|
ابو فيصل اسامه المولد لا يفوتنا وربي ضربه معلم .. اتمنى مشاهده الموضوع اليوم قريت في اخبار الصحف ان فريق الاتحاد عارض اسامه المولد على الهلال والشباب وانهم محتارين بمبلغ الاعب عالي ودائما" عنده اصابات وقليل مايلعب انا لو كنت مكان الأمير عبدالرحمن بن مساعد للتعاقدت مع اسامه المولد ولا اشاور ليه اعطيكم الأسباب :: اول شيء :: اسامه المولد افضل مدافع حاليا" بالكرة السعودية وعمره 28 سنه ماهو مثل ماذكر ان عمره 30 سنه يعني يعطيك الى 5 سنوات قدام هذا بالقليل .. ثاني شيء :: وهو الأهم من وجهي نظري مانغان عقده مع الهلال 3 مليون يورو والاعب كان مصاب يعني حوالي 30 مليون ريال ان لم تكن اكثر وعمره 30 سنه ولاعب اجنبي .. ثالث شيء :: من قال انه دايم مصاب لعب بطولة آسيا مع الاتحاد والدوري اغلب المباريات يلعبهم الا بعض المباريات السهله وكذالك مع المنتخب .. طيب عندنا عبداللطيف الغنام لاعب مميز لاكن من تعاقد معه الهلال كل يوم بالعياده مصاب و مالعب ربع مباريات اسامه المولد مع الاتحاد ؟؟؟؟؟؟ ناهيكم عن مستوى الاعبين اسامه قائد ومدافع صلب وهداف وعقده اقل من مانغان بكثير ،، ولاعب سعودي يعني نجيب بداله لاعب اجنبي صانع لعب زد عليها متأقلم على الاعب هنا لانه لاعب محلي حتى الزعيم مايخسر ولا ريال يبيع عقد مانغان ويجيب المولد 20 مليون واتوقع ماهي كثير على افضل مدافع محلي اسامه هوساوي شراه الأهلي بعقد تجاوز 35 مليون وعمره 30 سنه وافضل مافي الانتقال الاتحاد يبي يبيع عقده يعني ماهو متسمك فيه اشوفها فرصه ماتفوت على الزعيم عبدالرحمن بن مساعد مع العجمه لم سأله عن الاعبين الي تمنى تشوفهم بالزعيم ذكر اســــــامــه المـــولــــد وهذا شيء مفرح ان رئيس النادي معجب بهذا الاعب تكفى يابو فيصل اسعد الجماهير الهلاليه بهذا الاعب وربي مكسب لنا ختاما" اتمنى من الأعضاء الكرام بهذي الشبكة اذا ما اعجبك الموضوع لا ترد عليه ولا تنبرش علينا وتقول ( رح نم ، لو ماكتبت الموضوع اصرف لك ) انا هلالي وتهمني مصلحه الزعيم مثل ماقلت ما اعجبك موضوعي ماهو لازم ترد علينا اتمنى الأرتقاء بالطرح ولا ما اعمم على الجميع الحمدلله اغلب الجماهير مثقين واعين لاكن اقصد البعض فقط . بالتوفيق لزعيمنآآ بكل مباراة يلعبها يآآآرب :alzaeem: |
يعطيك ربي العافيه على هالمشاركة الرئعه واما بالنسبه لموضوع اسامه المولد فلا ننكر انه راح يفيد وبقوه دفاعنا المتهالك بس المبلغ مبالغ فيه وبكثير |
إن شاء الله يجي لاعب مكسب بلا أدنى شك ... شكراً لك ع الموضوع الرااائع ،،، |
تصدق مدافع وجايب 30 هدف مع المنتخب وثلاث الهدافين المنتخب على مدى التاريخ هذا لو نجيبه مهاجم بدال الكوري احسن لنا |
ابن مساعد قال ان المولد يعجبه و اي لاعب يحتاجه الهلال راح يجيبه والهلال محتاج المولد وبشدهـ ف لذلگ أتوقع راح يجيبه بإذن الله |
الله يعطيك العافيه((الله يكتب الي فيه الخيرللهلال)) |
تسلم على الموضوع وربي ضربة معلم ونستفيد من خانتة في الوسط أو الهجوم |
عوووووووووووافي !!!!!!!!!!!!! |
ما نبيه لعدة أسباب اللاعب كبير بالسن + وزنه تخطى 100 كيلو وهو لاعب خشن قد يحرجك في مباريات كبيرة دائما ما يخرج عن النص أتمنى توفير الأموال للتعاقد مع الشاب عبدالله الحافظ فهو افضل منه بمراحل و راح يخدمنا سنين أطول |
اتمنى اشووفه بشعار الهلال بصراحة |
الله يكتب الي فيه الخير من ناحيتي المولد يحطونه جانب المرشدي والدفاع يكون TOP |
يجي ب 10 مليون خمس سنوات الله يحييه غيرها لا ....... |
إقتباس:
|
صدقني لو يجي رآح يحل جزء من دفـآعنـآ آلآ آذآ لعب معه يحيى المسلم . آو جلب بدر النخلي لآن آذآ رآح يلعب مع المرشدي ولآ مـآنقآن رآح يتحمل عبئ المدآفع الثآني آسآمه من آفضل المدآفيــن في السعوديـه آكيد مكسب لـ آي نـآدي يلعب لـه آن شآء الله يكون هلآلي . :yes: |
جنتل مان أسامه جداً مكسب بس اذا شراء عقده المتبقي من الاتحاد عشرين مليون واللاعب طالب قرابة السبعه ملايين سنويا كذا يكون مقلب يشربه الهلال وتقبل مروي |
| الوقت المعتمد في المنتدى بتوقيت جرينتش +3.
الوقت الان » 07:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd