|
الدلال الزايد لياسر القحطاني + العقرب ويسلي بقي له الفتح والرائد ويختم الدوري السعودي السلام عليكم ورحمة الله وبركاته صباح الخير للجميع وتحياتي لجميع الزعماء عندي نقطتين حبيت اتكلم فيهم بخصوص الكابتن ياسر القحطاني وقرار عودته للمنتخب , والنقطة الثانية بخصوص العقرب ويسلي لوبيز والمستويات الكبيرة اللي يقدمها مع الهلال خصوصا في مباريات الدوري . النقطة الاولى : أنا واحد من ملايين الهلاليين اللي فرحت برجعة ياسر للمنتخب لان ياسر عنده الكثير اللي ممكن يقدمه ومن الطبيعي ان يرجع ياسر للمنتخب لان الكل شايف المستويات المتميزة اللي يقدمها ابو عزوز يعني ما اتوقع ممكن احد يتجرأ ويقول انه اللي صار مجاملة لياسر المدلل اللي وقت ما بغى يعتزل اعتزل ووقت مابغى يرجع رجع , مستويات ياسر هي اللي فرضت على المدرب ريكارد انه يرجعه للمنتخب . الموضوع جدا عادي وصار لنجوم كبار على راسهم الاسطورة ( زيدان ) كلنا نتذكر ان زيدان بعد هزيمة فرنسا من اليونان في يورو 2004 في النصف النهائي طلع زيدان واعلن اعتزاله اللعب دوليا بشكل نهائي , وبقرار من المدرب رجع زيدان يقود فرنسا في كاس العالم 2006 وقادها للنهائي ولولا زيدان والمستويات الكبيرة اللي قدمها كان ماتاهلت فرنسا للنهائي . موضوع التراجع عن الاعتزال موضوع عادي لكن اجزم انه في برامج عندنا ماراح يرحمون ياسر ومن ابسط اخفاق للمنتخب بترجع موضة ان ياسر السبب , واتوقع اصلا الحرب بتبدأ من اليوم في برنامج ( ديوانية لاين ) مستحيل قرار رجعة ياسر ما يكون فيه انتقاد وجلد للذات من مقدم البرنامج ومن يجلس على يمينه , اللي ماعندهم سالفه غير ياسر من اعلن اعتزاله الى حلقة الاسبوع الماضي وهم مو تاركينه في حاله ومحسسينا انه لاعب خائن للوطن . العجيب من نقاد هذا البرنامج بالتحديد انهم يطالبون اللاعبين بالاحتراف مثل لاعبين اوروبا ولما نقول لهم عادي موضوع الاعتزال الدولي في اوروبا يقولون لا احنا عندنا خصوصية !! :laugh: ترى انا ما اقصد جستنيه :s2: على العموم بالتوفيق للكابتن ياسر القحطاني وان شاء الله نشوف مستوياتك الكبيرة اللي قدمتها في العين والهلال اخر سنتين نشوفها مع المنتخب . النقطة الثانية : العقرب ( ويسلي لوبيز ) هذا اللاعب مستحيل الاقي وصف يليق فيه وبمستوياته الكبيرة اللي يقدمها ماشاء الله لاقوة الا بالله , بالنسبة لي اعتبره من افضل الصفقات اللي تمت من عهد ادارة الامير عبد الرحمن بشكل خاص ينقصه بس تتويج مستوياته المتميزة بالبطولات . ويسلي لعب 12 مبارة سجل 15 هدف وسجل في 11 مبارة , يعني ولله الحمد اي مبارة للهلال يكون ويسلي اساسي نكون متطمنين انه راح يسجل , ويسلي لعب مبارة الفتح اللي بالرياض وماسجل فيها لكن هو اللي صنع الهدف ومبارة الرائد غاب فيها وغاب عن اول مبارة للفريق الهلالي مع هجر لكن قدر يسجل في مبارة هجر بالاياب هدفين , وبقي لويسلي فريقين بس ( الفتح - الرائد) ويختم الدوري السعودي :d لو سجل بيثبت للجميع انه صفقة ناجحة رغم كبر سنه الا انه كان لاعب منتج ومتميز في كل مباريات الفريق بالاضافه لقيادته للفريق , لاعب جدا ثقيل وله وزنه وكلمته في الملعب اتمنى له التوفيق ولجميع الاعبين ان شاء الله . والله يوفق فريقنا اليوم في مبارة الفتح وان شاء الله الصدارة تستمر هلالية :alzaeem: وشكرا على متابعتكم للموضوع يا زعماء :ba: |
إنت كاتب في العنواون الدلال الزايد لياسر القحطاني ما اشوف اي رابط بين العنوان و محتوى الموضوع ! |
إقتباس:
:d _ بالتوفيق للهلال اليوم وان شاء الله 3-1 |
بصراحه ما كنت اتمنى ان ياسر يرجع للمنتخب الحين اي خفاق ولو كان تافه وضعوه في راس ياسر عقب ما رجع لمستواه الحين يبلشون فيه تحطيم اذأ ما خاب ظني ان ويسلي سجل في الرائد ع العموم باذن الله اليوم الفوز هلالي مشكور وانا اخوك موضوع جميل |
خذ الزبده)))))الخوف من ياسر على شباكهم (((((المطالبه بياسر للمنتخب هي بسبب تحميل ياسر اي خساره وضربه معنويا وبذلك يتضرر الهلال بعد ان اصبح ياسر يهدف بشكل جيد اما انهم يحبو ياسر ويحبو المنتخب فوالله اكثرهم طروش بحر يكرهون البلد كره العمى فهم مسعورون لاينفع معهم فهم كالكلاب المسعوره تعض يد من تطعمها والله ان زعلت عندما ضم ياسر لان ظاهره محبه وباطنه حقد فهو مشروع تدميررررررررررر. ياسررررررررر عن طريق منتخب اصبح كالحثاله ففي الهلال يهدف بشكل ممتاز وعاد لحركته ومرونته ولا يستطيعو انتقاده لانه ماشي صح وسترى النتائج ستكون سيئه بعد بطولة الخليج على ياسرررررر تمنيت ان يعتذر بشده لان بطولة الخليج لاتستاهل فكاس اسيا بعيد وكاس العالم بعيد ويسلي اصنفه المهاجم الاجنبي الاول بجانب سيرجيو هداف لقطه من افضل الهدافين دون مناازع اذا استمر |
طيب حط موضوع حلو عشان يكون هو مع الكلام حلو مو الموضوع بالرياض والكلام بالشرقيه بالتوفيق يارب للزعيم ولياسسر |
حسستني ان ياسر فيه دلع موطبيعي بكلمة الدلال الزايد لياسر :to: |
حلوه (يختم) تذكرني بايام ريزدنت ايفل 4 ههههههههه موضوع رائع وان شاء الله ياسر يسكت كل المشككين في قدراته |
إقتباس:
إقتباس:
اتمنى قراءه الموضوع وليس قراءه عنوان الموضوع فقط شكرا لكل من شرفني بحضوره:ba: |
دلع ياسر ؟؟؟؟؟؟؟؟ ----- ((للصحه للقوه اشرب الحليب)) |
وآلله مآكنت اؤيد رجعة يآسر للمنتخب .. لآنه بيرجعون يحآربونه . آي هزيمه بيحملونه آيـآهـآ .. ! |
ياسر أخذ على كذبهم وهياااطهم وحقدهم وإن شاء الله يبدع مع المنتخب صحيح كنا نتمنى عدم عودته ,, لكن هو من اختاار العووده وما علينا سوى الدعااء له بالتوفيق لقياادة الأخضر ,, بالنسبه للعقرب لاعب خووورافي وضربة معلم بصراااحه ,, بإذن الله يستمر في إبدااعه ويختمها بالفتح اليوم والرااائد من بعده ,,, |
بصراحه انا مماودي ياسر يرجع للمنتخب . ودي يتفرغ بس للهلال .. لان لو حصل للمنتخب اي اخفاق بيحملونها ياسر :( |
يا رب يوفقهم ويفوزوا في مباراة الفتح |
الله يعين ياسر من الحاقديييين هذا الي اقوله بس |
| الوقت المعتمد في المنتدى بتوقيت جرينتش +3.
الوقت الان » 11:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd