تغيير المدرب بمنتصف الموسم هو تغيير للأسوأ بالطبع

يا اخوي

المشكله ان عقليتكم تريد الهلال يلعب مثل جيرتس ونيفيز ورادي

ما تريدوا يكون افضل

جيرتس ما جاب اسيا
كوزمين ما جاب اسيا
لندعم كومباريه ليأتي بأسيا ع طريقته هو

سقطنا من زمان وما حد سمى علينا

بصراحة كومباريه افضل مدرب مر على الهلال بعد كوزمين
وستذكرون مااقول لكم اتمنى بقاءه خمس سنوات

اوك الاختلاف لايفسد للود قضيه بس بعد نهائي ولي العهد مابي احد يقول المدرب والمدرب وتذكروا كلامي

انا لم اسجل في هالمنتدى الا لأدافع عن النادي,
ياخي انتم غريبين, الهلال بعد تغيير المدربيين وتغيير الأجانب لم يعد الهلال انا اتفق معك. ولكن كومبواريه أوجد حلول بتشكيلات مختلفه, الرجل ليس سيء لدرجة الهجوم المستمر عليه. كم مباراة خسر مع الهلال؟ انظر لرجوع ياسر وسالم لمستواه, اظهار الفرج بصوره ايجابيه والدفاع من اقوى الدفاعات حاليا والزوري يقدم مستويات طيبه والحراسه تبشر بالخير. اذا ماذا تريد؟ انظر للأهلي وين كان وكيف صار باقل من اشهر, وبنفس اللاعبين والاداره والمدرب.انا مااقارن الهلال بغيره ولكن الهلال وان مرض وكان بأضعف مستوياته يفوز ولله الحمد, ينقصنا الامتاع وهذا بدئت ملامحه في اخر مبارتين للهلال. اذا تم تغيير (يــو) بلاعب صانع لعب, فقد حلت مشكلتنا, وان اتى مهاجم, اعلم ان المدرب, الأن يلعب بنظرية لايوجد صانع لعب, وانما اللاعبين كلهم يصنعون ويسجلون. وهذا ناجح كما ترى مستوى الهلال يتقدم للأفضل والأجانب يقدمون الافضل, ولكن غلب عليكم التذمر وتعودتوا على الضغط على الاداره, اتركوا الاداره تعمل وشجعوا الفريق وساندوه بدل الكلام, يجب ان تعيد ثقتك برئيس والجهاز الاداري واللاعبين بالنادي لكي ترى جمال مايصنع.

هلالي مخلص ليس لي ولا علي, وانما اتمنى لفريقي الأفضل واحترم قرارات الاداره,

قد يتعثر ..... ولكن باذن الله لن يسقط ابداً
الهلال لديه اعضاء شرف متابعين ... ولكن قد نمر بظروف وافكار حرجه
ولكن حتما سنعود للقمه فالقمه قد صنعت للهلال فقط

انا اتفق معك المدرب سوف يقابل وقريب جدا بيجيب العيد وراح تشوفون

اتفق معك ياكاتب الموضوع 1000000%

في نقطة انت قلتها .. اعطي سامي الجابر المهمة .. انا اطالب معك وارفع يدي معك . وانا قلتها قبل هم جالسين يجربون مدربين مثل دول !؟ والحين كومباريه ؟ طيب ليه مايحطون سامي الجابر ؟ والله بينفعنا كثير لانه ادرى شخص باحتياجات الهلال وامكانات اللاعبين ومراكزهم على الاقل الظهير يبقى ظهير مو يحوله قلب ولا وسط !

ثانيا
الهلال في المركز الثاني في الدوري ووصل نصف نهائي كاس ولي العهد لضعف الاندية الثانية
انا معك 10000%
هذا شيء تعودنا عليه بمدرب او بدون مدرب اسم الهلال دايما شامخ وعلى راس كل البطولات . بس لالعبنا مع اندية ثانية اكلتنا
لحد يجي يقول اصبروا اذا لعبنا في اسيا بنعرف المدرب كويس ولا لا . مايحتاج تجربة ولا اهانة ثانية للفريق
بس الحين احنا باقوى مجموعة
ومانبي السباك ابو 3 محاور يزيد المذلة والمهانة
بعد الرباعية في عقر دارنا والملعب فل والهلال كامل والكامل وجه ربي سبحانه
مانبي اهانة غيرها تكفون !

والله اسم الهلال بدا يصغر في القارة وعيون الاندية الثانية اكثر واكثر كل سنة يصغر
حسبي الله ونعم االوكيل على من كان السبب

إقتباس الرسالة الأصلية كتبت بواسطة راكان الغامدي بسم الله الرحمن الرحيم السلام عليكم ورحمه الله وبركاته. وبعد اولا:سأبدأ بمدربنا كمبواريه فنحن من بدايه الموسم لم نعد نستمتع بزعيمنا كما كان سابقا فالمدرب كما رأيتموه لم يسير على خطط معينه ولم ينتهج اسلوب معين ولم نرى له بصمه ع الفريق وهوا مدرب انضباطي فقط لاغير يعني ينفع عريف بحرس الحدود وكما ترون ان اغلب الاعبين طاحت مستوياتهم من بعد ما أتى العريف كمبواريه ولسى ادارتنا متمسكه فيه ثانيا: الاعبين الأجانب باستثناء ويسلي الا ترون انهم لايستحقون حتى ان يتدربوا معنا فهم اقل من عاديين ولم يكونوا طموحنا فالمرشدي افضل من مانقان والفرج افضل من هرماش والحارثي في مستوى الكوري ولو اعطي الفرصة كامله راح يكون افضل منه فجميع النقاد والمحللين والجماهير المحبه للهلال متفقين على ذلك ونحن لانريدهم لأننا نبي لاعبين يعملون فرق وجهد واضح وخاصه اننا مقبلون على بطوله اسيا التي ستكون أصعب من ذي قبل فأتمنى جلب لاعبين في مركز الدفاع ومحور دفاعي وصانع لعب ومدافع محلي وشرط يكون اسامه المولد وبالمال راح يجي شرط وجود مفاوض مقنع وايضاً ابي اقول كلمه لعبد الرحمن بن مساعد والله مو عيب اذا اقلت العريف فهوا جاي يملي تجاربه علينا ونحن سنكون الضحيه وانت ياسمو الأمير قبلنا وانت تعرف بوجود شخص ادرى بالفريق واحتياجاته وتكتيكه من جميع النواحي والشخص هذا هوا سامي الجابر اعطه المهمه ونحن نتحمل المسؤليه ولن نطالبك بأي شي بعدها واتمنى موضوعي هذا يوصل لأبو فيصل بأي طريقه وطبعا من بعد موافقتكم عليه ولمعلوميه وصلنا للمركز الثاني بالدوري ونصف نهائي ولي العهد ليس بقوه الفريق بل لضعف الفرق الأخرى وللمشاكل التي تحصل فيها

إقتباس الرسالة الأصلية كتبت بواسطة ي و س ف صبحك الله بالخير ياراكان إذا كنت تقراء ردي باالصباح ومساك الله بالخير إذا كنت تقرئه بالمساء سأبداء من حيث انهيت موضوعك بـ النسبه لـ السبب اللي ذكرته جراء وصولنا للمركز الثاني بالدوري ونصف نهائي ولي العهد فأخالك لازلتَ موتأثراً بـبربرت من وصفو الدوري بالضعيف حينما حققه الهلال وبدون خساره بينما عندما تحققه الفرق الأُخرى يكيلون المديح ودوري من فم الاسد ومادري ايش وبالنسبه لإعطاء سامي الجابر المهمه فسمو الأمير عبدالرحمن بن مساعد رفض ذلك ليقينه انه سيحارب من المغرضين ومن عندي انا خذ هذا التصور او التوقع لو مسك سامي الفريق سيكثر الأعضاء الجدد في هذا المنتدى وسيصفون سامي بسباك و...و الخ يعني بختصار بيصرفون له كم لقب من الألقاب اللي ماليه المنتدى من أيام المدرب توماس دول ليومك ويكفي واحد بس يفتح موضوع يسب وبتشوف الردود المؤيده والمعارضه والتراشق على أشده مثلك خابر للأسف نحن في زمن يبحث فيه الناس عن التصيد للأخرين تقول قضت عيوبهم ماعلينا المهم نروح لسالفت المحترفين بالنسبه لهرماش انا اتحفض عن الحديث عنه فـ اللاعب محيرني اما بالنسبه لحكاية سعد أفضل من الكوري فمالك لوا ياقلبي الكوري يخلخل دفاعات الخصوم ويخلق بذلك فرص له ولغيره انا ماني ضد سعد بالعكس أتمنى مُخلصاً أن تُمنح الفرصه لسعد لكن الحق حق ولابد من ذكره واسمحلي بالكلمه خش بعيني إذا المرشدي مع احترامي أفضل من منجان لأنه وبختصار لو كان أفضل مثل ماتقول ماتركه خالد بن سلطان يُغادر نادي الشباب نعم خالد بن سلطان لم يكن رئيس للشباب لكنه من يحرك الرئيس من خلف الستار مع احترامي للجميع تعال معي لسالفة المدرب شوف حبيبي طالما مدربي الهلال من يدرب الواحد منهم الفريق ومع أول دُرب او إذا مالعب فلان وعلان بيصير في نضركم سباك والخ من الألقاب فخذها مني لن تجد مدرباً في العالم أجمع يقدر يدرب الهلال في مدرجات النادي الأهلي بإحدى مبارياتهم رفعو لافته نصها الا ياروليم في إشاره لإدارة ناديهم انهم ضد تغيير المدرب هم يريدون بذلك ان يصلو لنفس الاستقرار اللي وصله نادي الفتح مع مدربه فتحي الجبال اللي كان ينهزم بالسته والخمسه من الهلال وفي هذا الموسم هزم الهلال رايح جاي بالدوري في سابقه تُسجل للفتح كأول فريق يهزم الهلال بالدوري رايح جاي بنفس اللاعبين المحليين اللي هزمهم الهلال بالخمسه والسته ومو بس الهلال الهلال وغير الهلال نادي الفتح وحتى ساعة إعداد هذا الرد لم ينهزم في الدوري الدوري كاتبها انا بالبنط العريض علشان مايجوني اللي مطفين النور ويقولون هزمناه بالكاس بينما نحن في الهلال او لنقل بعض الجمهور الهلالي ماعنده مشكله الهلال يلعب كل مباراة بمدرب جديد سلامات ياجماعة الربع اقول الا حنا ليش مانطرد المدرب شفتو وبما ان المنتدى مليان مدربين انا اقولكم في عصر التكنلوجيا وش نسوي يحضرون اللاعبين للتمرين عادي يعني يتمرنون ونتابعهم عبر النت لمن خارج الرياض وفي مدرج النادي لمن بداخل الرياض ونحط تشكيله متفق عليها وبعد التمرين يفتح اللاعبين اجهزة الكمبوتر الخاصه بهم ويشوفون التشكيله وع اساسها يتحدد من سيلعب ومن سيكون احتياط ومن سيكون خارج التشكيله فكره جهنميه والله يانه بيطلع لنا سباكين في هـ الديره محدن درا عنهم ي و س ف

الأخ يوسف مساك الله بالخير انا راح ارد عليك اذا على موضوع سامي فهو اكثر شخص عارف الفريق واحتياجاته مو لعيبه اجانب ومحليين واذا على محاربته فهم يحاربونه من وقت ماكان لاعب ولو اثرت فيه حربهم ماشفته راح واخذ دوره تدريبيه والآن مساعد لمدرب اوكسير وسامي راح يثبت نفسه وراح ينجح ويتحدى ويثبت نجاحه واذا على مدربنا من متى الفتح ياخذنا رايح جاي هذا يدل على عدم وجود خطط وتكتيك يسير عليه سوا طقها والحقها وفي نهائي ولي العهد راح تتدكر كلامي واذا على اجانبنا والله انهم اقل من عاديين ونحن نبحث عن الأفضل واتمنى منك تتذكر موضوعي هذا بين كل فتره وفتره وسترى من الصح فينا انا ولا انت واتمنى انه محد يزعل من الثاني فقبل كل شي يجمعنا حب الهلال

افا !!

يسقط وهالنجوم في الفريق !!

استغرب من بعض التفاهات الي تقال على مانغان !!!

الى الان هو افضل مدافع في الفريق

ترى الانسجام مع المجموعه مو بـ 5 او 6 شهور يا فلاسفة الكوره

بنزيما موسمين مع الريال بهذلهم

والحين من هدافين الفريق ,, مع فرق المراكز بين هذا وذاك

لكن الانسجام مطلوب