نادي الهلال السعودي - شبكة الزعيم - الموقع الرسمي - لاتذهب وحيدا للاستاد يوم الاربعاء القادم (طبقة الاوزون)

من اجمل الذكريات في حياتي ايام الذهاب الى الملاعب الرياضية الملز واستاد الملك فهد والراكة بالخبر

الحقيقة متعة لاتوصف ( لوعرفتها المرأة السعودية لازعجتنا مثل ازعاج البعض منهن بالسواقة ).:s4s:

المهم ذكريات جميلة متابعة المباراة من الملعب جو يختلف كثيرا واذا اجتمعت الظروف مثل مباراة شبة مضمونة أو حاسمة يكون الطعم احلى

شطحة : مرة حضرت مباراة ودية مع فريق ياباني او منتخب اليابان الحقيقة نسيت المهم كانت المباراة بالنهار عصرا وكان فيه عرض كارتية من واحد اصلع ياباني بين الشوطين المهم شفت شي عجيب وللحين ماني مستوعب شفت بنت يابانية ( كانت حلوة بنت الذينا)..:wub: داخلة للملعب لا مو بالمنصة معنا بالدرجة الثانية..!!:to:

من سمح لدخولها مدري يعني لو يومها فيه نت كان علوم والسبب والله اعلم لانها جميلة استحو منها ودخلوها..!!:s2: لوها تمساح ماضنتي بتقدر تاخذ تذكرة حتى..!:s3s:

خلصت الشطحة

نرجع للموضوع

الهلال اليوم بحاجة لجماهيره جماهير الهلال من افضل الجماهير بالعالم وليس المملكة فقط ومن يحضر ويسمع نقاشاتهم بين الشوطين او بعد المباراة يعرف مدى صدق كلامي..!s13s

لذلك انا احب الجمهور الهلالي أكثر من الهلال نفسه..!!:ba:

جمهور مايرحم المتخاذلين ولا يطبل لهم جمهور حاسس بقوته وواثق من نفسه ومن الفريق الذي يشجعة

جمهور مرعب بكل ماتعني الكلمة من معنى

الزبدة هذي دعوة مني لكل هلالي صميم ومحب للزعيم بالحضور يوم الاربعاء بكثافة وليس لتشجيع فقط لا نريد الجمهور يضغط على الادارة بالسرعة في احضار لاعبين من عينة رادوي ونفيز:ga::smilie47:
وريفلينو .. هذا بالحالة حكاية:smilie47::smilie47::smilie47:

من فوائد الحضور الجماعي 1 معرفة الاخبار الخاصة جدا ومعرفة اوضاع الفريق 2 الدعم النفسي في حال الخسارة لاقدر الله والحمد لله ماعمري رحت وخسر الهلال تعرفون ليه لان حضور اي مشجع هو دعم ومساندة .!
3 وهذي الي تعنيني جدا بوسط الزحام الذي لايطاق في مدينة الرياض بتكون الزحمة اكثر خصوصا انها يوم الزيارات العالمي للاسر السعودية 4 تخفيف التكاليف من بانزين يعني لو طفران وعندك ظرف وقف بوسط الطريق وخل اخوياك يعبون لك بعشرين.. ومافي مانع تروح مبكر وتغير الزيت والسيفون بعد كله على حساب القطة..!!:s2:
على فكرة ايام ماكنت طالب كنت املك سيارة وعمري 15 اجمع عيال الحارة واخليهم يقطون ودائما ارجع بارباح خصوصا ايامها كان البنزين غالي جدا..!! واذا الهلال فايز يومها مافي مانع نمر على اقرب مطعم ونعبي الكرشة
ايام الملز نمر بوفية عرفة وكثر الشطة :to:

وحديقة معهد المراقبين تشهد علينا احلى فلافل بالعالم ولا ينافسها احد..!:smilie47:
المهم واخيرا الفوائد صدقوني لاحصر لها حتى البيئة وانخفاض العازات من عوادم السيارات ونحمي طبقة الاوزون ونكون سبب في حماية الكرة الارضية السنا جمهور فريق نصف الارض..!!:alzaeem:

بحساب بسيط سعة الاستاذ 60 الف نقول كل اربعة من الجمهور بسيارة 60 الف تقسيم 4 = 15 الف سيارة يعني 45 سيارة بتستفيد احسبوها من جميع النواحي صيانة وقود الخ ..!

وانا اول الحضور المرة هذي بسوي حركة جديدة وهي باخذي عيال وبنات اختي معي بنتين وولد..!!:alzaeem:

والسلام..!:smilie47:

فاصل جربوا وبتشعرون بالمتعة التي اقصدها..!!:yes:

لوكان لي قرار لاصدرة امر بمنع اي سيارة لايركبها اقل من ثلاثة من دخول مواقف الاستاد الي بلحالة الله لايهينه يوقف خارج مواقف الاستاد..!!

هيا يا جمهور الزعيم من اجل طبقة الاوزون ولو حصل تعال للملعب على رجلينك..!!
لو كنت من سكان شرق الرياض اسويها لكن المصيبة ان النادي اقرب لي من الملعب يعني مشي على رجولي خمس دقائق وانا بالنادي وعلى فكرة مرة رحت النادي ع سيكلي الاربعة والعشرين ..؟!!:s2:

ذكريات جميلة حمسني ودفعني لكتابة الموضوع هذا جو الرياض الخيالي اليوم الاثنين..!!

الرياض من اجمل مدن العالم في فصل الشتاء.!؟:smilie47:
يعني تخيل الجو يستمر حتى يوم المبارة يمكن اتهور واروح رجليه بس هقوتكم اوصل بالوقت المناسب؟!
بيجي يوم واسويها بس مو الاربعاء هذا بخليها للفقراوية وراح اوثق روحتي بالفديو والصور .!
اتوقع النتيجة 3 صفر

فيه فائدة نسيتها وجت ع بالي الان وهي انك تفتك من المعلقين الكديش من طقة ولد صدقة وابوه.؟!:ranting:

لو الموضوع طويل سامحوني الجو يسوي اكثر..!!:alzaeem: