|
قصتي من المدينه الى المسجد الحرام ... وفي الشرائع كانت هناك قصه أخرى ... حاضرين حاضرين ولو لعبنا في برلين أتفقت أناوأثنين من أصدقائي الهلاليين ترك أشغالناو الذهاب الى مكه المكرمه وأداء مناسك العمره وحضور مباراة الملكي مع الاتحاد . وفجر يوم الاحد وتحديدا الساعه 3 فجرا أحرمنا من ميقات ذي الحليفه في منطقة أبيار علي في المدينه المنوره ونمسك الخط على مكه المكرمه والساعه التاسعه صباحا وحنا عند الحرم المكي الشريف وأخذنا عمره وانتيهنا من مناسك العمره الساعه 11 ونص تقريبا ومن الحرم على الشرايع على طول وندور شقه مفروشه علشان نكون قريبين من الملعب وناخذ شقه ونشتري غداء وبعد الغداء طلعت للملعب وأشتريت تذاكر لي وللعيال وأرجع الشقه عشان أرتاح الى وقت صلاة المغرب ونصلي المغرب والعشاء جمعن وقصرن ونطلع للمعلب أنا والشباب وندخل ونحضر المباراه وهناك كانت روعة المدرج وكثافة الحضور الهلالي والتفاعل الكبير كانت أروع قصه وأجمل متعه مع الهلال وجمهوره ومالكم با الطويله بعد المباراه من الملعب الى المدينه على طول والساعه خمسه الفجر تقريبا وحنا في بيوتنا قصص أخرى في عام 2009 حضرت مباراة الهلال والنصر في دور الاربعه في بطولة كاس ولي العهد في استاد الملك فهد الدولي على سيارتي الخاصه وفزنا على النصر وقتها واحد صفر سجل الهدف ولي هامسون الدقيه 6 من الشوط الاول وقبلها بسنه وفي عام 2008 حضرت نهائي الدوري بين الهلال والاتحاد وفزنا واحد صفر على الاتحاد بهدف ياسر القحطاني . وفي عام 2009 حضرت مباراة دور 16 في دوري أبطال اسيا بين الهلال وأم صلال القطري با الباصات اللي تكفل فيها حسن الناقور . وفي عام 2011 سافرت طيران من المدينه الى الرياض لحضور مباراة التتويج با الدوري أمام نجران وفزنا وقتها على نجران 2/1 سجل للهلال الفريدي والشلهوب وفي عام 2012 حضرت مباراة الهلال والنصر في كاس ولي العهد اللي فزنا فيها 4/1 سجل للهلال عزوز الدوسري والشلهوب والكوري هدفين وكان الحضور بسيارتي الخاصه. العتب على قدر المحبه ياجماهير الرياض نعاتبكم على قدر المحبه لكم أحضرو كل المباريات وشجعو الفريق فيها لايقتصر الحضور على المباريات النهائيه ومباريات الديربي والمباريات الحاسمه في دوري أبطال اسيا وهذا لايعني ان منكم جماهير عاشقه للكيان ولكن أنا أتكم بشكل عام عن جماهير الرياض . وهذا رابط لموضوع قديم لي في شبكة الزعيم عن قصة حضوري لمباراة التتويج با الدوري أمام نجران عام 2011 http://vb.alhilal.com/t1017571.html بعنوان قصتي من المدينه الى الملز والعريجاء..... انا وعدتك ياهشام اللحيدان ولزم اوفي بوعدي...... (من القلب شكرا هشام اللحيدان ) |
الله يعطيك العااافيه واااافي ي الذيب |
الله يوفقكم وانتم فعلآ بيضتم الوجه يوم الاحد .. وان شاء الله نشوف جمهور كبير في الاحساء |
يعطيك العافية على الموضوع وما قصّرت أنت واللي معاك والله يقويكم ويوفقك في الدنيا والآخرهـ والله يآخوي في جماهير في الرياض مابينها وبين الملعب إلا دقائق معدودهـ وما تحضر لكن مافي اليد حيله .. واللي ما يبغى يجي عشان عشقه للزعيم لا يحضر أحسن من أنه يجلس ساكت في المدرج أو يحضر بدون نفس بالتوفيق للهلال فوق كل أرض وتحت كل سماء |
اشهد انك كفوو وما قصرت انت واللي معك وهذا ان دل على محبتكم للكيان الازرق هذا هو الحب والمساندة الحقيقية مو مثل البعض يقول ما يستااهلون احضر للاعبين ما يقدمون مباراه او لمستواهم او او من الأعذار اللي ماتخلص ربي يسعدك ويوفقك وكل من يحضر لأجل الكيان ،،، |
بيض الله وجيهكم على الردود المشجعه |
والله انك كفو انت واللي معك وباذن الله كل جمهور الهلال فيهم الخير والبركة والله انا مثلك تعنيت كذا مرة بالسفر بسيارتي الخاصة لكذا منطقة عشان احضر مباريات الهلال |
بيّض الله وجهك انت خير مثال للعاشق الصادق لهذا الكيان .. الله يحفظك ويسعدك .. |
كان وواحد بجنبي جاي من المدينه لا تكون انت وربي ما يحمس المدرج الى هو وياليت جماهيرنا دايم مثلك يالغالي |
مشكورين على الردود المشجعه الله يبيض وجيهكم كلكم |
احد المشجعين للنادي المخلصين , الحمدلله , تعطيل امورك , واللحاق بالهلال للتشجيع لم يخيبون ضنكك رجال الهلال , والحمدلله الله يعطيكك العافيةة ي بطل |
باااااااااااااااااااااااااااااااااااارك الله فيك |
تقبل الله منا ومنكم صالح الاعمال وعمره مقبوله ان شاء الله تعالى وافي يا الطيبن هذا هو جمهور الهلال |
تعلموا العشق يجماهير المقاهي والأستراحات بيض الله وجهك يالذيب |
بارك الله فيك اخوي طيب من ديره اطيب |
| الوقت المعتمد في المنتدى بتوقيت جرينتش +3.
الوقت الان » 05:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd