السبب الرئيسي لخسارة الزعيم .. الرجاء من الجميع الدخول
 

مسساء الخير ياجمهور الزعيم...

اولا: هاردلك على الخساره اليوم بس هذي مو نهاية الدنيا باقي الدوري طويل باقي حوالي 11 مباراة وان شاء الله الهلال يتوفق في المباريات القادمه.

ثانيا: انا ابي اتكلم عن خط الوسط في الهلال الا وهم سالم الدوسري وعبدالعزيز الدوسري ونواف العابد ومحمد الشلهوب هذولاء مميزين وخلنا ناخذهم بالتفصيل

1- سالم الدوسري مستواه هابط هذا المستوى ودائم يعاب عليه بالانانيه في اكثر الهجمات

2- عبدالعزيز الدوسري مستواه هابط عن الموسم الماضي كراته دائم مقطوعه واصاباته كثيره

3- نواف العابد لاعب مميز ولكن يجب ان يحافظ على نفسه لاني احس ان مستواه متذبذب

4- محمد الشلهوب كبير لاعبي الوسط الاعب المبدع الموهوب لاعب لااعرف لماذا المدرب يضعه بالاحتياط مع انه وهو كبير في العمر افضل من جميع الاعبين الذين ذكرتهم.

بالعربي الهلال ينقصه لاعب وسط سوبر ستار مثل نيفيز وويلهامسون خلنا نرجع للذاكره لعام 2009 و 2010 و 2011 ماهو سبب قوة الهلال اكيد لاعبي الوسط وهم السبب الرئيسي لتحقيق الهلال البطولات مثل الشلهوب اخذ هداف الدوري عام 2010 وهو لاعب وسط وايضا ويلهامسون اخذ افضل لاعب بالدوري وهو لاعب وسط .
وانا اقول هذا الكلام من تقييم لمباريات الهلال هذا الموسم فالمدرب يلعب سلمان الفرج لاعب وسط متقدم وهو بالاساس محور والسبب الرئيسي لذلك لا يوجد لاعب وسط مميز في الهلال!!.
واايضا لو نشوف المهاجمين ياسر و ويسلي دائم يرجعون للخلف ويستلموا الكورة ويحاولوا بناء الهجمه للفريق مع ان المفروض لاعبي الوسط هم الذين يقوموا بهذا الدور.

وانا سبب كتابتي لهذا الموضوع هو قرب فترة الانتقالات الشتويه لذا اطالب رئيس النادي باان يبيع عقود عادل هرماش ويو بيونغ ويجلب بدالهم لاعبي وسط متميزين فالهلال مقبل على بطولة اسيا خصوصا ان مجموعة الهلال صعبه فيجب على الهلال ان يعد العده لهذي البطولة بقوة هذي السنه.

تحياتي للجميع

اي فريق بدون صانع لعب حقيقي ما ينجح حتى شف فريق الاهلي الموسم الماضي والموسم الحالي كان كماتشو والحين بدون صانع لعب شف كل شوي طالعلي بي هزيمه من فرق المتوسطه

تأكد ، ان الهلال اذا اخذ بطولة لازم يكون الفضل لصانع اللعب

الاسطورة أبو يعقوب قديمًا كان هو من يصنع البطولات ، بصناعة لعبه !

ولاتروح بعيد !! ، التايب ؟ ساهم بشكل كبير بالسيطره على ولي العهد والدوري
وأيضا .. نيفيز ، وكماتشو .. وويلي هامسون !!

معاك صانع لعب - لو انا المهاجم بسجّل !

وش يفيد قوة الهجوم ( ويسلي + ياسر ) بدون صانع لعب ؟

سالم الدوسري والشاهري مالعبووو كيف تقول سبب الهزيمه ...

الادارة تلف وتدور وتخنبق علشان يرجعون ولهامسون ..

اولاً : السلام عليكم
..>

اخواني الزعماء والزعيمات

انا عندي سؤال محيرني ويمكن اكثر الجمهور الهلالي كان يسأل
عن تخبطات المدرب كومباريه > بدخوله تشكيله عجيبه وغريبه

أولاً : اشراك الزوري قلب دفاع >> وانتم تعلمون ان الزوري يعاني في من البطئ واستثمار الفريق المقابل بالهجمات من ناحيته
وكنت ( اتمنى اشراك يحيى المسلم او ماجد المرشدي )

ثانياً : دخول التشكيله بثلاث محاور ؟؟؟؟؟؟؟؟؟؟؟ يعني هل التشكيله الي لعب فيها امام الاتحاد ماكانت مؤثرهـ واتمنى من الاخوان الواصلين مع المسؤلين في نادي الهلال طرح هذا السؤال للرئيس ناااادي ؟
وكنت اتذكر مباراة الهلال امام اولسان تقريباً بنفس تشكيله الدخول بثلاث محاور .................

ثالثاً : لماذا الهلال لا يشرك الشلهوب من بداية المباراه وهو لاعب المؤثر في صناعة العب
الذي يفتقده الفريق الهلالي

رابعاً : لماذا سالم الذوسري مستبعد من التشكيله نهائياً ؟!!!!!! ياجمهورنا ترا لاعب راح تتدمر موهبة وهو حبيس الدكه
وسالم راح ينفعنا بسرعته ومهارته

....>



اتمنى من الرئيس محاسبة المدرب اولاً بأول .. قبل فوات الاوان
ترا الاعذار طفشنا منها ...




لكم جزيل الشكر حبايب قلبي

الله يعطيك العافيه لازم صانع لعب سوبر استار

الفريق بحاجة الى صانع العاب ضروري ويا ريت يجيبون لاعب من نوعية 5 نجوم

وسط الهلال كان الاميز والان الافشل .

والله لو يلعب مثل لعبنا المواسم السابقه

الوسط >> عزوز - الشلهوب - العابد
الفرج

غير ننسى شي اسمه نبي لاعب اجنبي وسط ..

ومشكوور ,,

اخر زمن الفتح يفوز ع الهلال __ كمبوارية حرام علي دمك ماتنفع بريال بهلله بعد يااخوان هذا مدرب ولا حوات صياد سمك والله العتب مو عليك علي جابك للهلال دمر الشلهوب وسالم الدوسري

واحيو الزرافة مانجان يااخوان الهلال يحتاج

رئيس غير عبدالرحمن بن مساعد

مدرب غير هذا المدرب الفاشل

صانع العاب برازيلي

مدافع اجنبي غير مصاب هههههه

سبب خساره الهلال لستايل لبسهم الارجنتين يعني .
لبسهم لاول افضل .

ياخي اول مرة اشوف مدرب لفريق كبير يلعب ب3 محاور قدام فريق 100% مقفل..ثم يلعب ب3مهاجمين (في) فريق 100% مافيه صانع لعب!! اكيد بيخسر..