|
اعزائي محبي الكيان الأزرق الكل يعلم أن مستوى الهلال في تصاعد مستمر وفي تطوّر رهيب ويقترب من الصدارة فمن الطبيعي أن يكون هناك عمل منظم من قبل اناس معذبهم الموج الأزرق الهدف منه زعزعة الإدارة والتأثير على اللعيبة بكل ما أوتوا من قوة سواء بإثارة مثل هذه المواضيع أو حتى مواضيع أخرى كالتعاقدات أو غيرها وعليه يجب أن لا نلتفت لكل مايثار عن زعيمنا البطل وهنا اســـــــــــتعير كلمة الاسطورة سامي الجابر " استمتعوا بالرحلة ودعوا القيادة لنا " والله الله بالحضور في الدرة اليوم لندعم فريقنا نكاية بالحاقدين على كل ماهو أزرق |
سبب فصخ عقد حسن العتيبي اهي المشاكل الي حصلت من حسن والمدرب كومباريه والكابتن حسن طلع في اكشن يادوري وبين سبب الخلافات , ،، والسبب الرئيسي اللي اطلقه الدكتور ان الاستاذ هشام تبنا موضوع رحيله من الهلال وكان سببه مرتبه العالي الي يستلمه وانه مو كويس واتفقوا الجميع معه الاداريين + المدرب + الامير عبدالرحمن بن مساعد ... والواضح ان الدكتور حقد على الاستاذ هشام وطلع هالتصريح وشكرا |
الله اعلم بس يا شباب لاتنسوا انه في مشكلة صارت بين هشام وحسن العتيبي والرجال يقول كانت في مشكلة بين هشام والفريدي ؟؟؟؟؟؟؟؟ والله نادينا اصبح جداره قصييييير |
كل واحد وراسه ويفهم وش ينقال انا عن نفسي مصدقه |
لا نعلم عن حقيقة ما قال ومن يدعي العصمة والكمال ولكن يجب التأكد إن كان صحيحاً فهذا جرم بحق العلاقات وهي من النميمة ونقل المساوئ |
اعتقد الاداره ابخص ويمكن هذا الفرنسى قال طالما انا مغادر علياا وعلى اعدائى ونحنوا سمعنا من طرف واحد لازم نسمع الطرف الاخر اللحيدان يمكن مظلوم الرجال |
إقتباس:
لا احد يحكم على تصريح نور الدين الا اذا تغير تكتيك الهلال في المباريات القادمه لانه وضح بان جميع المباريات التي حضرها للهلال فاز بها الا مباراة الفتح كانت من نصيب كومبواريه وانا بصراحة اتمنى كلامه يكون الهدف منه التسويق لنفسه لا اظهار حقيقة يجهل عنها الجمهور واتمنى ان يستمر عطاء الهلال وروح لاعبيه بغض النظر عن قناعتي بالمدرب فهذا الوقت غير مناسب لطرح مثل هذه الانتقادات دام ان الملكي يحصد النقاط ويقنع اغلب جماهيره والاهم من هذا كله رووووووح اللاعبين التي افتقدناها من زمن جابر عثرات الهلال وها هي الان تعود:alzaeem: |
والله ماا ندري وش الي بداخل النادي بس ان شااء الله ماا ياثر ع الفريق |
والعلم عند الله ان هالدكتور يكذب ويفتري على هشام اللحيدان طيب يادكتور يافاهم انت مالكـ معنى الا اقل من سنه وتمت اقالتك " ولله الحمد " وهشام اللحيدان معنى من 3 - 4 سنوات او تزيد وماشفنا هالمشاكل وش المعنى هالمشاكل ماطلعت الا بعد اقالتكـ وش يبي بتصريحه ذا بالضبط واللي يحز في الخاطر فيه ناس تصدق هالدكتور " المٌقال " وتتهم هشام اللي دائماً عبدالرحمن بن مساعد يمدحه ويثني على المجهود اللي يقوم فيه بالتوفيق للملكي اليوم امام هجر |
انا اقول لانصدق احد فهم يبون يفرغون الهلال من الرجال المخلصين مره سامي ومره الطلاسي وبعدهم الناقو ثم جاء دور هشام لكن نقول لهم تحلمون كل ذولي نثق فيهم |
أنا ابغى أفهم حاجه وحده. الأغبياء اللي يقولون أن المباريات اللي كان هو يشرف عليها فاز الفريق الا مباراة الفتح أشرف عليها كومبواريه. سلامات ؟ وش تحس فيه انت وياه؟ شلون يشرف على الفريق؟ صار مدرب؟ أصلا ولا مره شفناه في الدكه يوجه اللاعبين أو يتكلم معاهم !! أنا حضرت في الملعب وكنت خلف الدكه وما أشوف الا كومبواريه لحاله واقف ويتكلم !! مدري على أي أساس صار (يشرف) على الفريق !! |
نور الدين هذا كانت وظيفته مترجم فقط فقط فقط , وسبب إقالته لانه اراد ان يكون من ضمن الطاقم الفني لانه يحمل رخصه تدريب رسميه , ورفض المدرب كمبواريه ذلك وطالب بإبعاده لانه يتدخل في الامور الفنيه , وهشام خارج الموضوع من الاساس وليس له علاقه. |
ياحبيبي هذا نور الدين مترجم وليس مساعد للمدرب وللعلم ذكر نجيب الامام وعدد ممن يعرفون اللغة الفرنسية انة لايترجم بشكل صحيح الحمدلله انة راح |
إقتباس:
بالفعل اذا ما ثبت كلامه فهذه مصيبه والله يستر ع هلالنا من الايام القادمه |
اللي خايفين من تدهور النتائج بعد خروجه من الفريق الله يهديكم بس ترى المباريات الاخيره ماكان موجود مع الفريق وكان مستوانا اروع مايمكن وبامكانكم تتاكدون من المؤتمرات الصحفيه والتغطيات فيه واحد جديد بداله |
| الوقت المعتمد في المنتدى بتوقيت جرينتش +3.
الوقت الان » 01:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd