|
سامي الجابر هو سبب بقاء ( كومبواريه ) في الهــلال ..!! بسم الله الرحمن الرحيم مدرب جديد .. لانتسرع بالحكم عليه .. عطوه فرصة ..بداية ثم نصف موسم اللاعبين لايخدمونه .. يعدل الوضع ان شاء الله .. مترجم .. مساعد مدرب .. وبالنهايه ضاعت الطاسه ..!! وبعدين ياكومبواريه ..؟؟ حتى المتعاطفين معك والمطبلين لك لم يعد لديهم شئ ليدافعوا عنك ..!! فالهلال ( كان ومازال ) فريق بدون هويه ويلعب بأسمه فقط . لماذا كومبواريه يفعل مايفعله بالهلال باختراعاته ومحاوره وخططه وتدويره في اللاعبين وابتكاره في مراكزهم دون رقيب وحسيب ..؟؟ لماذا لايعدل اخطاءه الفادحه التي يفهمها اي شخص ليس له بالكرة صله فما بالك بجمهور واعي وذواق مثل جمهور الهلال ..؟؟ يبدو ان السبب والحقيقه التي لاغنى عنها يجب قولها الآن سامي الجابر هو سبب بقاء كومبواريه في الهلال ..!! نعم سامي هو من يجعل الفرنسي يتخبط ويخترع دون علم وداريه سامي هو من جعل الكلمه العليا للفرنسي في كل شئ دون غيره يعاقب ويغير ويخترع ويكابر حتى على اخطاءه ويعامل لاعبيه كيفما يشاء . ( ليش يابو عبدالله ) ..؟؟ انت السبب في الرئيسي في ظهور الهلال بهذا المستوى مع كومبواريه لأنك غائب فلا يوجد رجل بعقليتك الكرويه يعرف الجرح فيداويه لأنك غائب لم يكن هناك من يقنع الفرنسي انه يمشي بالهلال الى الهاويه شخصيتك وعقليتك واحترافيتك ونظرتك الفنية التي جعلت افضل المدربين الذي مروا على تاريخ الهلال يأخذون رأيك في كل صغيره وكبيرة واسالوا طيب الذكر ( جيريتس ) من يجهل بأمورنا يعلمه ( سامي ) من لايعرف ادق التفاصيل عن اللاعبين يخبره ( سامي ) من يجهل تاريخ الهلال يذكره ( سامي ) من لايعرف جمهور الهلال يحذره ( سامي ) .. صدقوني لو كان سامي موجود لما شاهدنا هذا التخبط من الفرنسي لسبب ان الحلقه مفقوده بين الادارة والمدرب وكان هذا دور سامي . وصدقوني ان كومبواريه لايجد من يقول له ( لا ) تحت ذريعه لانتدخل في المدرب حتى وهو يتخبط .. !! ولو كان احد بحجم وقيمة وتاريخ سامي لعمل الفرنسي له الف حساب . سامي انت السبب في تواجد كومبواريه ( لأنك ) خارج اسوار الهلال ..!! ختاماً / ماقلته يعتبر وجهة نظر شخصية وقد يقول البعض لاينفع البكاء على سامي ولكن هي كلمات في خاطري لعلي ( افضفض بها ) واختمها بـ : سنظل ننتظرك ياسامي وستعود يوماً بأذن الله . |
الكل يحترق وكمبواريه يسرح ويمرح بالأمور الفنيه ومحد يعاتبه..!!! |
ولو رجع سامي ما راح يتركونه في حاله وللاسف منهم هلاليين بعد |
ليت سامي موجود ما كان شفنا السباااك يتحكم في النادي !!!!!!!! |
والله سامي اسطوره بس في الهلال اساطير النعيمه و يوسف و نواف التمياط و ابو ثنين و محمد الدعيع اتمنى تعين واحد منهم مع كومبواريه |
إقتباس:
|
والله هالمدرب مدرب وش يبي من الهلال والهلال مدري وش يبي فيه !!!! |
حبيبي هذا خطا اداره سامي ماله دخل هو راح يشوف مستقبله والله يوفقه كان بمكانهم يحطون مدير كوره يساعده ويفهمه وش زبدة الفريق اما يخلونه على كيفه اكيد بيخبص وجاي اكثر بعد لازم يجي مدير كوره بالعربي |
انت أول واحد بتتهم سامي بمجاملة اللاعبين والواسطات ووتهم الادارة انها نصبت سامي مدير فني للفريق لانه خوي الرئيس خل عنك واترك سامي في حاله لانكم جمهور ما ينعطى وجه مع احترامي لكم ولو فاز الهلال على الفتح بشوفكم كلكم ترقصون دقني من الفرحه وتحطونه اسطورة المدربين وعلى اول خساره صار سباك |
سامي محارب من بعض اعضاء الشرف الداعمين بدليل لما طلب تدريب الهلال قالوا له لسه بدري وجابوا ذا النكبة اللي مايفهم شي ابد على بالهم احسن من سامي وتناسوا ان اللي جاب كاس ولي العهد اللي راحت هو سامي الجابر ماهو هاشيك |
سسسامي مليت ونا اكتب لايرحل لايرحل سامي هو الوحيد الي عنده غيره على الفريق سامي هو الوحيد الي يدافع عن النادي ولاكن الاعبين يقولون انه قاسي عليهم ومايرتاحون له علشانه يطالبهم بالانضباط وهم يبونه ضحك مو جديه وبالاخير من نفس اعضاء الشرف الموجودين وكبار الهلاللين يطالبونه بالرحيل وعدم تدريب الهلال لاكن سيرجع وسيعود وحده يحارب (الاعبين+الادارة+ الاعلام+ الاندية الاخرى +الاعلام الاصفر الوصخ +الجماهير) كل هذا سيفعله وحده والسبب غيرته لهذا النادي |
كوزمين لما رحل للعين ظهر تأثيره على الفريق في أقل من موسم وحصل على الدوري الإماراتي والآن متصدر الدوري للسنة الثانية ومدرب النصر الجديد ظهرت لمساته على الفريــق وكان موفق النصر بالتعاقد معه أما وضع الهلال مع الإدارة الحالية فـتفاوض 22 مدرب وتقع على مدرب دون المستوى الظاهر أن المساعد الجزائري صاحب الخبرة العريضة والذي تم انهاء خدماته كان له دور إيجابي على الفريق ...هل ممكن يكون بدل كوامبوريـــه |
لالا ياأخي العام الماضي ضاع الدوري وسامي موجود فلاتأثير لسامي ....نحن الان قريبين جدا من الدوري وافضل من العام الماضي .......جربنا سامي سنوات ونحن نخرج من اسيا نريد ابوثنين او مساعد للمدرب حسين الحبشي |
ولو رجع سامي ما راح يتركونه في حاله وللاسف منهم هلاليين بعد |
كومبوارية اكثر من رائع ،،، يعني تبي كومبوارية ينزل ويشوت الانفرادتين بدل يو والحارثي عشان يسجلونها اهداف !! غريب امركم يا زعماء فريق ينافس على بطولة الدوري وواصل لدوري الثمانيه وتنتقدونه !! الهلال يحتاج الي شيئين اذا توفرت راح يبدع اكثر مع المدرب الرائع كومبواريه نحتاج صانع لعب حقيقي مو زي الدوسري والعابد وعزوز انانيه اكثر من الازم ونحتاج محور دفاعي قوي بامكانيات رادوي فقط وتشوف الهلال كيف ،، |
| الوقت المعتمد في المنتدى بتوقيت جرينتش +3.
الوقت الان » 03:08 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd