والله حرام الشلهوب شفت لمساته في مباراة
هجر كان مبدع
ولمسته في مباراة الاهلي اول لمسه وصنع هدف
المدرب هذا بيجيب العيد في هلالنا

الله يستر من القاادم

الشلهوب + سالم الدوسري + يحيى المسلم .. راح ينتهون سريعاً مع هذا المدرب !!!

لا يوجد صانع لعب غير الشلهوب ومع هذا ما يلعب ؟!!! في مخ كومبواريه خاجة غلط !!!

اتمنى فعلا من كافة جماهير الزعيم ممن يهمهم امر ناديهم قبل الشلهوب وغيره من اللاعبين
ان يرتفع صوتنا ويصل لادارتنا بكل قوووووة .. فتواجد الشلهوب ويحي مسلم وسالم الدوسري
بدكة البدلاء وهم يملكون امكانية ترجيح كفة اي فريق هو قتل لهلالنا من الوريد للوريد وسندفع
ثمن ذلك غاليا ان لم نتدارك الأمر .. فانتصارنا في الجولات الماضيه التي يتفاخر بها كمبواريه
ماهي الا بمجهودات لاعبين اكثر مما هي تكتيك مدرب .

علمت"دنيا الرياضة" ان اجتماعا عقد بين رئيس الهلال الامير عبدالرحمن بن مساعد ومدرب الفريق كومبواريه امس (السبت) لمناقشة وضع الفريق بعد الخسارة التي تعرض لها من الفتح أول من أمس (الجمعة) وأبعدته عن الصدارة، وتركز الاجتماع عن وضع اللاعبين الأجانب الاربعة وتوصلا الى قناعة بتغيير احد الأجانب الاربعة، ووصلت قناعة المدرب بالمغربي عادل الهرماش الى البحث عن صانع العاب يفيد الفريق في المرحلة المقبلة، وتشير المصادر الى ان البديل جاهز لدى المفاوض الهلالي ولكن الرأي الأخير للمدرب، وتم خلال الاجتماع مناقشة الهبوط المفاجىء لمستوى الفريق في مواجهة الفتح الماضية فجاءت التبريرات بسبب النقص في الفريق من إصابات قبل او أثناء المباراة، ووعد كومبورايه بالتعديل مع اللاعبين في التدريبات المقبلة لتجاوز لقاءات كأس ولي العهد ودوري زين.


المكتوب باللون الاحمر هو رد المدرب حينما ناقشه رئيس النادي عن اسباب الخساره
وعلل ذلك بالنقص !! هل يعني ذلك ان الشلهوب خارج حساباته ؟؟؟؟

نريد توضيح من جاسر الأضواء ..

ماذا انتم فاعلون بالشلهوب ؟؟؟ هل فعلا خرج من حسابات المدرب ولا يريد
الاعتماد عليه او الاستعانه به .

لاحول ولا قوة الا بالله .

المدرب مدري ليه ساكتين له الاداره دمر فريقنا ودمر قوته اللي معروفه بالوسط اللي الكل يحسب لها الف حساب ولايهاجم قدام الهلال والحين يلعب ب3 محاور حتى مع الفرق الصغيره ويلعب بوسط واحد ومهاجمين بالله شلون تبي توصل لهم كور اااخ صار الكل يهاجم الزعيم راحت هيبته مع الفيلسوف كومبواريه والقهر يلعب ب3 محاور وتجي فينا اهداف طيب ياداهيه العب بهرماش والقرني او القرني والفرج وقدامهم الشلهوب والدوسري قسم بالله فريق بدون وسط يلعب بالدوسري والفرج وسالم الدوسري مااقتنع فيه وهو الوحيد اللي برجل يمنى بالوسط ولاعب فيه رووح ولااقتنع فيه ياخي يااداره كلمووه موب على كيفه يطرد لاعبين مميزين سالم مايبيه والشلهوب احتياط وراكنه والغنام اساسي هههه يستهبل ذا ياناس فهموه يااداره موب كل شي على كيفه ناقشوه ان سالم لعيب ماعندنا وسط يمين غيره والغنام نسقوه يلعب عشر دقايق ويغيب شهرين فيه اصابه مزمنه المسكين والله جد اداره لو يقول كمبواريه ماابي الفرج والعابد بتوافقون والقهر مقتنع بمانغان والكوري مايبيلها هرماش بداله صانع لعب برازيلي والكوري محور اسيوي ومانغان مدافع برازيلي ولاعبين محليين محور ودفاع وخلاااص مايبيلها صناعه صاروووخ والله يستر من نجران بهالمدرب اللي 3 محاور وبدون وسط عز الله بيروح الكاس حقنا هالسنه والسبه الداهيه لكن ان شاء الله يحاسبونه ويفهمونه هالدمجه

هذا خطا المدرب اللي يشوف مستوى الهلال بغيب الشاهوب الوسط رايح فيه

اتمنى من المدرب ارجع الشلهوب لمكانه الطبيعي وصارحه شي يقهر انك تشوف الشلهوب حبيس الدكه بسبب قناعة المدرب نبي حمله إلى الشلهوب التشكليه الاساسيه

الشلهوب مهوب مصاب كي يستبعد ولاهو

نعم تم القضاء على الدعيع والغامدي بطرق وصخهههههههههههههه بحجو جيرتيس

ويتم القضاء على الشلهوب بحجة كمبو اريه
ابن مساعد يقتل الهلال..... يوم بعد اخر.......

الاربعاء القادم لا يفصلنا عنه سوى ثلاث ايام .. اتمنى من ادارتنا ان تحرص على
محاسبة المدرب حتى لو تحسب تدخل فمدامه تدخل في صالح مسيرة الفريق لما لا
جميع اندية العالم من حقها تجادل المدرب وتطالبه وتحاسبه وان وصل الامر تتدخل
في عمله ان كان هو يكابر ويعاند . اشكر مروركم واتمنى تفاعل الجميع في المطالبه
بمحاسبة المدرب ومسائلته .

عووووووووووووافي !!!!!!!!!!!!!!!!!!!!