كلهم ماجابو اسيا بس انا افضل محمد بن فيصل اكثر لاسباب

اولا له نظره فنيه فاللاعب كماتشو التايب تفاريس كوزمين جابهم ومحد قد سمع فيهم قبل وبسعر يعتبر رمزي اذا قارناهم باسعار لاعبين هالاداره صح له اخفاقات بالتعاقد مثل جيوفاني وليلو مبيلي بس مو مشكله اللاعبين مو عالميين مثل لاعبين هالاداره يعني يجيب لاعبين بسعر قليل وفايده كبيره يعني نسبة نجاح اقل من نسبة نجاح اللاعب في هالاداره وعلى كل هذا جاب لك اجانب من افضل الاجانب الي لعبو فالدوري السعودي
فمابالك لو عنده فلوس هالاداره والخيارات مفتوحه زي الحين
ثانيا كان للهلال هيبه كسرت خشم الكبير قبل الصغير ولا يضيع للهلال شي ولا يترك حق الهلال مو مثل المثالي صاحب الحس المرهف

ثالثا يكفي وتحسب لادارته انه جاب ياسر القحطاني وكانت المفاوظات تذكرونها نيران مولعه البلوي مستعد يدفع ١٠٠ مليون بس ماناخذه وجبناه لو عبدالرحمن بن مساعد مكانه كان عطاك مواثيق الشرف والمجامله وسقف اللاعب وخرابيط بن مساعد الي ترفع الظغط وكان الحين ياسر جنب نايف هزازي

رابعا كان الهلال فيه روح ماتفرق عن ايام يوسف الثنيان كان اللاعبين المحليين اغلبهم مو محل ثقه من قبل الجمهور العصفور والمفرج والعنبر ومن هالطقه وتخيلو نفوز على الاتحاد وهو توه جاي من كاس العالم ونفوز مستوى ونتيجه مو قوه فالهلال بس في رئيس معهم محسسهم بالروح ايام محمد بن فيصل ما كان المستوى فني كثر ماهو بالروح يلعبون

والاهم من هذا كله تخيل لو ايام محمد بن فيصل في زي عقد موبايلي الحين ولا وراه عبدالعزيز بن فهد ضنك وش راح يسوي

محمد بن فيصل يعاب عليه بعض تصريحاته الانفعاليه شوي

على فكره نسيت شي الي هو ايام بطوله اسيا مع محمد بن فيصل مره سحبو ٥ لاعبين من هلال وودوهم للمنتخب وكان الهلال بيلعب بعدها باسبوع

ومره تخيل لعب الهلال مع النصر يوم هدف احمد الخير وبعده بيومين لعب مع فريق اوزبكي صح الهلال فاز في هالمباراتين بس تخيل فرق يومين بس عن مباراه مهمه فاسيا والاتحاد السعودي رافض تاجيل مباراة الهلال مع النصر وعلى كل الي قلته ضل الهلال بطل

محمد بن فيصل استلم ادارته بعد بن مساعد وكان الفريق متهاااااالك وخلاه بطل

وسلمه لبن مساعد وضاعت هيبه البطل

سقا الله ايامك يابو فيصل

محمد بن فيصل

فترته ذهبيه

فترته جماهيريه

فترته بطولات

فترته حمااااس


فترته حب للهلال يفوق الوصف

فترته جمهوووووووووووووووووووووور هادر

وسلامتكم

الاخ الي يقول اهل مكه واهل البحر زي السمك وهالسواليف

ماشفنا يالحبيب ناصر الشمراني سوا مثل اخويانا

بس الشمراني وراه البلطان

ماوراه ابو احساس مرهف

كلا الرئيسين لهما اسلوبهما واعمالهما الكل اجتهد ولكن استغرب منه تصريحه والحديث عن سامي بهذي الطريقه والكل يعرف من هو سامي هو روح الهلال وقلبه النابض

الله يكيفينا شره وضعه ما يطمن يريد يسوي شوشره في الهلال والسبب ان ابناء مساعد لم يدفعوا له كثير من الملاين عنما كان رئيس الرجال حاقد عليهم وعلى سامي لان سامي عمل في ادارة عبدالرحمن بن مساعد وهو صديق لصالح الحمادي وهو مع صالح عامل لوبي ضد الامير عبدالرحمن وسامي الجابر ويستخدمون الجماهير للوصول الا افشال هذه الاداره هو اكبر من اساء للهلال من رؤساء الهلال ولا ننسى تصريحه الشهير عن التحكيم عقليه قديمه ولا تصلح في هذا الزمان يحتاج الا مراجعت نفسه

إقتباس فلا تلمح يا أميرنا المحبوب بأنك لو كنت رئيساً للهلال لما رحلا .فرحيلهم كان مسألة وقت .

لا ينسى سمو الامير رحيل احمد الدوخي

محمد بن فيصل كان رئيس صوره فقط امام الاعلام
والرئيس الحقيقي ايامه هو بندر بن محمد

محمد بن فيصل عندما يتحدث للاعلام فان لا يختلف عن ابن خالته فيصل بن تركي بمعنى اسلوب ركيك غير مفهو ويتحدث بكلام لايفهمه


ولن انسى ماحييت حربه لسامي اخر سنه من رئاسته
وتصريحه بان الحكام يساعدون الهلال


واعتقد بان انجازاته تعود بعد توفيق الله للامير بندر



عبدالرحمن بن مساعد عيبه الطيبه الزائده اللي تسبب الضعف

غلطتين محسوبة على محمد بن فيصل
الاولى : تعبيره السئ عن استفادة الهلال من الحكام و التي لم يستطيع ايضاح فكرته اثناء التصريح مما جعل اعداء الهلال يستغلون عدم اجادته للتصريح ليتهمون الهلال برشوة الحكام .
الثانية : محاربته لاسطورة السعودية سامي الجابر وهذا خط احمر عند كل هلالي مخلص .

اول مره اشوف عضو شرف هلالي يطلع في مقابلة وينتقد الادارة اقول لمحمد بن فيصل جمهور الهلال يحبك بس ارجوك لو فيه ادارة الهلال شي غلط اتجه للادارة ولا للاعلام ارجوووووووووووووووووووك يا اميرنا المحبوب حتى لاتفقد حب الجماهير

الامير محمد بن فيصل شخصيه قوية ولايسكت على حق الهلال
عيبه الوحيد تقليله من الاسطورة السعوديه الاولى سامي الجابر
الجابر خط احمر مليون خط لاي شخصيه
اما عبدالرحمن بن مساعد دعم ومال ولكن شخصيه ضعيفه
وطيب ومثالي في وسط لايتصلح معه الا شخصية محمد بن فيصل

محمد بن فيصل الرئيس الذهبي

أنا تابعت لقائه ولم يقل أي شيء من كلامك

بالعكس مؤيد للإداره وكلامه عن سامي جداً ممتاز

حيث أنه قال من الأفضل أن المدرب يكون مدير فني شامل مثل كومبواريه وليس ضروري وجود مدير للكره ...هذا ماكان يقصد

وقال عن سامي أنه مميز وربما يدرب الهلال مستقبلاً

وأيضاً قال أن هذه الإداره هذا هو وقتها المناسب ولامجال للتغيير والإستقرار شيء مهم في عالم كرة القدم

فإذا كانت هذه طريقه ملتويه فماهي الطريقه المعتدله والمعقوله حسب رأيك..؟

مع نفسسسسسسسسسسسك حبيبي

محمد بن فيصل افضل رئيس مر على الهلال مع بندر بن محمد

وكلامه كله صحححح وزمن المثاليه وانا الانسان الحبوب الطيوب البريء

ماتوكل عيش يبن مساعد ولاتجيب المستعصيه

ليت ترجع ايامك يامحمد بن فيصل بسسس

لا حول ولا قوة إلا بالله

كل يوم يزداد يقيتي بأن هناك من المشرفين من يريد افتعال المشاكل بالهلال

هذا الموضوع ما فائدته؟
ولمصلحة من؟
وبعد إنتصار طرف على طرف ماذا سيحدث؟
حسبنا الله ونعم الوكيل بس

كل رئيس وله استراتجيه ومحمد بن فيصل فترته كانت رائعه وايضا فترة بن مساعد ممتازه
حصد القاب مثل فترت محمد بن فيصل . لكن رئاست بن مساعد تفوقت بما فعله لمقر نادي الهلال والقوه الآستثماريه بعهده