بسم الله الرحمن الرحيم
اما بعد...
هوساوي للاهلي(الله يحفظه)
الفريدي للاتحاد(الله يحفظه)

وربي هم اللي خسروا الهلال


والله يوفقهم بعيداً عن الهلال
موضوعي هذا هو:


هوساوي للاهلي الفريدي للاتحاد
يَ الله والخبر اللي يفتح النفس مع بداية السنه الهجريه الجديده.

ايوه ايوه وربي يفتح النفس خلونا نرجع للايام اللي راحت شويء بس
اول شيء ببدأ بـ(هوساوي)

اقسم بالله العظيم انهٌ من اسعد الاخبار
سمعتها من ان شجهة الهلال
ولكن اللي متحفظ عليه انا
هو ان شخص يوعد ويخلف لا اكثر ولا اقل
اقسم بالله اني ما كنت ابغى اشوفه في الفريق
مره ثانيه.
اللي يفهم كورة يعرف
بأن الفضل يعود لله ثم لـ رادوي في بروز هوساوي
ايوه رادوي كان الحمل الاكبر على رادوي
واذا وصلت كورة للدفاع كانت توصلهم الكورة
شبه ميته يعني تخلصها وانت تضحك ما يبيلها
عبقريه. وكلنا شفنا هوساوي كيف مستواه لما
راح رادوي. ويبررون انه ارهاق ل(هوساوي) ~
هههههه شر البلية ما يضحك
ولكن الحمد لله روحته للاهلي راح تبين
لكم من هو هوساوي واحلف بالله بأن هوساوي
طول مسيرته في الهلال ما قابل مهاجم بمعني الكلمة
وكلنا نشوفه اذا لعب في اسيا ولا في المنتخب
كيف انواع الفهاوه و الخربطه.
وهذا دليل على انه ما اختبر في الدوري السعودي.

ولكن الوعد مباراة الهلال و الاهلي
اذا لعب (ياسر القحطاني) ضد هوساوي
وربي راح تضحكون كثير وراح اذكركم

الله يوفقه مع الاهلي
واتمنى (يحتفظ بـ صور له ايام الهلال
يوم كان شايل الذهب لان اتوقع بيطول
ما يشوف الذهب)


نجي الى موضوع (الفريدي)
(الفريدي) قالها بلسانه (اللي يدفع لي اكثر اللعب له)
وقال كمان (انا حققت جميع طموحاتي مع الهلال)
يعني ما عاد عندي طموح مع الهلال.
شخص ما عنده طموح مستحيل يفيدني
كان انتقاله شيء يثلج الصدر وربي فرحت
لهذا الخبر. (الفريدي) صنعه الهلال ودلله
واهداه رقم اكبر منه ولكن يمكن الرقم خلاه
مبدع ويمكن وسط الهلال خلاه مبدع ويمكن بنسبة ضئيله انه هو بنفسه مبدع.
انتقاله للاتحاد نكسه كبيره في تاريخ (الفريدي)
(الفريدي) كرامته قبل كل شيء.
وسياسة الاتحاد مبنيه على (العربجه)
لاعب واحد يتحكم في النادي
(الفريدي) ما تمشيء معه الامور هذي
مشاكل كثيره بتصير (للفريدي) في الاتحاد
وتذكروا كلامي هذا زين. (الفريدي)
يحب نظام (لا احد يقول لي شيء )
واتمنى من (الفريدي).(يحتفظ بـ صور له ايام الهلال
يوم كان شايل الذهب لان اتوقع بيطول
ما يشوف الذهب)

خلاصة الموضوع
الله يوفقهم مع انديتهم
ولكن ياسر بيوريكم مستوى (هوساوي) الحقيقي
(الفريدي) مشاكل الاتحاد وهيمنة نور ما راح
تخليه يطول في الاتحاد. والمشاكل بتظهر
كثير كثير في الاتحاد.




الهلال لن يتأثر
فقد رحل
يوسف
النعيمه
ابو اثنين
التيماوي
التمياط
سامي
الدعيع
و و و و و و و الكثير
ولا زلنا كل موسم بطولات



((الهلال كيان وليس اسماء))

العتب كل العتب على الإدارة
لعدم استفادة النادي من ريال واحد من الصفقه
وهذا اللي مزعلنا