اسمحولي أغبى قانون بكره القدم ( فتره 6 أشهر) السلام عليكم عفوا فيه أشياء بكره القدم ترفع الضغط لانها بديهيه مثل التأجيلات وتوقف مسابقه ولي العهد ومن ثم لعب الدوري وبعدين الرجوع لمسابقه ولي العهد سوف اخصص موضوع اخر لهذه المهزله . معليش أنا كنت عايش بامريكا وأتابع السله الامريكيه ولا أزال بشغف وأعرف جميع قوانينهم وخاصه قوانين الانتقالات ونهايه العقود . أولا- ما الفائده من طول المده ( 6 شهور ) يعني مفاوضات 6 شهور ؟؟؟ بعض الامثله , الفريدي يوقع مع الاتحاد ويلعب مع الهلال . علشان كذا ماطل 4 أشهر تقريبا فكيف يوقع مع الاتحاد ويلعب ضدهم العديد من المباريات. أيضا الأن السالم يوقع مع الهلال ويلعب ضدهم كيف ؟ ثانيا - نعود لقوانين السله الأمريكيه لما ينتهي عقد الاعب يكون حر على طول واسمعو وهذي مهمه , نهايه جميع العقود تكون بعد نهايه الموسم أي بالصيف ثالثا - بعد ان يكون الاعب حر يكون عنده الى منتصف الموسم للتسجيل مع أي نادي لأن بعض النوادي يبدأون الموسم وبعد عده مباريات يشوفون عيوبهم ووش يحتاجون الخلاصه ـ ليش يوقع الاعب مع فريق اخر وعقده باقي عليه مده طويله ؟ وأيضا ليش تفرض على النوادي تسجيل جميع الاعبين خلال شهر ؟ قوانينا مهي في صالح النادي ولا الاعب أسف كتبت وأنا مستعجل بس المقصد من هذا كله اننا أي الجماهير أفضل من القأمين على دوري المحترفين والدليل اننا ماشفنا مباراه ( بالويكند ) الا بعض المباريات ماتعد على اصابع اليد , ويشتكون من الحضور . اسمحولي على الاطاله وشاكر مروركم |
صادق ليش 6 اشهر ليش يعني علشان ينسى الفريق اللي فيه اللاعب فلان و يجي فريق يخطفه هذا اغبى قانون و هذا لازم له شطب نهائي اصلا اللي يدل على انه قانون غبي انه ست شهور بالظبط لا اكثر ولا اقل |
والله انك صادق انا جالس افكر شلوون هالشئ يصيــر يارجال انت في مجتمع قوانينها مادري وش تبي في جميع المجالات .. الرياضيه وغيرها |
إقتباس:
س/ في الفترة الحرة من بعد نهاية الموسم الى ان يوقع مع فريق اخر وين يلعب اللاعب ؟!! اذا كان اللاعب بيلعب مع فريقه السابق اجل ماتغير شي عن نظااام فترة 6 شهوووور !!!! |
كلآم سليم .. بآلتوفيق للزعيم , |
تسجيل اللاعبين في شهر واحد مو بس عندنا حتى في اوروبا زي كذا ومقارنتك قوانين كرة السلة الامريكية بعالم كرة القدم اشوف انها خاطئة لان كل لعبة لها قوانينها .. ومشكور على الموضوع .. وهذي وجهة نظري .. |
مخبط نظامنا وكُلن يُغني ع ليلآه |
كلام سليم هناك ثغرات كبيرة و ساذجة جداً في قوانين الأتحاد السعودي و غيرها من باقي القطاعات الحكومية شكراً لك |
يالحبيب غلطان اول ماينتهي عقده ينتقل مباشرة بس عنده قبل نهاية عقد 6 شهور هو حر فيها يجدد او يوقع مع الفريق الي يبي وقبلها ممنوع التفاوض معه من قبل الاندية الاخرى ولا هم نفس نظام السلة ينتهي العقد ينتقل مباشرة مع الشكر لموضوعك |
اتمنى معك ان تكون الفتره الحره للتفاوض مع الاعب اربعين يوم او شهر اما السته اشهر ارى انها طويله شكرا لك واقتراح جيد |
كلامك منطقي نوعا ما لكن هذا قانون دولي مو بيد جماعتنا |
هذا قانون دولي يالطيب يعني من الفيفا وبلاتر |
يعني انت تبغى تغير لوائح الفيفا يعني؟؟! |
ليش ما يخلون بدل سته شهور شهر واحد فقط !! والدليل ان مضرته اكثر من نفعه الفريدي بعدما وقع للاتحاد - النادي يصرف عليه لمدة سته اشهر بدون ما يقدم اي شي وبدون مقابل للنادي الهلال يعني ما ستفدنا منه شي عجبي والله |
إقتباس:
المشكله كيف يوقع مع فريق اخر ويستمر يلعب مع فريقه الحالي هذ مربط الفرس |
الوقت المعتمد في المنتدى بتوقيت جرينتش +3.
الوقت الان » 01:50 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd