راسمالنا ياسر - نادي الهلال السعودي - شبكة الزعيم

الهلالي ابن الشيخ · #1 22/12/2012, 10:24 AM

لايوجد في الهلال حاليا لاعب عليه الكلام سوى ياسر لاعب ناضج يلعب بحماس يخدم فريقه يحرك الفريق والبقيه اشباح لاعبين واللوم على المدرب "الفرنسي" اللي ضيع هوية الفريق وافقد اللاعبين الثقه لايوجد في الهلال حاليا وسط رغم انه تميز في السنوات الماضيه بوسطه فكك الوسط ودمر الدفاع وبقي الهجوم هو اقوى خطوط الفريق بوجود ياسر هذا اللاعب اذا غاب ضاع الفريق مما يدل انه هو من يحرك الفريق اما المدرب فلا ادري كيف تم اختياره لتدريب فريق عظيم كالهلال هذا المدرب لايملك اي رؤيه وانا واثق انه سيطرد قريبا بعد خراب مالطه صدقوني الفريق يسير بفضل وجود ياسر فقط فقط فقط .

واحد شاي · #2 22/12/2012, 10:36 AM

كنت اعتقد ان موضوعك يتكلم عن رأس مالنا في مباراة الفتح

ولكن اذا كان قصدك في الفريق كله فـ معليش اختلف معك اخوي

وين راح الشلهوب والعابد والسديري والشهراني والفرج وغيرهم كثييير

كل هاللاعبين يلعبون بروح حماسيه وبإذن الله ماعلى فريقنا خوف بوجودهم ان شاء الله

يعطيك العافيه

الشعيفاني · #3 22/12/2012, 10:43 AM

ياسر لاعب كبير ومن افضل الاعبين لاكن نمتنى ان يعود فريقنا نفس ماكان فريق واحد ياسر وويسلي من افضل المهاجمين ماشاء الله لاكن ماعندهم صانع لعب لو وراهم صانع لعب ودفاع مثل الناس كان كل مبارااه ناكل الفرق 5

وان شاء الله ياسر يستمر على هالمستوى ويعود هلالنا نفس ماكان واحسن

هلالي متعصب · #4 22/12/2012, 10:54 AM

افهم من موضوعك انك اختزلت الهلال كله في ياسر !

وين راح الشلهوب والدوسري وويسلي ؟

ارجوا ان لا يطغى الحب الاعمى والتعصب للاعب على حساب

الفريق ..

][ مجنون ياسر ][ · #5 22/12/2012, 11:09 AM

لا تهضم حق بقية اللعيبة , كلهم فيهم الخير والبركة

وابو عزوز كبير والكبير الله

روحي وعشقي ملكي · #6 22/12/2012, 12:33 PM

صدقت صدقت وأتفق معك تمامآ أذا حضر ياسر حضرت الروح وأذا غاب غابت الروح
وحتى ويسلي أذا غاب ياسر أختفى والدليل مباراة الفتح
وهذا الشيء معروف وماينكره إلا الحاقدين على ياسر اللي مايردون إلا على مواضيع ياسر
وهم معروفين ومكشوفين في هذا المنتدى الله يشغلهم بأنفسهم عن ياسر يارب

ابومعلا · #7 22/12/2012, 01:35 PM

اعتقد مثل هذي المواضيع تسبب مشاكل ومناحرات بلا سبب
يعني انت تقدر الاعب وتعتبره مميز ...لكن مع هذا تتحدث عنه وتخلي الاخرين ينتقدونه هو وليس انت وهو ماله سنع في السالفه ..
الاعب يملك امكانيات جيده ...لكن احترم البقيه
والحقيقه تقول الهلال افضل في السنه الماضيه بدون ياسر ..!!
والحقيقه تقول الافضل هم الحراس
الجميع فيهم الخير والبركه لكن ماوجدوا اللي يخرج مايملكونه من امكانيات .

مَشَآع ـرْ هـلآليّـه · #8 22/12/2012, 01:43 PM

اسمح لي موضوك متحيز وغلط وفيه ظلم للهلآل قبل لآعبينه ..
الفرج .. العابد .. الشلهوب .. السديري .. الدوسري ..
^ كلهم لآعبين مبدعين وفيهم من الحب والولآء والاخلآص للهلآل مايعمي عين الحآسدين !!
لكن أنت حقرتهم كلهم ومآشفت الا يآسر ؟!

نحب يآسر صح بس مو أكثر من غيره من لاعبين الزعيم الاوفيآء ..
كلهم يلعبون للملكي ونحبهم وبنشجعهم وندعمهم .. وليس لآعب دون آخر !!

f90 · #9 22/12/2012, 02:08 PM

الفريق كامل راس مالنا
وياسر معاهم اكيد
لكن كمبواريه وتخبطاته
تضيع مجهودات اللاعبين
الله يوفقهم ويتغلبوا على الوضع

!هلالي · #10 22/12/2012, 02:35 PM

.Mohammed# · #11 22/12/2012, 05:33 PM

الفريق جيد لكن ياسسر يظهرر بروح القائد ويبث فيهم الحماسس

برهميش · #12 22/12/2012, 06:01 PM

ياسر لاعب كبير وسيظل ﻻعب كبير. ولاعبين الهلال مليئين بالنجوم ولله الحمد. وياسر منهم بل زعيمهم وقائدهم. اتمنى لكم النجاح

sl7 · #13 22/12/2012, 06:24 PM

أنا بس دخلت موضوعك مع اني عارف انه مجرد ( كلام فارغ ) بس داخل ابي اعرف وش تحس فيه وانت تكتب ( راسمالنا ) كذا ؟

والمشكله أكيد تقول انك جامعي ولا تعرف تكتب

والمشكله الكبرى ان مشاركاتي واصله 1000 مشاركه ومو مسموح لي انزل موضوع بهالمنتدى للأسف الشديد

دقمك الدقم · #14 22/12/2012, 06:31 PM

ياخي الكريم ياسر لاعب كبير وامكانياته ممتازه

لكن لاتهضم حق باقي الاعبين!!

يعني انت الحين خليت الهلال=ياسر!

ملاحظة

بعض المواضيع تبين لك مشجع الكيان و مشجع الاعب!

الشعيفاني · #15 22/12/2012, 07:58 PM

إقتباس

الرسالة الأصلية كتبت بواسطة روحي وعشقي ملكي


	صدقت صدقت وأتفق معك تمامآ أذا حضر ياسر حضرت الروح وأذا غاب غابت الروح وحتى ويسلي أذا غاب ياسر أختفى والدليل مباراة الفتح وهذا الشيء معروف وماينكره إلا الحاقدين على ياسر اللي مايردون إلا على مواضيع ياسر وهم معروفين ومكشوفين في هذا المنتدى الله يشغلهم بأنفسهم عن ياسر يارب

امين يااااااااااااااااااااااااارب