السلام عليكم ورحمة الله وبركاته



بختصر موضوعي في كم سطر وبيكون باللون الاحمر اخر الموضوع

وفي البداية
ابوفيصل اتمنى ان تكون على خير مايرام


اذا تبي مصطلحات لحشو الموضوع وتناسب مخاطبة امير وشاعر ابشر خذ
ايديولوجية وميتافيزيقيه ورومنتيكيه وسايكيولوجيه وسيرياليه وبايلوجيه وحلمنتيشيه
الي ان نصل الي
مشاغل سموك وسموك الكريم ولايخفى على سموك وشبيه الريح

هنا الزبده
الفريق تغير بنسبة 50% الي الأسوأ من يوم راح رادوي
الهجوم مايثق في اللي وراه
والدفاع مايثق في اللي امامه
فريق غريتس كان ردوي
فريق الخمسات كان رادوي
فريق المتعه والحضور الجماهيري كان رادوي واللي يحضر معه

الحين حامض على بوزنا رادوي بعد ماراح للعين وشوف العين قبل يجيه وشوفه الحين

لاعب محور بمواصفات رادوي يحتاجه الفريق

نحتاج لاعب يكون مدافع خلف ياسر وويسلي
نحتاج لاعب يكون مهاجم امام منجان والمرشدي
نحتاج بالعربي لاعب من اول لمسه يثق فيه كل الفريق ويعرف ان اي زله منه فيه لاعب يعدلها
ما انتقدنا الزوري الا بعد ماراح رادوي
ما انتقدنا المرشدي لا بعد ماراح رادوي
كل اللاعبين يحتاجون لاعب قائد وثقه يصحح اخطائهم
ووضيفة المحور الرئيسية تصحيح الاخطاء سواء من المدافعين او المهاجمين

والله لو تجمع لاعبين السعوديه كلهم بالملايين مايسوون شي ولك في النصر عبره جمع نص لاعبين السعوديه ما اخذوا الا الخمسات وجاب المصري حسني وشوفه الحين وش يسوي

ابوفيصل انا شايب ماني شاب واعرف بالكوره واعرف تشكيلة الهلال قبل 43 سنه ومن طقة السنتره اعرف حنا راقين سنود او مدحدرين

وتكفى لاتسمع اللي يقول نحتاج صناع لعب
حنا عندنا مصانع لعب ومصانع دفاع واظهره ينشد فيها الظهر
بس نبي محورVIP مع محمد القرني وبتدعي لخوك الشايب