|
يا سادة : السالم كالجيزاني والمحياني والجمعان ؟!!! السلام عليكم ورحمه الله وبركاته تحية طيبة في الاونة الاخيرة سمعنا وتردد في عالم الصحافة الرياضية بان يوسف السالم قاب قوسين او ادنى لتوقيع مع الهلال ، وكما نعرف بان يوسف السالم مهاجم هداف قد خاضع تجربة قبل 3 سنوات مع الشباب وفشل في اثبات وجوده وظفر به الاتفاق، وعمل الاتفاقيين على اعادته بعد ان تم اعطاءه كامل الفرصة باللعب خلال الموسمين الماضيين والان اللاعب يثبت نفسه من جديد. ولكن لو احضره الهلال هل سيستفيد منه ؟ اما سيعمل على ركنه على دكة الاحتياط وكما نعلم بان اللاعب اذا ابتعد عن اللعب فان مستواه الفني ينخفض ولنا امثلة كثيرة في عدة لاعبين ، فهذا عيسى المحياني جلبه الهلال وهو في قمة مستواه ولكن لم يعطى الفرصة الكاملة ، وهذا فيصل الجمعان ووليد الجيزاني والامثلة كثيرة. يا اعزائي انا لا اعلم لماذا الادارة الهلالية تريد يوسف السالم ؟ هل هذا اعلان بان اللاعب الكوري سيرحل اما باقي؟ وماذا عن سعد الحارثي ؟ اذا كانت الادارة تريد ان تكسب فكان عليها ان تعطي الحارثي سعد فرصته بتمثيل الفريق واعادته للنجومية ولكن للاسف هذا اللاعب لم يعطى حقه ولكي لا نبكي على اللبن المسكوب وحيث ان الادارة الهلالية ستعمل على التعاقد مع يوسف السالم وسيكون مثل اللاعبين السابقين عيسى المحياني والجمعان فيصل وغيره. فاتمنى من الادارة الهلالية بان تعير (قلت اعارة وليس انتقال نهائي) سعد الحارثي الى الاتفاق ويكون هذا ضمن صفقة اللاعب يوسف السالم ، فاذا نجح سعد الحارثي مع الاتفاق واثبت نفسه فيعود اهلا وسهلا به في الهلال واذا لم يعيد نفسه فيعطى كامل الحرية بان يلعب لاي فريق يريد. - كنت اتابع الفريق الاولمبي للهلال واعجبت كثير بلاعبي الوسط كمبارك البيشي والكعبي وعبدالكريم القحطاني ، فهل يا ترى نرى هؤلاء النجوم في الفريق الاول اما تظفر بهم فرق اخرى بعد ان ينسقون من الهلال ، ونحن لا زلنا صابرين على بعض اللاعبين في خانة الوسط تحديدا وبدون ذكر اسماء. هذا ما اريد ان اصل اليه. تحياتي،،، |
اذا كان السالم بديل للحارثي فانا مع قدومه لانه يفرق عن الحارثي بالسن والطموح والحماس اما اذا كان بديل لبيونغ فلالالالالالالا لقدومه |
ومن قال لك انه مثل المحياني والجمعان !! بالعكس المحياني أفضل بمراحل والعنبر والصويلح ايضاً ولكن مع فترة بن مساعد حضر المنسق الجيزاني والحارثي وفلاته والكعبي! والان يفاوضون ايضا الراهب ؟؟؟؟؟ هل هؤلاء سيعملون لك شئيا في النهائيات الاسيوية ؟؟ اتذكر بندر بن محمد فقط سامي ويجلب معه المبدع بصير والهداف سيرجيو والكاتو |
لن ينجح مع الهلال الا المهاجم المهاري الذي يستطيع التحرك بالمساحات الضيقه لان اغلب الفرق تتكتل امام الهلال حتى من يجيد التسجيل بالرآس مع الهلال لن ينجح لانه لايوجد من يجيد الكور العرضه بامتياز باختصار السالم والحارثي والكوري لن يفيدوا الهلال الهلال يحتاج للمهاجم اللي يجيد التحرك بأضيق المساحات يعطيك العافيه |
السالم 100% سيكون مكانه الاحتياط وانا لا أرى فيها أي إشكال .. ماهو العيب أن ترفع من مستوى دكة البدلاء ويكون عندك اسماء احتياطية بمستوى افضل من الحارثي؟ |
السالم ضربة معلم ولاعب فنان وسيستفيد من قدومه الهلال وش المشكله انت دافع ريال فيه خذه ياخي وفكنا |
انا مع حضور السالم كلاعب احتياطي لكن كأساسي مع احترامي له ماينشد فيه الظهر |
لا أبشرك بعد الراهب خيار ثاني في حال تعثر مفاوضات السالم هههههه صدق شر البلية مايضحك ياعالم والله مدري شلون تفكير هالمدرب والإدارة طيب طلعوا الجهني للفريق الأول وتنتهي السالفة بلاصرفيات مالها داعي وبعدين نطفر و لاعبيننا يروحون للفرق الثانية |
طيب تبغانا نلعبه غصب ؟؟ اذا ما قدر يفرض نفسه خله في الدكه ثانيا احنا محتاجين مهاجمين للدكه والا عاجبك الحارثي ؟؟ ترا لو راح يو بيونغ وتم جلب صانع اللعاب لن يكون هناك مهاجم في حال اصيب ياسر او ويسلي ولو بنمشي على المنطق حقك انه يجب ان نجلب لاعب يلعب اساسي والا لا نجيب خلاص خلينا نمشي السديري وعزوز والفرني وسالم والمسلم عشان الدكه لا تقتل مواهبهم ونعقد بدون احتياطي والاساسيين يلعبون بعكازات لو اصيبوا |
السالم 100% سيكون مكانه الاحتياط |
إقتباس:
|
إقتباس:
|
آلسآلم م يصصلح مع الانديه آلكبيررهه .. |
والله انا ضد قدومه اوقدوم الراهب فالهلال بحاجة الجيزاوي او يحيى الشهري ولا بلاش خسائر بدون فائدة |
إقتباس:
* اتفق معك كثيراً .. شكراً لك .. * وشكراً لصاحب الموضوع . |
السالم احسبه من ضمن الصفقات المحلية الفاشلة يعني يبي يلعب مكان ويسلي ولا ياسر ولا يبي يجلس احتياط حتى مستواه يهبط ونبيعه بمبلغ اقل بكثير من المبلغ الي كلف الاداره لتعاقد معاه بس صحيح الراهب خيار ثاني للمدرب وش يفكر فيه كمبوغيه مدرب عجيب ويقول ماني محتاج صانع ابي اعرف وش الفايده الي راح يكسبها النادي اذا تم التعاقد السالم ولا الراهب...... |
انا اشوف مكسب .. خصوصا اذا بيكون بديل يعني مثلا يطلع ياسر او ويسلي بعد مايجنون دفاع الخصم .. ويجيك يوسف بكامل لياقته ويلعب فيهم اعتقد انه ورقة رابحة للهلال امااا الراهب اعتقد انه اكبر خطأ جلبه للهلال لو فيه خير مارماه الطير (الاهلي) |
إقتباس:
ماشاء الله عليه وان شاء الله يستمر |
انا اشوف الراهب كتحرك وسرعه افضل من السالم او الجهني نعطيه فرصه وان شاء الله يبدع |
اخاف يصير مثل الدرج اللي قبله المحياني الله يستر الله والعالم نفس النمونه لبى الرابح والكاسر بس |
والله ليت ما يجي مانبيه مانبيه انتم تسمعون الكلام ولالا نبي مهاجم من طراز عالي مثل ابو قحط ولا وسلي |
نبي مهاجم أجنبي يحرث الملعب دام ان السعودية ما بها الحين نبي مثل محمد جدو. الأهلي المصري |
الهلال ليس بحاجة الى مهاجم الهلال بحاجة الى ، صانع لعب ،، المهاجمين اللي عندنا ،، بمافيهم سعد الحارثي ، ، افضل من مهاجمي الفرق الاخرى ، بكثير لكن ،، مشكلتنا ،، هي ،،، ماعندنا صانع لعب حقيقي ولكم عبرة في نادي الاهلي كيف كان ، فيكتور و عماد الحوسني ، الموسم الماضي ،، والحين ،،، مالهم حس ولا خبر لييييييييييييييييييييييييييييييييييش ؟؟؟؟؟؟؟؟؟؟؟؟ العام الماضي ،، كام عندهم ،،، كماتشو هذا العام ،،، مافي كماتشو وشوف الاهلي ،،، وفريقنا ، لما كان طارق التايب ،، موجود ،، والشلهوب في قمة عطائة كان فريقنا ،، مرعب وياسر كان،، مهاجم وحيد في المقدمة ،،، وهداف لأن هناك من يوصل له الكرات ،، على طبق من ذهب ،، ويقول له ،، تكفا ،، سجلها اما الآن ،،، لو نلعب بـ 4 مهاجمين ،،، وما عندهم صانع لعب ،،، ويش فايدتهم فريقنا ،، مو محتاج ،، لايوسف السالم ، ولا غيره وانا من الشرقية ،،، واعرف يوسف السالم كل المعرفة ،، حتى لما كان يلعب حواري ،، كان مستواه ،، عادي ،، بل هناك من هو افضل منه هو مهاجم ،، جيد ،،، لكن ، ليس هو طموح الهلال الموجودين افضل منه ،، بما فيهم الكوري ، وسعد الحارثي وبالذات سعد الحارثي ،، يحتاج الى فرصة كاملة ،،، مع وجود صناع لعب عرفتوا شلوووووووووووووووووووووووووووووووووووووووووووووووون ؟؟ |
السالم بدل الكوري وراح يلعب كل مباراة في الشوط الثاني والكورى راح يتغيير بلاعب ثاني في خانه ثانيه والسالم اثبت نفسه في آسيا وكل المسابقات ما يقارن بالجمعان والا الجيزاني |
مانبي هجوم عندنا ويسلي وياسر والحارثي نبي قلب دفاااااااع وش الفايده تجيب لاعب مصيره الدكه |
السالم افضل من المحياني والجمعان والجيزاني بمراحل يكفي انه ماشاء الله تبارك الله قليل الاصابات وهالنقطة هذي دمرت المحياني مع الهلال !! |
ماااااااانبيييييييييييييه حرااام |
وقسم أنتوا جمهور مدري وش يبي ؟ ما يبي الكوري وإذا بغينا بديل وقلنا السالم قلتوا ما تبونه أنت وش تبي بالضبط ؟ اللي متاح الاداة راح تفاوضه فيه واحد ثاني غير السالم ؟ وتبون صفقات محليه وإذا قلنا اللاعب الفلاني قلتوا حاله حال الفلان الفلتاني يا حبيبي السالم وش الخسارة لجا الهلال ؟ فيه احتمال تنجح التجربة وإحتمال لا ما يصير نجزم 100% أن الصفقة ما راح تنجح وعط سداح فرصة حتى لو فشلت تجربته أنت دفعت شي من جيبكـ ؟ الإدارة بتدفع وبتجربه نجحت التجربة زين على زين ما نجحت .. الإدارة ما راح تخليه وبتشوف البديل المناسب أبداً ما فيه تفائل ولا فيه صبر بالله كيف عايش أنت ؟ |
إقتباس:
دقق كيف لما يستلم الكورة ويمشي شوف وين راسه دايم يطالع تحت .. فمو غريبه لما تشوف مدرب أوروبي يشوف له لاعب مثل سعد ويلعب بطريقة الحواري ويحبسه بالدكة شوف محمد الشلهوب يوم لعب ضد مانشستر سيتي أو ألمان يونايتد ماني ذاكر هو الوحيد اللي مدحته الصحف الإنجليزية بسبب أستلامه للكورة ويتابع أخوياهـ اللاعبين وحق مين بيمرر عوافي |
يارب مايجي السالم للهلال هذا لاعب أقل من عادي ومستواه مثل الجيزاني وطقته |
ناظر من جلب السالم والجيزاني والمحياني والجمعان ؟!!! عشان تعرف ان العباطه والغباء تستمر |
يوسف السالم لاعب جيد وإذا تم التعاقد الرسمي معه أتمنى بيع عقد الحارثي وبيع عقد الكوري وجلب صانع لعب أجنبي ويصبح السالم بديل لـ ياسر القحطاني وويسلي لوبيز الله يوفقه مع الزعيم ويكتب اللي فيه خير للهلآل ، |
ابي افهم و استوعب سعد الحارثي ليه شارينه اجل عطوه فرصه يرحم امكم تجمعون مهاجمين بلا فايده وشو ذا :ranting: |
الله يكككككتب اللي فيهه الخخخخير .. |
ماحد يدري وش الي كاتبه ربي لكن احنا واجبنا الوقوف مع الاعب وتشجيعه والدعا له ولفريقنا باالتوفيق |
مدري وش يحس فية شيبة الريح تعاقداته مع الاعبين مكانهم في فريقهم الاحتياط ماراح يفيد الفريق دائم المدرب موجود مايعرف الكورة إتمنى يرجع حساباته او يترك الرئيسة للوحد ثاني مو كل فترة يتقاعد مع الاعب نازل مستووه مثل سعد او لاعب زيادة عددد مثل المدفع الجديد نسيت اسمه لعبة مرة واحد ماشفت خشتة ؟؟ |
كلامك سليم جدا اتمنى البحث عمن يبحث عن المجد وليس المال رغم ان الحارثي لم يأخذ الفرصه المناسبه وحطو تحتها مية خط ليس ظروريا ان يلعب اول المباراة كي نقول اعطيناه فرصه المهم ان يلعب وهو يشعر بأنه سيقدم الكثير وهذا ما لم يفهمه المدرب |
ما يقهرني الا الي يجيب طاري الحارثي اللاعب منتهي ، حرام تقارنونه بالسالم !! عموما اتمنى التوفيق له مع الزعيم بس والله حرام سعد الحارثي بالدكه ي ليت الاداره تسوي له اعارة الى الرائد او الفيصلي |
اللاعب لم يصل للهلال وهنا بالموضوع اطرحلي اسماء متوفره يستطيع الهلال التقاعد معها بالفتره القادمه اعتقد ان السالم هو اللاعب الاقرب ولو كثرت الخيارات الاعب سيوقع مع الهلال 4 سنوات ومتى ما اثبت نفسه سيلعب واذا لم بثبت نفسه فالدكه مصيره ولكن الاداراه لو تعاقدت مع اللاعب والسالم نجح مع الهلال واسكت الكثير فأتمنا من كل عضو تحدث عن اللاعب وشكك فيه يفتح موضوع لسالم ويتكلم كما كان يتكلم بسابق وانظر ماذا سيكون الرد عليه افتحو اعينكم الاقلام بكل مكان وليس كل قلم عاشق لزعيم وليس كل قلم يكره الهلال على اقل تقدير لا تتجه لما يحبون ولا يكرهون اجعل الصبر عنوانك وشكرا...... |
الحين يوم انك تبي اسيا بتجيبها بمناجان وبالسالم ؟ يارجال قل غيرها بس قدامك فرق ما ترحم ومجموعتنا باسيا قويه جدا اتمنى مدافع محلي على مستوى عالي بدل مانقان مثل اسامه المولد ومحور قوي جدا وصانع لعب ومهاجمين اجانب ما ترحم ^_^ هذا هو حل اسيا |
ي شبـآب من جاء الكوري وانتم تنتقدونه ويوم جت الاداره تستبدله بـ لاعب محلي تزعلون السالم من المهاجمين المميزين بالدوري السعودي ما نقارنه بـ ياسسر ولا الشمراني بس يعتبر احسن من غيره واللي يقول عندنا ياسر و ويسلي اذا اصاب ياسسر و ويسلي لا سمح الله بمباراة اسويه ان شاء الله تبونا نعتمد ع سعد الحارثي .. السالم يفوق مستوى الحارثي بمراحل ولا فيه مقارنه .. يكفي ان ماعنده اصابات متكرره آدعمـــــــــــــو اي صفقه تقوم فيها الاداره ’ لا نخسر الاعب قبل يلعب مع الفريق .. |
السالم لاعب جيد لكن عندنا بالهجوم ويسلي وياسر والكوري والحارثي اللي اتوقع انه ماراح يفيد والسالم افضل منه لكن اين الجهني والريس وليش مايطلعون للفريق الاول بدلاء للحارثي والكوري BB-29991E97 |
انا اشوف ان يحي الشهري ومهند عسيري |
دمار الدامرينالسالم لاعب نادي صغير وليس بحجم الهلال ،،، هل السالم نجح مع الشباب ؟ الإدارة من الأرداء للأرداء ... |
* اتفق معك كثيراً .. شكراً لك .. * وشكراً لصاحب الموضوع . |
من ينجح في الفرق الصغيره والمتوسطه لن ينجح في الهلال |
تقارن السالم با الجمعان و المحياني!!!! الجمعان كان مكينة اهداف من خارج المنطقة فاولات ضربات راسيه المحياني قبل قدومه للهلال كان هداف الدوري مع الوحده قارن السالم با الجيزاني با الكعبي ممكن تحياتي لك |
بالعكس لاعب ممتاز جدا وقناص للفرص ونادر ما يضيع واعقتد انه بدال الحارثي لأن مصادري الخاصة تقول بأن الحارثي سينتقل للتعاون على سبيل الاعارة الا اذا كان هناك اختلاف مع التعاون |
اتمنننىىى ماايجي السالم لانه اذا جاء للزعيم رراح تروح موهبته ويجلس بدكهه |
لا تستعجلون بالحكم عليه يا اخوان اذا كان بديل للكوري مع رحيل الحارثي وجلب لاعب اخر مع ياسر والسالم فهذا من صالح الهلال عشان يكون فيه منافسه على هذا المركز تقبل مروري وشكراً |
ما راح اتكلم ع السالم لانه ممكن يتوفق وممكن لا لان مو اي لاعب يجي للهلال ويقدم حتى وان كان متميز لكن معاك في لاعبين الاولمبي فعلا فيه لاعبين مميزين امثال العازمي والمرشدي وعبد الرحمن السعيد والدعيع والقحطاني والفريدي الصغير والمهاجم القادم من ابها بالنسبه للبيشي هو من زمان مبدع لكن ابتعد بسبب كثرة الاصابات الله يحفظه شر الاصابات ونشوفه مميز في الفريق الاول هو وزملائه يعطيك العافيه |
اتفق معك وكلامك صحيح ويعطيك العافيه |
السالم يفيد الهلال بكثير اكثر من سعد الحارثي خلنا صريحين خل يجي السالم ولايفكرون بالكوري خل يرجفونة برآ ألكرة الارضية |
وجود السالم كأنك يابازيد ماغزيت |
إقتباس:
طيب إذا كان (بينقلع) على حسب وصفك عطني لاعب آسيوي لاحظ (آسيوي) صانع لعب يكون فارق ونجم مميز بالفريق؟؟؟؟ صدقني صعبه تلقى لاعب اسيوي فارق. . |
السالم ضربة معلم ولاعب فنان وسيستفيد من قدومه الهلال وش المشكله انت دافع ريال فيه خذه ياخي وفكنا |
إقتباس:
اذا كان اللاعب ما راح يشارك الا الموسم الجاي فهذا يدل على ان ادارة الهلال خططها خطط علمية مطروووووووووسة |
حسبي الله على اللي حطمك يالحارثي كله من سامي جابك ووعدك بالفرصه وبالاخير حطموك هالخبول اجل السالم ب16 مليون ههههههه وقالوا ان تعثرت صفقته يجيبون الراهب ماودهم بعد يجيبون رش رش التعاوني ههههههههههه لك الله يالحارثي وحسبي الله عليهم ونعم الوكيل والله ينصر الهلال عليهم ذولي المرتزقه |
| الوقت المعتمد في المنتدى بتوقيت جرينتش +3.
الوقت الان » 01:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd