|
عزيزي جمهور الهلال لاتلوم الرياضيه لو ماطلعتك بسم الله الرحمن الرحيم احبتي الرقم الصعب اشوف بعضكم زعلان لتجاهل الرياضيه لكم بالله ع ايش تبي تطلعكم مع كامل احترامي لكم احضرو وابدعو في المدرجات تجبرون الكل وغصب عنه يطلعكم حتى صور الملك مو عارفه ايش تسوي فيها هذه الصورولكم الحكم http://im15./CbUW10.jpg جمهhttp://im27./Cq5e1.jpg جمهورنا اللي تقول ليه مايطلعونه http://files.alhilal.com/images/7793...0254449504.jpg مجلس الجمهور يحاولون ومن حولهم كانهم طرش وعمي مع كامل احترامي لهم http://files.alhilal.com/images/1792...4312502507.jpg وهنا مشتت كانه بهم مرض معدي لو ع الاقل يجلسون جنب بعض ع قله عددهم لكن مع الاسف جماهيرنا ماتحب الابداع الحقيقه مره ايها الجمهور الملكي رجاء لا احد يزعل الصور هي التي تتكلم |
الله يعطيك العافية الله يكتب الي فيه الخير للزعييييم |
بس لاتنسين ان فيه لقطات لجمهور الزعيم الملكي هو تميز بها وبعدين قلده باقي الجمهور |
وهنا مشتت كانه بهم مرض معدي هههههههههههههههههه والله من جد ...:ap::ap: بس صراحه مره شكل المدرجات مخجل معقولا هذه مدرجات الملكي زعيم اسيا :mad::ranting: الله يصلح الحال تعبنا واحنا نلح ع الجماهير علشان تشجع من المدرجات :cry::s5s: بالتوفيق لهلاااالنا :alzaeem: يعطيك العافيه :rose: |
هذا في الأخير تأثير الإعلام .. والأقلام المضادة .. رأينا الحسرة الظاهرة في كلام الأمير عبدالرحمن ... يعني فريق الهلال بدأ يقدم مستويات جيدة .. والرتم تصاعدي .. ولكن الإعلام يقول أن الهلال سئ ومفكك .. ويربطون مستواه بالأسيوية فقط .. الفرق الأخرى تهزم منذ سنوات .. وبعضها لم يتحصل على أي بطولة من سنوات أكثر .. ولكنه جمهوره صامد .. ويحضر .. غريب أمر الزعماء .. |
إقتباس:
امين الله يوفق زعيمنا الملكي ويارب توفق جماهير الهلال ويحسون بقيمة فريقهم ويحضرون |
إقتباس:
لكن المثل يقول الوصول للقمه سهل لكن الاصعب انك تحافظ عليها نعم لا انكر اننا اول جمهور ادخلنا الجماليات للمدرجات لكن اختفينا ومازلنا نتغنى يالماضي الحين هذا زمن جماهير الاهلي مع اني اكرهم لكن هذه الحقيقه وان كانت مره |
إقتباس:
هل هو مجلس الجمهور واالرابطه اما باقي الجماهير ام هو عدم عشق للهلال وللتشجيع ام هو بخل ام هو فقر نبي فقط حل او اجابه بصدق من جماهير الهلال التي لاتحضر عشان خاطر الهلال اتمنى يمر اللي مايحضر ويجاوب بكل صراحه فوالله هدفنا الملكي صدقوني لو فيه حضور كبير هلالي كانت الشركات تشجعت وقبلت عرض الهلال لعمل ملعب لانه بيكون فيه مردود وشهره لها لكن كذا اخاف حتى الراعه بعد موبايلي ماحد يرعى الهلال |
إقتباس:
اصلا لو الاعلام والجماهير الباقيه تشوف خلف الفريقد جماهير وتحضر وتسانده وترد عليهم في الملعب والله مايتجرؤن ع الكلام عليه او ع الاقل يكون بنسبه اقل انا ممكن اعذر الجماهير في حال هزائم ممتاليه لاسمح الله لكن هزيمه المفروض المباراه اللي بعدها تكون خلفه عشان تخرجهم من الضغط لكن مع الاسف يقول والله محضر عشان مستوى |
أقول عسى ماتطيح شمغهم وعقلهم بس .. خبري خبرك عيال نعمة ومستويات راقية مايتنزلون !! |
اتمنى ان نرى عشاق للكيان الازرق ان يحضر بداء من مباراة القادمة باذن الله تعالى نحن مع الزعيم قلبا وقالبا نحن الرقم الصعب لازم نقف مع زعيمنا يعطيك العافية |
جمآهير آلهلال بعد 2010 صآرووآ مشتتين ولآ فيه تنظيم ولآ رآبطه زي آلعـآلم وآلنـآس :( ! |
إقتباس:
احسهم مو عارفين ايش السالفه ع الاقل شاهد جماهير الفريق المنافس وسو زيهم انتم مو بهايهم عشان يقول لكم مجلس الجمهور ايش تسوون |
ملينا من كثرة مواضيع الحضور وآلجماهير أنا معكم بنقطة إن الجمهور الهلالي مقصر بعض الشيء وبغض النظر عن مستوى الفريق .. آنا أشوف أن الجمهور اللي يحضر على وضع ملاعبنا حاليآ أقل مايقال له (شكرآ) وأترفع من كلمة بهايم اللي وردت بآخر رد لك .. ودي لو مره تحضرين الملعب عشان تجيبين معك فيري وخرقة وتمسحين فضلآت الحمام وأنتم بالكرآمه وتشربين بيبسي حآر بعز الصيف ويمنعك عسكري أنك تشربين مويه ....الخ من أسباب طارده لحضور المدرجآت ط³ط¨ظ‚ | ط¨ط§ظ„ظپظٹط¯ظٹظˆ.. ظ…ظٹط§ظ‡ ط¯ظˆط±ط© ط§ظ„ظ…ظٹط§ظ‡ طھظڈط®ظ„ط· ظ…ط¹ ط§ظ„ظ…ط´ط±ظˆط¨ط§طھ ط§ظ„ط؛ط§ط²ظٹط© ط¨ط§ط³طھط§ط¯ ط§ظ„ظ…ظ„ط² مآنبي لحد يقولي هذا فريقك ولآزم تسانده وتقعدون تزايدون على حبنا للهلال .. كلنا عشاق للهلآل بس ملآعبنا للأسف إقل مآيقال عنهآ ( مخخخخيسه) |
ما أحد يشكـ بهلاليتكـ .. وللأمانه الموضوع وضع ع الجرح .. نعاني من عدم تفاعل الجمهور .. وكانهم داخلين سينما يناظرون فلم .. !! مشكورهـ أختي ع الاهتمام .. والله يزين الحال .. |
مايختلف عليه اثنااان جمهور الهلال ليس كالسااابق.. موضوع عدم الحظور وعدم التفاعل يحتاج دراسه من اهل الاختصاص والعمل على الحل.. شوووكرن زعيمه... |
بكل صراحة نحن الجماهير مقصرين في الحضور للمباريات وقاعدين نقول للآخرين ان الهلال هو ( الأكثر جماهيريا ). ولكن للأسف في المباريات لانجد الحضور الجماهيري الكافي لكي ينطبق على فريقنا هذا اللقب حتى أن بعض فرق الوسط والمؤخرة صار حضور جماهيرها أكثر بكثير من حضور جماهير الهلال. ربما يتحجج الكثير بمشاغل الحياة وارتباطاته الأسرية ولكن جميع جماهير الأندية الأخرى أيضاً لديهم نفس المشاغل والأعمال والارتباطات ولكن ربما صار حبهم لفرقهم وحضورهم للمباريات عمل ومهنة مثلها مثل الأعمال التي يتكسبون منها، وربما صار عشقهم لأنديتهم مثله مثل حبهم لأولادهم وأسرهم.. ربما أن حبنا لنادينا الهلال أقل بكثير من حب جماهير الفرق الأخرى لفرقهم.. ربما أننا شبعنا من البطولات التي حققها فريقنا ربما أن الكثير من الجماهير مو عاجبه أن فريقه هو الأفضل محلياً ونتائجه هي الأقوى وبطولاته هي الأكثر. وماراح يحسون الا لو أصبح الهلال من فرق الوسط (اتمنى الا يحدث ذلك). تمنياتي للهلال إدارة ولاعبين وكل من يقف خلفه بالتوفيق.. |
الله يعطيك العافية الله يكتب الي فيه الخير للزعييييم |
الصراااحه الموضوع جاء بوقته s13s الصدق جمهووور الهلال مقصر جدا بغض النظر اخوي (هلال بن زعيم) عن الملاعب او النظافه او المطاعم ليش جمهور الاهلي والاتحاد ماقالوا مافيه نظافه ولافيه مطاعم بالعكس افضل حضوور وتفاعل بالملاعب هذا ان دل دل على عشقهم للنادي مهما كانت الظروف بالنسبه للرابطة عندنا افشل رابطة مع احترامي الشديد لهم بالتوفيق للملكي :ba::ba1: |
شكراً لك سعوديه والهلال ناديه على الطرح الرااقي ،، أتفق معك تماماً. الله يصلِح الحال ،،، |
إقتباس:
اشكر مرورك اخي الغالي |
الله يعطيك العافيه اختي الغاليه ومايحتاج تحلفين انك هلاليه لانك اشهر من نار على علم وكلامك صحيح مية في المية بعض الجماهير او الاغلبية مدري يستحون والا يكابرون المجلس الهلال يتعبون ويوزعون الاعلام وجميع ادوات التشجيع وفيه ناس الله يصلحهم الي يقطع الزينه واللي يرمي الشال على جنب والله مايكسر خاطري الا بعض الاعضاء اللي يشجع ويغني ويبي الجمهور يرد معاه وتشوفينه بس يقشم فصفص . لو تكى في بيته كان اصرف ع العموم الله يعطيكي العافيه مره ثانيه والله يصلح الحال |
دقيقة دقيقة كل واحد له عقل وكل واحد يتكلم بمنطق قبل كل شي اذا بناقش مع كامل احترامي لك ماراح اناقش احد بنفس اسلوبك وتفكيرك انتم مو بهايم !! عيب عليك واستحي ع وجهك الله كرم بني ادم وانتي جايه تقولي بهايم ثانيا بخصوص صورة الملك الا الله يعطيهم الف عافية البنر كبير ومايشيلة الا كذا شخص وبالمدرج طلع شكله مميز وممتاز واهم شي توصل الفكرة انه جماهير الهلال تتحمد الله ع سلامة الملك واذا معجبك جماهير الفريق الثاني الموضوع بسيط قوقل واكتب منتدى نادي الفلاني او يوتيوب وتابع الجماهير موضوع واخرتها ينتقد الجماهير الهلالية ويمدح جماهير السرق والسلب بالامكان موضوع يتعدد نقاطه ومناقشة واسباب وحلول اما موضوع جماهير الاهلي افضل منكم ونستمتع فيه وانتم لا واخرتها بهايم |
إقتباس:
وبعدين ايوه معجبين الجماهير الاخرى واذا انت معجبك حال جماهيرنا اكيد تبيهم يبقون كذا ونصفق لهم اما قولي مو بهايهم هذه الحقيقه ليش زعلان وبعدين تبي تتناقش معي باسلوبي هلا وسهلا ماتبي براحتك مالون بالازرق انا طموحي انه يكون شغل زين مع وصول فكره والا وش له التعب تصدق لولاء المصورين ماكان احد شافها لانها مو واضحه في النقل عشان الحوسه اللي فيها انا مالوم المجلس والاعضاء وكل من تعاون معهم وع راسي بس اللي يتفرج وكانه مو عارف الا الومه وبقوه ع الاقل سو نفسك عندك شيمه وساعدهم دام البنر كبير مو تناظرهم وبتعجب لاتحاولون تدافعون عن بعض الجماهير والله جلوسهم في البيت ارحم |
جمهورنا للأسف من سيء إلى أسوء الله يصلح الحال |
إقتباس:
الحمدلله اعترفت ثانيا البهايم انا قلت انتم مو بهايهم اقرؤ زين رجاء اما قولك الفيري والغسيل مايحتاج تستخدم فيري وخرقه اذا اجبرت لاستخدام الحمام تقدر تشتري مويه وتروح تشوف الحمام الاقل ضرر وخلصنا وبعدين الحمام مين موسخها غير الشعب السعودي اللي عمره ماراح يتحضر يعني اذا الحاجه مو له استخدمها غلط وكانه مستحيل يحتاجها مره اخرى ماعلينا اما البيبسي الحار يعني لازم بيبيسي او اكل ياخي الحمدلله ماراح تموتون من الجوع خلال ساعتين وكلو قبل تطلعون من البيت يعني لازم اكل صدق المقوله المراه اصبر ع الجوع من الرجل والله اتمنى يكون مدرج الهلال ينافس انديه كبيره مثل الرجاء والاهلي والزمالك المصريين وانا ماكتبت الموضوع اللي لمصلحه الهلال وثقتي بجماهيره انه يهمها الرقي به في كل مجال |
إقتباس:
اي والله يعين ويصلح الحال بس ليش باقي الانديه عكسنا نفسي ادري صح انه مستحيل تلقى جماهير كل الملعب يشجع بس فيه في كل جمهور مجموعه تستمتع بالتشجيع الا جماهير الهلال كانهم شخص واحد الا قله ويشكرون ع جهدهم اشكر مرورك |
إقتباس:
نبي حلول اذا جلسنا كذا اكيد الحال بيصير اردى |
إقتباس:
وياليت الجماهير تعطيه اهميه بجد عشان نعرف وين السبب ونقدر ننتقده ونحاول نصححه اسعدني مرورك |
إقتباس:
اتمنى يالرقم الصعب ان تاخذون نقدنا وعتبنا بصدر رحب زي ماتطالبون من الامير ان يتقبل نقدكم من اجل الفريق احنا ايضا ننتقدكم من اجل مصلحه الهلال تدرون ان الاتحاد بعد نهايه عقده مع الاتصالات ممكن يجيه راعيه ب90مليون هل تضنون ان الشركه بتروح للهلال عشانه الاكثر بالكلام بالحضور والارقام نعم جماهير الهلال الاكثر بس الشركات تبي ناس تحضر خصوصا ان الربح الاكبر يكون بالتذاكر |
إقتباس:
مشكور ع المرور |
ان شاء الله يتصلح حال الجمهور وبالتوفيق لزعيمنا الملكي |
.. ٍ جمهور الهلالالالالال بكل المناطق مبدع الا بالرياضضضض |
جماهير الرياض احسهم يافيهم خجل زايد والا شوفت نفس والا مدري وش اسميهم ان حضر ماله صوت ياخي شوف جمهور الهلال بالغربيه والشرقيه طرب |
والله جمهور فاشل. قسم بالله ماتجي مباراه ببريده والا احضرها ماخلي ولا مباراه. انتم وش ناقصكم بالله بس منبطحين بالبيت وتقولون ياسر فاشل والامير ابو مساعد فاشل والاجانب فاشلين. والهلال مالعب زين! |
ياخي استحو على وجيهكم وش خلا الاهلي ينافس. ماهو جمهوره! الا جمهوره. وقسم بالله ان يوم مباراتنا مع الاهلي ان استحي اناضر جمهورنا. ياولد جمهور الاهلي ٢٠٠٠. وحنا ٦٠٠٠. والله ما اسمع الاصوت جمهور الاهلي. |
موضوع على الجرحمشكلة لاعبي الفريق اللي تحت 24سنه او الجيل التالي 8 سنوات وحولها اذا شاف الجمهور تكبلت رجليه وتقول احد مكبلهم. ان اقول حضور الجمهور القليل له فوائد ايضا منها الاحتجاج بطريقه مؤدبه على عمل اداري والله لو تعلمين معانات الجمهور عندما يكون حاضر بكثافه لن اشرهه عليهم صعوبه في موقف السياره الحضور قبل اللقاء 4 ساعات +90دقيقه+مشوار الى السياره وشراء وجبة العشاء والاتجاه للبيت=7ساعات تقريبا جدا متعب مع زحمة الرياض وقرف الحر والبرد نمشي مسافات طويله حتى ندخل الملعب همجيه في الحصول على التذكره+تذكره غاليه على الطالب لان اغلب الحظور طلاب لانه متحمس بس مجرد مايتوظف يسحب بعدفتره بسيطه لانه يعلم سيتبهدل وينسحب في هدوء ويصبح من جمهور البيت او المقاهي فهو يشرب الماء البارد بريال والوجبه الخفيفه لوزين بريال كوب والشاي بريال واعادة اللقطات كل ذلك النعيم 3ريالات يابلاش تفتيش تعسفي تتطفيشي من رجل الامن (طبعا هنا عمله اظافه لعمله الرسمي كما وصلني من بعض العسكر) صعوبه الحصول على المشروبات البارده في الصيف والدخول بها (يعني احضر انا واربع من زملائي لااستطيع ان اجلب لهم اي مشروب بل نروح اثنين ويمسكون اثنين المكان)) عاد حضور واحد معاه سكر هذاقصه وحده دورات المياه اكرمكم الله ننصدم بشده عندما نكون نحن الجمهور 40 الف ونرى اشباح نرى اشياء زرقاء لاتتحرك يجن جنونا ونقول في انفسنا ملايين وعندكم جمهور وعندكم ارضكم ملعبكم دلال وعود تحفزيه (نشك في انفسنا بأننا سبب في الظغط النفسي على اللاعبين ويصلح هم اللاعب ماذا لو خسرنا ماذا سيفعل بنا الجمهور بعكس الجيل السابق يمتع ويمتع ويفرح اللااعب ويفرح العاشق بالحضور /الحضور الكثيف يسبب ظغط وهذا مالمسته فعليا وليس رأي وأخص هنا المباريات المفصليه)) بالمختصر لابيئه زي الناس + نظغط على اللاعبين بشكل غير مقصود ا |
الحضور مو كل مباراة نحضرها وثاني شي وش حادني اجي من العصر لمباراة الساعة 7 ونص؟ مشكلة والله الملعب يعني لا تنظيم ولا شي والهلال معروف ذا امتلى الملعب مافاز مثل اولسان الكوري وام صلال والوحدة الاماراتي والكويت الكويتي ونهائي الـ 3-0 مع الشباب اما تقولين ان الرياضية على وشو تطلعنا هههه يعني انتي مع قراراتهم اللي ضد الزعيم < يارب لك الحمد بس نوعيتك كثرو في منتدانا للأسف بس انتي بنت ماينشرـه عليتـس القناة الرياضية طول الله عمرتس تتجاهل جماهير الزعيم تعمدآ ولا لها اي علاقة ان الجماهير تتفاعل ولا لا . |
اشكر مروركم جميعا وتاكدو انكم كلكم ع راسي وانتقادي هو لسؤ الحضور والتنظيم والا الاشخاص كاشخاص ع راسي همتكم فقط وتعاونكم بنصل لافضل مدرج سعودي والملكي يستاهل الصبر والتضحيه |
حضرنا حباً في الزعيم رغم ما يعانيه !! لم يطلب منا في المدرج اي شي سوى سحب صوره خادم الحرمين شفاه الله لا يوجد تنظيم من مجلس الجمهور ولا يوجد رابطه مثل العالم . ماذا تريدين منا فعله اذا ماكان فيه تنظيم اداري للجمهور ؟؟ المفروض نلوم الي ماحضر للملعب وهذه عاده مقيته لجمهور الرياض .. الي حضرو مشكورين وبيض الله وجيههم رغم عتبهم وزعلهم الا انهم حضروا . |
| الوقت المعتمد في المنتدى بتوقيت جرينتش +3.
الوقت الان » 07:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd