|
يابن مساعد حاسب الاعبين قبل ان تحاسب المدرب ! من خلال متابعتي لاعاده مباراه نجران هناك ( مصيبه !! ) $$$ السلام عليكم ابارك لكم على الوصول الى دور الـ8 بعد الفوز على نجران في مباراه نجران المدرب دخل في تشكيله الكل استغرب منها لكن كان تكتيك كومباريه فيها تكتيك ذكي الشوط الاول قدرنا نسجل هدفين مع الضغط والاستحواذ هجمات بالهبل ضاعت للكوري ولاننسى هجمه الحارثي المدرب توفق في التشكيله من شاهد الشوط الاول شاهد متعه الهلال الهلال كان مستحوذ بشكل واضح لكن الشوط الثاني الفريق الذي نزل ليس الهلال !! لاعبين باردين ضايعين متخاذلين تابعت اعاده المباراه والله الشوط الثاني مافيه اي هجمه تذكر للهلال !! يابن مساعد الاعبين لابد ان يحاسبون على هذا التخاذل والبرود كومباريه لادخل له ابدا فيما حصل من سوء في المستوى ( الشوط الثاني ) يا اخوان ارجعو للمباراه شوفو كيف كان التخاذل من الاعبين في الشوط الثاني ايعقل فريق مثل نجران ان يسيطر تمام على المباراه ويلعب على مرمانا ؟ لولا الله ثم تألق السديري لكان الحين اكلناها تاريخيه من نجران والله مصيبه اللي نشوفه من تخاذل من الاعبين والغريب بعض الجماهير تطالب باقاله كومباريه ! والله كومباريه توفق بالتشكيله والتخاذل كان من الاعبين والدليل شاهدو الشوط الاول والشوط الثاني مع ان التشكيله نفسها .. اتمنى وفقت بطرحي وكل التوفيق لهلالنا في مشواره بالدوري وولي العهد متابعتكم لي بتويتر شرف لي :- https://twitter.com/FARIS_AL7RBE |
موضوع جميل .. يعطيك العآآفيه , |
اخوي هاذي المصيبه اللاعب ينزل الملعب ولايعرف المدرب ان يشركه واي تكتيك سينتهج بالعربي حاس الفريق الظهير حطه قلب والمحور حطه جناح ايمن اولا نازلي بثلاث مدافعين قدام نجران اعتقد اللاعبين لايعرفون ماذا يريد المدرب هل يدافع او يهاجم ولا فيه حفظ للمراكز ولا استقرار في التشكيله او تلوم اللاعبين المدرب السبب |
هذه الحقيقة الاعبين هم السبب مثل مباراة الفتح الفريق سيئ حتى دخ لفيه هدفين بدأ يتحرك وسجل هدف الاعبين عليهم نسبة 90 % من الاداء فالمدرب ينتهي تقريبا امكانية تدخله بعد وضع التشكلية والخطه للاعبين .... موضوع 100% . |
اللاعبين بلا روح وعزيمه واصرار والمدرب كل مباراه بتشكيله وعناصر جديده وكأن الهلال حقل تجارب فترة تزيد عن الاربعة أشهر ولا زال المدعى كومبواريه يغيًر ويخترع ولم يثبت على طريقه ما عرفنا له هالمدرب وش يبي بالضبط ؟!! الله يستر من القااادم بس ,,, |
بتخبيص الدأهيه كومبواريه وتخاذل الاعبين سناكل هزيمه تاريجيه يوم الاحد الله يغير الحال للافضل |
إقتباس:
صح لسانك يافارس معك قلباً وقالباً في جميع ماذكرت وان وجدت أكثر من عدد أصابع اليد الواحد عدد إشادات بموضوعك فأنت بلا أدنى شك محظوظ الناس الان ماتقدر الا اللي يسب ويشتم ويدخل في الغيبيات ويقلل من عمل الأخرين والكلام المنطقي والواقعي ليس لديه قيمه عند الغالبيه أشكرك مجدداً وكُل جمعه وانت ومن تُحب بألف صحه وسلامه يــــــارب ي و س ف :smilie47::smilie47::smilie47: :smilie47::smilie47: :smilie47: |
وش ذنب اللعيبه اذا كان الفرج مبدع بالمحور الايسر ويحطه وسط يمين وعزوز الدوسري يبدع وسط يسار وحاطه يمين وكل مباراه تشكييله بالله شلون تبي المجموعه تنسجم وهو كل مباراه تشكيله حتى الحارس ماسلم من التغيير والله مدرب منتهي وبن مساعد يكابر وبتجينا نتايج كوارثيه |
يعطيك العافية على الموضوع والمدرّب كان يلعب 5 - 3 - 2 صحيح هذي التشكيلة ولكن المدرّب كان يعتمد على تقدّم أظهرة الجنب وتحولت الطريقة إلى 3 - 5 - 2 وأكثر الكور والهجمات كانت تبدأ من عند محمد نامي وياسر الشهراني وبصراحة المدرّب تكتيكي من الدرجة الأولى لأنه يستخدم أكثر من تكتيك وأكثر من طريقة لعب في المباراة الواحدهـ وفيه مدرّبين طوال مسيرته التدريبية لا يعرف إلا طريقة لعب واحدهـ وتكون مكشوفة لدى الجميع واللاعبين لو يسوون الشيء اللي يطلبه منهم المدرّب راح نحقق نتائج إيجابية لكن أحياناً تشاهد اللاعبين يلعبون بثقة زائدة تصل إلى مرحلة التعالي على الكرة بالتوفيق للهلال فوق كل أرض وتحت كل سماء :ba: |
تشرفت بتواجدكم وردودكم على الموضوع .. نورتو |
اتفق معك في حال لعب كل لاعب بمركزه الاساسي وعرف المدرب ان الاداره لاتفهم بكرة القدم وان الجميع من طقة كله تمام ياريس اما يلعب نامي في فريق الهلال؟ لوحدها كافيه لتحكم على الاداره والمدرب بالسلب . لديك لاعب وسط ايمن وحيد سالم وتضعه احتياط ويلعب بفريق اشول الفرج الشلهوب الحارثي المسلم المرشدي الشهراني عزوز حتى لو حاول أي لاعب ان يقدم لا يستطيع شكرالك |
أؤيد كلامك أخي تعبت وانا اقول دايم نلقي اللوم ع المدرب ونسى اللعيبة فعلاً الشوط الأول الأداء كان ممتاز مع انها نفس التشكيلة على سبيل المثال قدام الفتح في الدوري هل المدرب نزل للملعب وتسبب في ضربة جزاء مثلاً ؟؟؟ ياجماعة مايصير بس ع الإدارة والمدرب كذا اللعيبة يتخاذلون صح لأن هناك شماعة وهي الإدارة والمدرب نريد روح اللعيبة إذا حضرت والله المدرب سيكون حتى في يومه التكتيكي وأنا أقول 11 لاعب يشيلون خطأ 1 وهو المدرب أما 1 وهو المدرب مايشيل خطأ 11 وهم اللعيبة وخير مثال مباراة أولسان في الآسيوية تحيــــــــــــاتي للجميـــــــــــــع |
| الوقت المعتمد في المنتدى بتوقيت جرينتش +3.
الوقت الان » 01:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd