مهما صار .. انا عاشق ومتيم بك يا هلال - نادي الهلال السعودي - شبكة الزعيم

إيهاب زكري · #1 17/11/2012, 07:45 PM

السلام عليكم

تابعنا بالمنتدى انقسامات مع خروج الفريدي وهوساوي ناس ضد وناس مع و البعض راح ولام الادارة على خروجهم !!!

يا ناس والله الهلال من عرفناه وعشقناه وهو ثاااااااابت مثل الجبل جاو لاعبين خرافيين واساطره واعتزلوا والهلال مثل ماهو وجاو رؤساء ابدعوا وبعضهم جاب العيد وجاو لاعبين محترفين بعضهم ابدع وبعضهم ما يعرف يدق كوره جاو اداريين عظماء مشو النادي صح وراحوا
جات على الهلال ايام ينصك بالخمسه ويخرج من بطولات ومرت علينا سنين ما اخذنا ولا بطولة ......... لكن بقى الهلال هو الهلال يطيح ويوقف ويرجع يطيح ويوقف وكل مره يوقف فيها ينتفض ببطولات

ليش البعض زعلان ويوهم نفسه بان الهلال خلاص انتهى بمجرد طلعت لاعبين لهم تقريبا موسم كامل بعيدين عن الهلال (رغم ان الهلال متصدر الدوري بدون مستوى)

ناس تلوم المدرب وناس تلوم اللاعبين الاجانب وناس تلوم الادارة وناس تلوم لاعبينا وناس لله درهم همهم الكيان .. ليش اعطينا فرصه للمتربصين بانهم يزرعون هذه الانقسامات ، انتم اكثر ناس عارفه انو الهلال مستهدف ولا يعرفون كيف يوصلون لاهدافهم الا عن طريقكم انتم الجماهير (جماهير العاطفه والفوز فقط) ليش نعطيهم فرصه لتسلق جدار الكيان وهم يحلمون فقط بالنظر اليه

تركنا المدرجات فخارت عزيمة اللاعبين وحماسهم فصرنا نشوفهم في الملعب تكملة عدد حضرنا وخاب ظننا فيهم لكن في داخلنا هناك خلل ليش ما نحاول نصلحه (مش بالعزوف عن حضور المباريات) بالوقوف مع الهلال ككيان

حنا جماهير الهلال لنا كلمتنا اذا البعض يقول الادارة تتجاهلنا هذا واهم الادارة واللاعبين حتى ولو كانوا يجاملون بالاعلام بانهم يريدون افراح الجماهير فهذا صحيح (غصب عنهم مو بكيفهم ) لاننا واعيين وعارفين ايش دورنا اذا الواحد فيهم قصر يلوم نفسه ((الا اللي ما يبي الهلال مثل اللي راحو ))

خلونا من موضوع الفريدي وهوساوي خلاص لاعبين باعو النادي لاجل المال ويمكن لهم اسباب ثانية (مانبي نعرفها) الله يستر عليهم الهلال عمره ما وقف على لاعب او اثنين ، راحو لاندية منافسه وخييييير يا طير انا ثقتي بالهلال اكبر من المنافسين ولو اللاعبين اللي طلعو فاهمين انهم يعرفون طريقة لعب الهلال ويقدرون يهزمونه لصالح انديتهم معلييييييييش بالعكس بيربكون اكثر خاصة لو كانو يلعبون مبارتهم بالرياض قدامنا كجماهير ويعرفون اننا ماراح نرحمهم

وينه الدوخي وينه العويران وينه المحياني وينه الغشيان وينه الجمعان ؟؟؟؟ مو ذولا كانو لاعبين بالهلال ، التاريخ ما ينسى وبكرة اذكركم انو مصير اللاعبين خارج الهلال سيئ مو افضل ابدا

خلونا نوقف مع الهلال وادارتنا لين نهاية الموسم وبعدها اذا انتهى الموسم نجي نحاسب ونلوم .. الهلال قدامه مباريات كبيره ومهمه لابد نوقف معه الان ومستقبلا

تكفون يا جماهير اللاعبين وجماهير الفوز تبغون تعرفون متى يزيد عشقنا للهلال.. اذا انهزم او نزل مستواه يخلينا نصحح ونلتفت للاخطاء ونحلها ويرجع هلالنا مثل ماهو الاول في كل شيئ والارقام خير شاهد لنا

في الختام الهلال مهما عصفت فيه التخبطات ورحيل اللاعبين وتدني المستوى سيبقى عشق يتخلل الدم