|
بكرة 21.12.2012 اخر يوم .. كل واحد يجهز حاله جائني اتصال من طفل عمره 13 سنة يرقد حاليا في مستشفى في برلين وقد قامت جمعية خيريه باحضاره الى ألمانيا وتكفلت بعلاجه .. لأن علاجه غير متوفر في بلده .. المهم :d .. انا تعرفت عليه عن طريق هذه الجمعية عشان نزوره وما نحسسه بالوحده وبالتالي اعطيته رقمي .. المهم اتصلي وقالي وهو خايف ويرتجف :d .. يا أحمد هل صحيح ان يوم الجمعة اخر يوم وخلاص راح تنتهي الدنيا وراح نغرق وراح أموت في ألمانيا وتقوم الساعة علي هنا !! :d انا بصراحة فهيت وقلت له خير من قالك ه الكلام .. قال سمعته في اخبار العربية في التلفيزيون حق المستشفى ( طبعا تلفيزيونات المستشفى فيها قنوات من جميع العالم ) .. قلت له يا حبيبي هذه خرافة ولا تصدقها وراح اكلمك يوم السبت وما راح يكون في شئ .. وراح تكمل علاجك وترجع لأهلك باذن الله .. قالي يعني اتصل لأهلي في القرية وأقولهم الخبر كذب !! :s2: قلت له انت أتصلت لهم !! :d .. قاله ايوة اتصلت للقرية وحذرتهم وقلت لهم لحد يطلع يوم الجمعة وخلوكم في البيوت ولا تروحوا للأودية والانهار .. وانتبهوا لأن الأنهار راح تفيض ويغرق الكون وفي كوكب حيصدم بالارض وراح تقوم الساعة :d المهم قعدت ساعة أقنعه واشرحه واقول له مش كل شئ يقال في الاخبار صح .. الين ركد الرجال شوي .. ولازال يترقب :d انا ما ضحكني غير تعليقات في الفيس بوك .. واحد كاتب إقتباس:
عاد تخيلو بالله بكره آخر يوم .. :d .. يلا كل واحد يقول لنا وش كان نفسه يسوي وما راح يلحق عليه :s2: ملاحظة : الموضوع للترفيه فقط . وعادي ممكن يقلب موضوع جرجير :s2: |
استغفر الله لا حول ولا قوة الا بالله وش هذه الخرافات الغريبه الدخيلة علينا اين العقيدة الاسلامية |
كان ودي اعرس واشتري لي بنتلي واسكن في قصر فاخر في حي النخيل :( يقولون اليابانيين ما كملوا ديسمبر بتقويمهم :laugh: |
خخخخخخ ضحكني حق الفيس بوك فهمي و همه واحد :d انا دائما اتمنى اني امشي شريط حياتي 5 سنوات قدام و اشوف انا نجحت و لا رسبت ؟ باقي عندي طموح و لا من جنبها خخخخخخ و لا اذا مت بعيد الشر عني :d لو انها نهاية العالم فعلا كان قضيت يومي الاخير فالتها :d انا مو ضامنه الجنه عالاقل افلها في اخر يوم هههههههه :d الجد عاد بـ اقضي يومي باكيه و راجية للمغفره و الفردوس الاعلى , جمعني الله بكم في جنانه ق1 و المفروض اننا في استعداد للموت اللي راح يجينا بغته بس احنا غافلين و عندنا طول امل . في النهايه ان شاء الله ما ينتهي العالم الا بعد ما اصير زي النشائي :d و نشوفك دكتور اد الدونيا ^_* |
البارحة وصلت الشغالة الجديدة مسكينة ما راح يمديها تستلم الراتب :d |
انا مدري ليه هم مستعجلين على الموت :s2: من زين آعمالهم :s2: # بس لو اليوم آخر يوم كان شغلت سيارتي وعلى تل أبيب :s2::s2: طبعاً أول مَ بدخل تل آبيب بلعب عليهم وآقولهم تعالوآ في مكان آمان ولآ راح يجيكم شي ، قد جاه المسيح لكن العلماء آخفوآ عليكم هالمكان لأنه ما يتحمل الا عدد قليل ، وَ أول ما يتجمعون آطلع البلجيكي :s2::s2: وأقتل آلي اقدر عليه الين يقتلوني وآحلا شهادة :smilie47: آحلآ موته :smilie47: |
اولا .. الله يشفي هذا الولد ويقومه بالسلامة .. ههههههههههههـ جميلة براءة الأطفال في كل شيء حتى في هذه الأخبار الحزينة .. واهتمامه بأهل قريته واتصاله عليهم وتحذيرهم كلها امور في حد ذاتها جميلة .. :s2: الخرافة انتشرت بشكل كبير وللأسف بين اوساطنا ! مع انه لدينا قرآن يخبرنا بالجواب ! قبل ان تخرج هذه الشائعة اصلا ! حضارة المايا فيها العديد من الخرافات ! لكنها تبقى حضارة مخلدة وفيها عديد من الأشياء المثيرة .. لكن ربط نهاية العالم !؟ قد تكون اشاعة من واحد من سرابيتهم :s2: ههههههههههههههـ اخاف ينتهي العالم وانا ماصرت الي ابي .. وزير ولا منصب رفيع كذا :s2: وفاسد طبعا :D |
البارح بعد دخول يوم الجمعة جلست اراقب ترند الهاش تاقات العالمية و كان اغلب الترند فيه هاش تاقات تتحدث عن نهاية العالم المهم و اجلس اراقب الهاش تاقات من الساعة 12 الى بعد صلاة الفجر بعد اول ما دخل يوم الجمعة حتى الهاش تاقات العالمية مولعة ولكن سبحان بدت تنخفض تدريجيآ لين جيت الساعة 6 ولا عاد بقى الا هاش تاق واحد و بـ اخر ترتيب الترند :d بصراحه اكثر شي متعاطف معه هم اهالي الاشخاص اي انتحرو على اساس ان الجمعة نهاية العالم راح يبكون بكي سنة بـ يوم واحد لان العالم لم ينتهي و يعشرون بالحسرة لانهم فقدو ابنائهم و احبائهم بسبب خرافة نهاية العالم :wub: الامر الاخير شكرا على سماحك بـ تحويل الموضوع للحديث عن الجرجير :d |
لا حول والا قوة الا بالله الله يجعل السلام نور حياتنا االهم الا تواخذنا بما فعللا السفهاء منا والرحمنا وغفرلنا يارب |
عجيييييييييب ! للحين ما صار شئ ! :s4s: بعض الكنائس كانت تتحدث عن نهاية العالم في التاريخ اعلاه بناء على نصوص انجيلية تم تحريفها في عقود ماضية ! .. وعندما وجدوا انفسهم ونصوصهم المحرفة امام فضيحة كونية القوا بكذبتهم الى حضارة المايا المندثرة والذين لم يبقى منهم سوى شخص واحد يعرضونه على شاشات التلفاز واتذكر انني قد شاهدته من قبل 10 سنوات بالتلفاز ايضا ! .. يبدو ان المايا لم يبقى منهم سوى هذا الرجل يهذر علينا ويحمله النصارى سوء افعالهم :s2: المهم .. حمد لله على السلامة ايها الشعب المجلساوي العظيم :d :smilie47: |
أنا أخذت نفسي وولدي واختفيت في قبو تحت البيت .. صليت الجمعة مع ولدي في القبو وخطبت له خطبة عصماء قلت في مطلعها: الحمدلله وحده وبعد: فإنك يا بنيّ رزقت بأب عظيم لم تنجب مثله الحرائر , فقد كنت أحضّر لك الرضاعة وأضمك لصدري حتى تنام, وكنت تعملها في حضني ويتسرّب ما يفسد علي ملابسي ولم أكن أشتكي أو أتأفف .. لا تنسني من شفاعتك يوم القيامة , فأعمالي في الدنيا لن تنفعني إن لم يرحمني الرحيم ! فيكفي أعمالي قبحاً أن عرفت في الدنيا من هم على شاكلة أبو ناصر وماجد مقبل وأول العنقود وعاشق الزعيم من اليمن وغيرهم من السملّق ! انتهيت من الخطبة وإذا بالولد ( عملها ونام ) فقمت غيرت له الحفاظة وطلعت أنام حتى عدّى هاليوم على خير !! المهم الزبدة اللي دخلت الموضوع عشانها: ( فيه قرارات ملكية اليوم؟ والا زي إشاعة المايا؟ ) !! |
^^ يوه المشآغب , كم انت قديم بالنسبة لايش رآح اسوي انا ابد امنيه بسيطة ابي اشوف نفسي وانا ميت والناس تصيح علي :d |
أمير الشرق >>>> يب بالطبع دخيله علينا .. عسى ربي يحفظ عقيدتنا وديننا كاتلونيا >>>> الحمد لله لسه عايشين وان شاء الله راح تعرس وتشتري بنتلي .. وتسكن في حي السفارات :s2: مستشارتنا >>>> أنا أتوقع لك مستقبل ماشي حاله .. يعني يمكن يرجعوا حافز من جديد وتعيشي عليه :d .. حروف الغلا >>>> آخر همك الشغالة ههههههههههه ... ع الاقل انبسطت انها شافت الامارات :d نواف المالكي >>>> ههههههههههههههه من جد والله .. أجل تل أبيب .. تعرف يالحبيب ان اسمك أدرجوه في قائمة الارهاب الدولية :s2: .... هيا خل أحلامك تنفعك :d فيلسوفنا >>>> اجل تبي تصير وزير فاسد .. يعني زي العساف كذا ... الا صحيح وين راح فائض الميزانية :s2: ... شوف يالحبيب .. اذا صرت وزير فاسد وجيت تقضي اجازتك في برلين فلا تنسى تجيب لي شوي من الميزانية معك :d فيصل >>>> يا حبك للتويتر .. ياخي انت محطم الارقام القياسية كلها وفي كل محل :d ... وبعدين وشو الترند :d ... هلالي طول العمر >>> اللهم آآآمين هلالي من أرض اليمن >>>> ياخي والله استغرب .. على قد ما الغرب فالح وناجح على قد ما عندهم خرافات ما تصدقها اختي الصغيره ... عالم عجيبة والله .. الحين ودي اعرف وش شعور شعب المايا :d ... الحمد لله ع سلامتك طارق :s2: المشاغب وولده >>> ياخي ما اتخيل ان عندك ولد :d .. الله ينجي المجتمع منه ويعطيهم خيره ويكفيهم شره ... :s2: ... ها بشر في قرارات والا سحبوا عليك ؟؟ :s2: باريو >>> سهلة :d ... قلي وين ساكن .. واجيك واضرب لك ابرة مخدره ليوم كامل .. وأصور لك ردة فعل اللي حوليك .. وبعدها ااصحى واتفرج .. :d ... عليك امنيات مدري وش تبي :s2: |
| الوقت المعتمد في المنتدى بتوقيت جرينتش +3.
الوقت الان » 04:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd