|
الكابتن ياسر القحطاني .. الهلال أمانة في عنقك .. الجماهير الهلالية كل من سيحضر المباراة ليشارك ويقدم فكرة للكابتن ياسر تفيد الفريق السلام عليكم ورحمة الله وبركاته ، إليك أنت إليك ..نعم أيها القناص أعني .. يارمز الوفاء بعد أساطيل الهلال.. جماهير الهلال علقت آمالها عليك بعد الله .. فتأكد أنك أنت رجل الحسم.. أنت من سيجبر عثرات الهلال في هذا الوقت والظرف العصيب .. معظم لعيبة الهلال كما تعلم كلهم صغار في السن .. ويحتاجون التهيئة النفسية .. بتوجيه منك .. يحتاجون منك لهم بث الحماس .. ورفع الروح المعنوية .. ياسر.. ياسر ..ياسر : هل تسمعني ..أناديك من قلب عاشق للهلال ولفنك .. الهلال أمانة بين يديك .. كن للعيبة الهلال أخاً وصديقا وموجها ومعلماً .. تعامل معهم بكل هدووء وروية .. فن بلا غرور .. حماس بلا تشنج وارتباك.. هدوء بلا برود .. قوة في الالتحام بلا تهور .. ابتسامة في وجوه اللاعبين لاتفارقك .. صدقني ياسر .. وأنا صادق معك كل الجماهير الهلالية المخلصة الأصيلة الوفية ::: كلهم عرفوا قدرك وقيمتك ..والكثير منهم يعرفونها من قبل .. ولكن الظروف والمواقف هي من تبين معادن الرجال .. فالزبد يذهب وأما ماينفع الناس فيبقى ..وانت بقيت في معقل الزعماء فلك منا كل الشكر والامتنان .. شكرا لك من الأعماق ياياسر .. ياسر الآسر .. حقا أسرتنا بإخلاصك وأخلاقك ورجولتك ومعدنك وفنك .. انتهت رسالتي لياسر .. الجماهير الهلالية :: لكل من له فكرة أو وجهة نظر يود تقديمها للكابتن ياسر تتعلق بمباراة الأهلي تفيد من حيث الناحية الفنية أو التهيئة النفسية فليطرحها مشكورا .. وعلى كل من سيحضر المباراة فليشارك ويخبرنا بحضوره .. وسوف أبتدأ أنا أولاً : فأنا بإذن الله سأحضر المباراة .. وهناك أخوة هلاليون سداويون من قطر سيحضرون فأبدأ بتقديم فكرتي للكابتن ياسر : آمل في التركيز على الأطراف بالتفاهم خاااااااصة مع ياسر الشهراني .. وذلك بالإيعاز له قبل المباراة بأنه ولمجرد ماتأتيك الكرة ( وهذا يكون اتفاق سري بينك وبين ياسر الشهراني ) لمجرد ماتأتيك الكرة مباشرة ينطلق نحو الجناح بسرعة عالية جدا .. ولينتبه لمصيدة التسلل .. وأنت مباشرة من غير أن تنظر إليه تشوت الكرة مباشرة لجهة الجناح .. وهذا يكون باتفاق مسبق بينك وبينه .. وأيضا يتم التفاهم بينك وبين ويسلي على هذا الشي وينطبق هذا الشي على الطرف الآخر إن كان الزوري أو نامي أو سالم الدوسري .. لكن آمل التأكيد على ياااااااسر الشهرااااني ..ليش ؟ لأنه سريع جدا ومهاري .. ولايهونون البقية .. ولكنها قدرات ... كذلك نواف العابد آمل توجيهه بكثرة التسديدات بالمرمى .. طلب بسيط من الجمهور الغالي : آمل عدم الصراخ على الكابتن ماجد المرشدي أو نامي او الزوري فإن ذلك سيربكهم ويحبطهم .. ويشتت تركيزهم وذهنهم في المباراة .. وليتفضل بقية الإخوة والزملاء مشكورين بتقديم أرائهم للكابتن ياسر القحطاني .. |
ياسر قائد وفنان وان شاء الله جميع اللاعيبه قدها في المباراه موفقين بإذن الله |
ياسر فنان وهو روح الهلال متي ما لعب .. |
تسلم على الموضوووع وياسر شهادتنا فيه مجروووحه من افضل واميز من قاد هجوم الهلال والمنتخب بس الحق عدل كلمة ( اساطيل ) :s2: قبل لا يشوووفها شامت :razz: |
ان شاءالله من دون يقرأ كلامك يكوون هو حاس ب المسؤولية لانه عارف كم نعزه ونحترمه وحاطين املنا فيه ............ بصراحة اقولها على مدحي القديم ل ياسر ونقدي له قبل موسمين الا ان ياسر اثبتلي ان لاعب ان كان ب اقل امكانايته افضل من غيره صدقت عندما قلت ان الموهبة تمرض ولكن لا تموت بأذن الله انه يوم ياسر ويسلي نبي نفتخر بهجومناا وخاصتن ان متسيد الهدافين واكبر اثبات على تهديفهم هو جلبهم للاهداف بفريق قوي ك الاهلي شكرا لك اخوي |
بالتوفيق للقناص ولزملاءه اللاعبين في الملعب . شكرا لك ... |
:: ياسر الشهاده فيه مجروحه وهو أكثر شخص يعلم كم نقدره وأكثر جمهور وقف معاه جمهور الهلال وبإذن الله ياسر بخبرته راح يقدر المسئوليه بدون توجيه .. وبالنسبه للأفكار والتوجيه لياسر فأتوقع هو فاهم أكثر منـا وفيه جهاز فني أكثر خبره يوجهه حنـا علينـا نحضر ونشجع وبإذن الله الفوز ولا غيرهـ .. عوافي :: |
ياسر رمز للوفاء ياسر قائد محنك ياسر لاعب كبير بالتوفيق للقناص باذن الله تعالى |
إقتباس:
بالتوفيق للكابتن ياسر القحطاني ان شاء الله جماهير الهلال يكونوا عند حسن ظننا فيهم يعطيك العافيه |
.. # الله يوفقه , اتمنى يلعب بمستوى متصاعد مو مره فوق ومرهه تحت |
يـآسسر آلقـآئد الحقيقي للزعيم .. آلله يوفقه يارب |
ياسر شهادتي فيه مجروحه ياسر الإبداع ياسر الأحلام ياسر اللي مايشوف الا قدام بالتوفيق لياسر الليله وب التووووووفيق للهلال الليله |
يآسر لآعب كبير ولمآ تحتآجه تلقآه .. يكفي ولآئك يآبو عزوز مآنلقآه الحين بأي لآعب .. كبيير والكبير الله .. أن شاء الله اليوم أنت من سيحسم المبآراه لنآ يآرب .. |
كنت اكره ابو عزوز بس صراحة الموسم ذا اجبرني احترمه و ارفع العقال له.... ابو عزوز كلنا دعم لك و انت كابتنا - بالتوفيق للهلال و للقنااااص و للعقرب اليوم.... |
سبحان الله ياسر القحطاني حينما يلعب ارتاح على الهجوم وحتى لو مثلا لم يكن في مستوا إلا ان قلبي يضل مرتاح والله بصراحة الكبير كبير وشكرا لك على مضوعك ياغالي |
| الوقت المعتمد في المنتدى بتوقيت جرينتش +3.
الوقت الان » 06:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd