والله لو اني بالرياض أستحي على وجهي اتكلم بالمنتدى او انتقد او حتى اشكر

خلونا منهم

المباراة الجاية بالشرايع ..شدوا حيلكم ياجمهور الزعيم

الزعيم المركز الاول بلا جمهور على ارضه ...صرنا الشباب مع احترامي للشباب وجمهوره

عندي كلمه صعبه واعذروني عليها الملعب للرجال وجلسه البيوت للبنات ولكم الحكم في اللي موجود بالرياض ومايحضر للمباريات

كلامك صحيح لكن يمكن ظروف الاجواء البارده هي سبب عدم الحضور والاستاد كبير ويوضح شكل المدرج
لو هي بالملز والوقت العصر راح تشوف الجماهير

حضور اقل ما يقال عنه مخجل
يكفي هلالنا متصدر وينافس بقوه
الى متى والمدرجات خاليه من الجمهور

بصراحةة اناا من سكان مدينةة جازان .. لكن اذا لعب احد الفريقين (( حطين ' التهامي )) نشوف حضور جماهيري كبير مع العلم ان حطين يلعب بدوري الدرجةة الاولى والتهامي بدوري الدرجة الثانيه .. فما بالك لو كاان فريق بحجم ومكانةة الهلال .. استغرب من جمهور الهلال عدم الحضور وخاصةة ان الهلال في الصدارةة وبكل السنوات نطلع ببطولة واحدة ع الاقل .. لابد من الوقوف مع الفريق في السراء والضراء لانه عشق الهلال فوق كل عذر ي جمهوووور ^.^

ياخي تسلم اناملك فعلا يجب التفاعل من جميع الزعماء ودعم اللاعبين دمت بود

انا من زماان وانا غاسل يدي من الجمهور الرياض كل مباريات الهلال الي في الرياض ماشوفها لانها تسد النفس حتى الاعبين مايلعبون بحماااس لان الجمهور مايحمس ابد

بصراحه اذا تبغى جمهور فعال خذ جمهور جده واترك الباقي ...يااخي لاحضرت مباريات الهلال في جدة تحس بنشوه من قوة التشجيع.

جماهير الرياض حاقدين على اللاعيبه .
نبي اجانب نستمتع مو مثل اليوم نايمين ذبحنا البرد في المدرجاااات بدون روح .
اعتذر من يوم ورايح ماله داعي نحضر في الرياض .
نشوف ابداعاتكم يلي خااارخ الرياض .

إقتباس الرسالة الأصلية كتبت بواسطة !هلالي سالك بالله لو حضر جماهير الرياض فوق خمسين الف هذي روح تحمس . فريق فااااشل

اذا شكل الجمهور انا جاب لي احبط
اجل كيف بيكون وضع اللاعبين
فريق فاشل وهو متصدر الدوري ومتصدر اقوى هجوم من امام اقوى الفرق ومتصدر اقوى دفاع
كيف الحال اقول !!!!!!!!

إقتباس الرسالة الأصلية كتبت بواسطة waw500 وين تجي الروح ومافي جمهووووور كم مره اللاعبين يطلبون الحضور الجماهيري وما طلبوا الا انهم محتاجين تقل يحشدون منكم راحوا الطيبين هذا هو الحق

فعلا راحو الطيبين .(رادوي ويلي تفيز سامي الجابر )
هذا فريق يتاهل وياخذ الدوري بدون حمااس اهداف بصدفه

إقتباس الرسالة الأصلية كتبت بواسطة !هلالي فعلا راحو الطيبين .(رادوي ويلي تفيز سامي الجابر ) هذا فريق يتاهل وياخذ الدوري بدون حمااس اهداف بصدفه

ي عزيزي قل خير او اصمت مع احترامي لك
ماحب طريقة البكاء ع الاطلال
اللي ذكرتهم من خيرت اللاعبين الهلاليين لكن مو معقولا تقف طموحاتنا بعد رحيلهم
اللاعبين بيجتهدوا ويحاول علشان يصبحوا احسن وافضل لاتحبطوهم بكلامكم هذا
ان شاء الله بعد الانتقالات الشتويه راح يزيد هلالنا رونق وجمال
اصبر وادعم الفريق وبأذن الله تجد ما يسرك