الظاهر انتم ماينفع لكم الا رئيس مثل فيصل بن تركي ..
اجل مع كل اللي سواه لكم عبدالرحمن بن مساعد ماقدرتو عمله لكن الغلط غلطته اللي رفع من طموحكم يدفع كاكثر رئيس مر على الهلال وفوق هذا كله مايلقى منكم الا الجحود .. فعلا آبن ادم مايملى عينه الا التراب ...

الفريق الان وصيف الدوري وعنده فترة راحة وراح تتصلح الامور وانتم كل واحد مسوي فيها فاهم .. ويتفلسف من مخه .. المفروض نشوفكم بالمدرجات تدعمون الفريق واكثركم من المنتدى الى التويتر ويجي يتلفسف هنا ...

ماقول الا رحم الله الجماهير المرجله الطيبين اللي كانو على الحلوه والمره مع الهلال
ويفكنا الله من جماهير الطواقي اللي اشغلتنا بافكار لاتقدم الا الوجع .. اتمنى ان الاداره تبتعد والله مو كرها فيها الا انكم مانتو كفو رئيس مثل عبدالرحمن بن مساعد وشوف من بعده عنده قدره يجي مكانه ويدفع مثله ... عشان تعرفون قيمة هذا الانسان واللي يضحيه لجل النادي اللي اشك وبقوه انكم مشجعينه ...

كلامك جميل وعين العقل

وياليت كل الجماهير تعي هذا الكلام ولكن المصيبة التطبيل والمطالبة بالتعاقدات وحاجة الفريف مركز كذا وكذا

والبلى في المدرب واضح من اول خمس مباريات مايدري وين الله حاطه

كومبواريه ممتاز ياجماعة الخير وهو قال ما احتاج صانع لعب
اصلا لو يحتاج لصانع اللعب كان لعب الشلهوب
خلوكم من الكلام اللي ماينفع
فريقنا يسير في الطريق الصحيح ولله الحمد

إقتباس الرسالة الأصلية كتبت بواسطة Dr.Diet الظاهر انتم ماينفع لكم الا رئيس مثل فيصل بن تركي .. اجل مع كل اللي سواه لكم عبدالرحمن بن مساعد ماقدرتو عمله لكن الغلط غلطته اللي رفع من طموحكم يدفع كاكثر رئيس مر على الهلال وفوق هذا كله مايلقى منكم الا الجحود .. فعلا آبن ادم مايملى عينه الا التراب ... الفريق الان وصيف الدوري وعنده فترة راحة وراح تتصلح الامور وانتم كل واحد مسوي فيها فاهم .. ويتفلسف من مخه .. المفروض نشوفكم بالمدرجات تدعمون الفريق واكثركم من المنتدى الى التويتر ويجي يتلفسف هنا ... ماقول الا رحم الله الجماهير المرجله الطيبين اللي كانو على الحلوه والمره مع الهلال ويفكنا الله من جماهير الطواقي اللي اشغلتنا بافكار لاتقدم الا الوجع .. اتمنى ان الاداره تبتعد والله مو كرها فيها الا انكم مانتو كفو رئيس مثل عبدالرحمن بن مساعد وشوف من بعده عنده قدره يجي مكانه ويدفع مثله ... عشان تعرفون قيمة هذا الانسان واللي يضحيه لجل النادي اللي اشك وبقوه انكم مشجعينه ...

ما احد انكر عمله يوم يشتغل صح ..
وين رفعت الطموح جب اسيا .. وخلاص ...
هو اللي خلا اسيا مستحيلة .. الهلال يا عزيزي زعيم اسيا من قبل نعرف عبدالرحمن بن مساعد .

وهو اللي قزمه ... وكل تصاريحه فرق شرق اسيا اقوى .
اجل ناغويا اليباني عطاه الاتحاد 6 وبالاياب 2 من ايران ...

والفريق الصيني اللي طلعه الاتحاد باسوى مستوياته من فلسطين ..

لا نقعد نلعب على بعض ...

هذه السنة الادارة عملها صفر .. بل سلبي فرطة في نجوم .. ولم تعوضهم
انضحك عليهم من سماسرة وتوهقوا بلاعبين .. ويبون يبيعونهم بمكسب .

لو عارضين على المدرب لاعبين على مستوى عالي راح يوافق .. الا اذا كان ماهو صاحي .

يعني معقولة مدرب يحصل له لاعبين افضل من اللي عنده ويرفض ..

بس شكل الادارة عارضة عليه خمبقة قال اجلس على اللي عندي ابرك .


اما الطواقي فلا تعليق .. هذه اوصاف نعرف من يطلقها .. وانت تمشي خلفهم .
وهذا يدل على انك تسير وتتأثر ولا تملك الاستقلالية برايك .

فسيرك الاعلام الاصفر بالطواقي ... وسيرتك الادارة بأن عملهم احترافي .

بيني وبين الادارة اسيا فقط فقط فقط ... وبكيفهم يجيبون اللي يجيبون ويتركون اللي يتركون .. الاهم الاسيوية .

الاتحاد اللي انت مشخص فيه متى جاب كاس اسياء ... فاز على الصيني وبعدين ؟؟

ومتى كان اخر رئيس جاب لك كاس اسياء كان سعود بن تركي وبعده كم رئيس جابها
ولا احد فماهي واقفه على عبدالرحمن بن مساعد .. قيرتس اللي انت متفاخر فيه ومعاه افضل رباعي محترف ماحققها والهلال كان بافضل حالاته ...

الهلال حاليا صحيح ماهو بافضل حالاته ومحتاج بعض التصحيحات لكن مو معناها الرئيس فاشل والمدرب فاشل ومايفهم الصح الا انت .. هم يعملون بجد واجتهاد والتوفيق ماحالفهم بدل ماتكون عون لهم انقلبت فرعون .. مادري لو الهلال الان في اخر الدوري وخارج من كاس ولي العهد وش بيكون حالكم ... واسياء ماهي مقياس والا مزعجك الفريق الاصفر انه يردد لك صعبه قويه
انت خله يشارك في اسياء وبعدها يحلها ربك الوحيد الثابت في كل البطولات الهلال ..
واكاد اجزم انك ماعرفت الهلال الا من كم سنه تنعد على الاصابع وتسوي فيها المشجع المخلص .. خلاصة الكلام ارجع الى تغريدات الامير اليوم وشوف اراء الجمهور اللي مثلك كل واحد يغني بموال لحاله وكل واحد يطالب بخانه على كيفه .. صعب جدا انك تكون مشجع ومدرب ومحلل وحكم وسمسار في نفس الوقت ..