الله يوفق هلالنا في جميع البطولات

بالفعل الهلال بحاجه للثبات مو معقول كل سنه

مدرب جديد ولاعبين اجانب جدد

والان مع كمبواريه كل مباره تشكيله جديده

وسالم والشلهوب احتياط

والله شي غريب

BB-29991E97

الله يعطيك الف عافيه اكيد الاستقرار ولاعبين اجانب مميزين يجيب لك الاسيويه

الهلال بحاجه لمدرب تكتيكي من الدرجه الاولى
وقائد مثل سامي الجابر داخل الملعب
ورئيس نادي الحمد لله موجود بس ياليته يرجع مثل اول ما بدأ مع النادي
دايما قريب من اللاعبين
واخير جمهور يملأ المدرجات في كل مباراة مو بس الكبيره

إقتباس الرسالة الأصلية كتبت بواسطة عبودي ابو لولي الله يوفق هلالنا في جميع البطولات

أمين

إقتباس الرسالة الأصلية كتبت بواسطة ابو أسما بالفعل الهلال بحاجه للثبات مو معقول كل سنه مدرب جديد ولاعبين اجانب جدد والان مع كمبواريه كل مباره تشكيله جديده وسالم والشلهوب احتياط والله شي غريب BB-29991E97

شكرا لمرورك

إقتباس الرسالة الأصلية كتبت بواسطة .Mohammed# يعطيك العآفيه على الموضوع , بآلتوفيق للملكي

إقتباس الرسالة الأصلية كتبت بواسطة ابو سالم عيسى الله يعطيك الف عافيه اكيد الاستقرار ولاعبين اجانب مميزين يجيب لك الاسيويه

الله يعافيكم ومشكورين

إقتباس الرسالة الأصلية كتبت بواسطة المعذب بسامي الهلال بحاجه لمدرب تكتيكي من الدرجه الاولى وقائد مثل سامي الجابر داخل الملعب ورئيس نادي الحمد لله موجود بس ياليته يرجع مثل اول ما بدأ مع النادي دايما قريب من اللاعبين واخير جمهور يملأ المدرجات في كل مباراة مو بس الكبيره

خلال 10 سنوات تعاقد الهلال مع عشرات المدربين ! بالتاكيد في كم واحد منهم مميزين جدا , ولو ثبتنا عليهم كان حنا بالف خير
والقائد داخل الملعب وجوده مهم لكن لو في استقرار في الجهاز الفني واللاعبين فوجود لاعب كياسر القحطاني في القياده يكفي ويوفي
وبالنسبه للجماهير فما قصرت ابد مع الفريق في اكثر الاوقات
شرفني مرورك اخوي

الجمهور هو السبب هم الي يضغطون على الاداره والاعبين لذا يجب الابتعاد عن هذه البطوله حتى يدب الاقتناع لدى الجماهير بأن اسيا مافيه بعدها يمكن ان يأتي الهلال من الخلف وبدون ترشيح ثم يحققها ان شاء الله

إقتباس الرسالة الأصلية كتبت بواسطة الغازي الهلالي الجمهور هو السبب هم الي يضغطون على الاداره والاعبين لذا يجب الابتعاد عن هذه البطوله حتى يدب الاقتناع لدى الجماهير بأن اسيا مافيه بعدها يمكن ان يأتي الهلال من الخلف وبدون ترشيح ثم يحققها ان شاء الله

الجمهور هو السبب من جهة ظغطه المستمر والكبير على الاداره فتضطر لتغير الجهاز الفني ,
كل ما جبنا مدرب توه ما بدأ يضبط الفريق ويعرف نقاط القوه والضعف فيه الا طيروه
وجابوا غيره وهلما جرا
ترى المدرب مو ساحر ! في خلال ايام معدوده او كم شهر بيخلق لك فريق لا يقهر
المدرب يحتاج في كثير من الاحيان لبضع سنوات حتى يضبط الفريق صح
لكن حنا كلها كم شهر وطيره وجيب غيره
وهذه حقيقه مره نعاني منها جدا في السعوديه تحديدا
والفتح الفريق الوحيد اللي خالف هذه القاعده السيئه وشوف وين وصل
باختصار جيب من البدايه مدرب ممتاز وسيفيه مميز وعطه الفريق وخله يشتغل
سنتين ثلاث اربع وشوف النتايج
اما كم شهر وطيرته وجبت غيره وتبي اسيا ؟ سلامات !

كلامك سليم لكن اذا فيه امور خارجيه مثل عام 2010 مدرب ولاعبين لكن في منتصف الطريقذهب جيرتس ثم نيفيز غير ذلك الضغط النفسي على اللاعبين

جمهور الهلال يريدون نسخة ابداع يوسف واهداف سامى والمنقذ الدعيع علشان يحمى الشباك الهلالية

إقتباس الرسالة الأصلية كتبت بواسطة هلال = روحي كلامك سليم لكن اذا فيه امور خارجيه مثل عام 2010 مدرب ولاعبين لكن في منتصف الطريقذهب جيرتس ثم نيفيز غير ذلك الضغط النفسي على اللاعبين

الامور الخارجيه امور نادره والنادر لا حكم له
خلال 10 سنوات كم مدرب طلع لوحده او بسبب ظروف ؟ 1 ؟ 2 ؟ طيب والبقيه ؟
مشكور لمرورك

إقتباس الرسالة الأصلية كتبت بواسطة alfayhaa Sport جمهور الهلال يريدون نسخة ابداع يوسف واهداف سامى والمنقذ الدعيع علشان يحمى الشباك الهلالية

لكل زمان دولة ورجال
هؤلاء نجوم رائعون لن يتكرروا في اعتقادي لفترة طويلة
ولكن من الموجودين من فيهم الخير والبركه فقط يحتاجون مدرب مستقر معهم يضبط الاوضاع لاغير
شكرا للمرور

مشكوووووور وماقصرت على هالمشاركه الاكثر من رائعه

دام ماحققناها مع جيرتس وباكيتا وكوزمين انا جزمت انها نفسسسسسيه لا محاله

الثبات والتجانس شي ضروري لكن مو مع كومبرايه