحمد ربي على نعمة العقـل |
من ابسط حقوق الجمهور هو النقد الا إذا تبي الجمهور يكونون امعات تقول النادي ( حقق ) وحقق فعل ماضي تبينا نبكي على الاطلال مثلا الجمهور الهلالي جمهور واعي وفاهم فامافي داعي ان تسلب حرياتهم الشخصيه . اسمحلي موضوعك هذا ماهو الا ذر الرماد على العيون على احلى ايقاعات تطبيل للإداره |
وش الفايده نحضر في الملعب والمستوي سئ حتي لآجانب اي خدمه ملايين بدون فايده ..... لكن بقول لك حاجه لو تشوف ايام رادوي ويلي تيفيز والكوري لي ... كيف كان الجماهير تملا المدرجاااات لنهم يستاهلون نحضر ..... اما الان المشاهده في البيت او في منتزه احسن لنا .لنهم نفس لاجانب ونفس لادا مافيه روح بلملعب ... وكمبواريه الداهيه زاد الطين بله ...... |
كلام جميل جداً وطرح موفق ,, شكراً لك ,,, |
كلام جميل ,,ولكن .؟ المسؤل عن وحدة الاخراج والنقل ضد الهلال ... شكرا لك |
الف علامة؟؟؟؟؟؟؟؟ على الجمهور الهلالي في بعض المناطق.... ولكن لنعتبره عتب محب ون شاء الله تفتح صفحه جديده هذا العام ونرى جن الملاعب بملئون المدرجااات.... كل الشكر لك.... |
إقتباس:
تريد من الهلال ان يفرحك وانت لاتسانده في المدرجات ولاتوقف معاه في اسوا مستواه صحيح ماحققه الهلال بالنسبه لك اطلال لنك لاتعرف معنى حب الهلال انها ذكريات جميله وكل سنه يجددها الزعيم بذكرا احلا واحلا واما بخصوص الاطلال فهيا عند الجار وليس في معقل الزعيم الهلالي صحيح جمهور الهلال واعي وفاهم بس ماهو مغفل وهو عارف ايش القصد من ردك هذا طرح موضوع في غايه الروئعه وانت تريد اشعال الفتنه بين جمهور الهلال وانت من يريد ذر الرماد في عيون جمهور الهلال بردك هذا اتق الله وقل خيرا او اصمت وكن مشاهد فقط هلالي وافتخر اسمك يدل على شخصيه الرائعه ارفع القبعه احتراما لك ولطرحك الرائعه تحياتي للجميع |
إقتباس:
ياخي احضر الهلال في مستوا سي جدا بس هو محتاج وقفت الجمهور معاه حتي يرجع لسابق عهده صحيح السنه هذي فيه تخبطات في الاجانب والمدرب بس فيه رجال الزعيم هم من يقومو بتصحيح المسار في يناير ونحن علينا الحضور والمسانده في الملعب والاعتراض المحترم عليهم في الملعب في حال الخساره فقط وعدم تقديم مستوى يليق بالزعيم الغالي تحياتي لكم |
كلامك صحيح خاصه مباريات الهلال الي برياض جمهور يفشل اما جماهير الهلال في جميع المناطق يرفعون الراس |
إقتباس:
الفرق بين الانتقاد والتجريح خيط رفيع اما الكلام عن ان عوده الجماهير مرتبطة بمستوى الفريق هههههههه المعذرة على الضحك ولكن هذا ليس بتشجيع الفريق في كل موسم يحرز بطولة و بطولتين ولو لم يحرز شئ فانه يحتاج الى الوقوف والمؤازرة من جماهيره هذا هو التشجيع في كل دول العالم والامثله حيه ولا داعي لذكرها تعلموا من جيرانكم اللبيب بالأشاره يفهم الله يعين الزعيم عليكم |
ما اقول الا يازين جمهور مكةةة وبس حظور وتشجيع وتفاعل طول ال 90 دقيقةة ياليت الهلال بمكةة بس جمهور وفي |
إقتباس:
صح جماهير الهلال تدري ان الاعبين المحلين ماقصروافضل الاعبين بالقاره الاسيويه ويقدرون يجيبون اي بطوله ولهم حق اننا نحضر للملعب بس الجماهير تطالب الاداره محترفين زي الناس يساعدون الاعب المحلي مايجيبون محترف ويخلونه احتياط ويقولون الاعب يخلخل الدفاع وهو حتا المرما يالله يشوفه والاعبين هم الي رافعين اسهم المدربين الفاشلين الي تعاقد معهم اداره : رخيص وكويس وخلت بيديه الخيط والمخيط :الحين الجماهير صارت تعرف كل شي وتدري ان الاداره تجيب مدربين ومحترفين اجانب مشي حالك عشان الاستثمار و تكسب بهم والجمهور مايرضاء انه يشويف الخطاء من الاداره ويسكت عليه وهي تقدر تعدل الخطاء لاكن اذا صار شي بطوله اسياء والاداره ماعملت الاسباب الي تنجح الفريق بعد توفيق الله هي الي تبي تحمل كل شي ومانبي نطالب ببعاد لاعبين ولامدرب مانبي نطالب الا ببعاد الراس الكبير عن الرئاسه ونطالب بالرئيس الي يغار على فريقه والاخطاء الي صايره الحين بالفريق كله مايتحمله الا دحووومي بن مساعد وانت يالي تدافع عن الاداره وتذر الرماد على العيون وتجي تطالب جن الملاعب بالحضور والتشجيع وتهاجم الجماهير الي تنتقد علشان التصحيح مالك حق ابد انت اذا تشوف الفريق يلعب ويادي زين رح للملعب شجع ومانسمح لك تنتقد وتهاجم الجماهير اذا انك ماترضا وماتبينا ننتقد انت شكلهم حاطينك المتحدث الرسمي بالمنتدا تدافع عن الرئيس اذا انت مابك مر فيه جماهيرر ماترضا لمعشوقه يصير له كل هذا وتسكت وانت اذا معجبك الوضع رد على الموضوع ولاتقتبس وتهاجم جن الملاعب ياخي حنا عندنا فريق جامد بس ينقصه لاعبين محترفين صانع لعب ومحور دفاعي ومدرب يوضف الاعبين صح ويثبت على تشكيله وهذا كل الي نطالب به وبعدين يحق لكم تطالبون الجماهير بالحضور وانا اولكم بس الحين ومع ادارة دحومي مانقدر نقول شي لان معطين كل الصلاحيات لنكباويه ياخي الرئيس المفروض يصير له راي وله كلمته ماهو يخلي المربط والفرس بيد غيره ويقول وتقول ليه الجماهير ماتحضر) |
إقتباس:
لاحول ولا قوه الابالله الكلام الي في محله هو عين العقل اما التجريح الكل يرفضه وانت اولهم ياخي عيب عليك الرجل اسمه الامير عبدالرحمن بن مساعد وله لقب شبيه الريح وليس كما تدعي دحومي ياخي اخوك لو يمر بظروف صعبه هل تقف معاه او تجي تعاتبه من الاول معروف ان الاداره ارتكبت اخطاء كبيره من محترفين ومدرب ورجال الهلال هم من يقومو بتعديل اخطاء الاداره ماهو انت او غيرك بي النقد الجارح انت و كل جمهور الهلال عليهم الحضور في المدرجات ومسانده الهلال في الملعب فقط الم تتعلم من جمهور الغربيه وقت مبارة الهلال مع الاتحاد في الدوري كيف كان والهلال وقتها يقدم نفسى هذا المستوا ونحن لم نفكر في اي شي سوا مسانده الهلال في الملعب هذا هو التشجيع وليس النقد بالكتابات فقط خلي نقدك و اعتراضك في الملعب بحترام مثل جمهور الانديه في العالم وليس هنا ياناقد تحياتي للجميع |
إقتباس:
|
يعطيكك العافيهه بِ التوفيق لـ الزعييييم ,, |
إقتباس:
لهذا الحد وبس وانا اترفع عن الرد على هذا الكلام |
إقتباس:
ولا: يعني يأكون مع الخيل ياشقرا او اكون مندس ؟ !!! اي اشباه عقول في رؤؤسكم . ثانيا : اذا كنت انا انتقد فريقي فهاذا ليس دليل اني فررطت فيه حقه ( تشجيعه ) ثالثا : مسألة الاطلال انا ماذكرتها الا كتفسير لكلمة (( حقق )) . اشك الصراحه في قواك اللغويه رابعا : هل التشجيع وانتقاد الفريق يعتبر من تقوى الله سبحانه وتعالى ؟ اتمنى ان لا تخلط الامور في بعضها لكل مقام مقال خامسا : في احد الردود قال صاحب الرد دحومي . فهل علمت نية كاتب الرد ماذا يقصد ؟ فجأءه صرت تعلم الناس العيب والاخلاق وقمت بسرد الالقاب والرموز الشخيصه بسكم نفاق وتملق . واخيرا تحياتي لكل من شجع الشعار وليس الاسماء |
أشكر للجميع مرورهـ وأتمنى أن تكون الردود خاليه من الشخصنه والألفاظ البذيئة أغلب تركيزي في موضوعي هو " الجمهور و الرابطة " و " كثرة المتفرجين وقلة المشجعين " إذا لم تكن الردود تصب في مصلحة " تطوير المدرج الهلالي " يشرفنا متابعتكم فقط ، ، |
المطلوب مننا كمشجعين للفريق الوقوف مع النادي حتى في اصعب الظروف وليس النقد يعطيك العافيه اخوي على الطرح |
فعلاً ! أصبح دورنا الإنتقاد وتناسينا دورنا الحقيقي !! المدرجااات تبكـي من هجرتنـا يازعمـاااء كلام في الصميم |
| الوقت المعتمد في المنتدى بتوقيت جرينتش +3.
الوقت الان » 01:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd