|
اسبــاب خســـارة الهـــلال.....!ادخل وقوول رئيكـ الهلال خسارته اليوم كشفت الاخطااء في الهلال واولهم المدرب كل مباراة نشوف تشكيلة ولاعبين يلعبون في مواقع غيرمواقعهم مثلا سلمان الفرج مباراتين لعبها في الجناح الايمن والزوري مدافع يدل على عقلية المدرب الغبيه كيف تبي اللاعبين يعطوون اللي عندهم والمدرب جننهم كل مباراة في موقع وعدم ثبات في التشكيلة والاهم الاهم صانع العاب الهلال يفقد هذا المركز بعد ذهاب طارق العجايب نشوف المهاجمين هم من يصنعون ويسجلون باقي اسبوعين على فترةالانتقالات الشتوية اتمنى اشوف بن مساعد يغير هرماش والكوري بالتوفيق للهلال في قادم المباريات |
لحد يقول مرشدي ولا المسلم ولا غيره >>> فقدننآآآ آلروووح كلهه يآسسر , روح آلفررييق هآردلكك للهلال |
مافي الهلال علة غيرمدربه كمبواريه قلتها أول الموسم وأقولها هالحين وضع الهلال مع كمواريه غيرمطمئن إطلاقاً المدرب كل يوم له تشكيلة جديدة وأبعد صانع إلعاب الهلال منذ ثلاثة مواسم (محمدالشلهوب) وصارالفريق بدون صانع إلعاب .. من يصدق أن الهلال يلعب ضد الفتح بثلاثة محاور وهذي هي أهم أسباب خسارة مباراة اليوم مع الفتح وتغييرماركزاللاعبين واللاعب تعود مايبدع في غيرمركزه اللي يرتاح فيه أنا أدري أنه شبه مستحيل أن الأدارة تغيرالمدرب في منتصف الموسم ولكن كمواريه قدراته ليست مقنعة ولازال يجعل من الهلال حقل تجارب |
العلة الكبرى وسبب الكوارث المتتالية والمسؤول عن كل ماحدث ويحدث هو الرئيس الأوحد " ابن مساعد" :ranting: |
1- جملة تدوير اللاعبين اللي جابت الصداع 2- غياب صانع الالعاب وتجميد الشلهوب وسالم الدوسري 3- الاصرار على المرشدي والزوري 3- تهميش وتغييب صوت جمهور الهلال الاداره لاتسمع الانفسها |
سبب الخساره تخبطات كمبورايه في التشكيل وكثره التغير فيها الهلال بحاجه لااستقرار في التشكيل وبحاجه لصانع لعب ومحور دفاعي |
تغيير المدرب لن يحدث والله اعلم لقناعات الرئيس لكن ما اطالب به بدء البحث عن مدرب كبير للموسم القادم |
رأي شخصي المدرب مهما كان ماينفع تغييره في هالوقت واعتقد ركلة الجزاء الفتحاويه اثرت على تراجع الهلال والدوري باقي لسه ماانتهى وخلو بن مساعد على جنب :ba::d |
انا اعرف صديق لي يقول ان اخوه داخل المنتدى بثلاث معرفات وهو نصراوي متعصب كل هذا عشان يسبب فتنة في الهلال . طبعا الان فرصتهم لاحداث الفتنة فأي نقد يكون فيه تجريح وشخصنة اعرفوا ان اللي كاتبه مندس . نريد نقد موضوعي يفيد الهلال ويدل على محبتنا لهلالنا رغم الالم اللذي يعتصرنا . |
لقد كتبت سابقا عن هذا المدرب الفاشل وحددت مواقع الخلل (هو أصلا كله خلل) على الادارة أما أن تقر بفشل هذا المدرب أو ترحل!!!!! نحن نعرف أنه في الغد سوف يخرج عدة لاعبين يمدحون هذا المدرب بأمر الرئيس!!! وأن اللاعبين هم سبب الخسارة!!!!. أي فريق تكتيكي سوف يهزم الهلال وبسهولة وذكرت هذا سابقا. وتحديدا من شهر رمضان ,,,,,,,, هل مازال التدوير في اللاعبين فكرة هذا المدرب الضائع جيده للهلال؟!!! ونحن في وقت الحصاد!!!!!!!! يا ابن مساعد نحن بحاجة أفعال و أول فعل صحيح هو إعفاء هذا المدرب ...... كان يجب طرد هذا المدرب بعد أولسان مباشرة |
انا اقول سبب الهزيمة عدم وجود المرشدي و وجود الزوري بالتشكيلة الاساسية لاننا كلنا انتقدنا الزوري وطالبنا بالشهراني لان الزوري نكبه وهو بالظهير وشولون وانت حاطه قلب دفاع ولا ننسا شراحيلي يوم يترك المرمى ويندفع على مهاجم الفتح يعني من الاخر الزوري مكانه بالدكه وكومبواريه اخطأ بشي واحد اليوم اللي هو اللعب بثلاث محاور لو حط الشلهوب او الدوسري يكون احسن وبالنهاية الحمد لله على كل حال وهزيمة اليوم مهي اخر الدنيا لاكن اهم شي التطوير من مستوى الهلال. |
خساااره مفيده خصوصا ان فترة الانتقالات الستويه قريبه |
اذا لم يدرك القائمون على النادي علة الفريق فالله المستعان والفتح مركز على هذه المباراة بصورة عجيبة قبلها تعادل مع النصر وانتظروا المباراة القادمة له وستًكرون كلامي |
في تصوري ان اهم سبب في الخساره هو غياب الروح واللعب بثلاثه محاور .لا ادري ما الفائده منهم فلاهم يدافعون زين ولاهم يهاجمون بل اغلب تمريراتهم مقطوعه وايضا عند نزول سلمان لعب في غير مكانه وارجو من الاداراه تنبيه المدرب قيل ان نخسر سلمان فهو لاعب ممتاز ولايجب ان يترك المدرب يعبث بالفريق والاداراة تتفرج بحجة ان هذا ماهو شغلهم فيجب مناقشة المدرب فلاهو معقول ولامقبول ان يلعب الهلال بثلاثه محاور امام اي فريق سعودي.فالفريق يفقد بريقه وروحه بهذه الطريقه. |
| الوقت المعتمد في المنتدى بتوقيت جرينتش +3.
الوقت الان » 12:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd