|
يسلم رأسك يا ابن مساعد(((ضربة معلم))) نعم نعم نعم الأمير عبدالرحمــــن بن مساعـــــد عمل على حقوق النادي وأمواله من الضياع تعالوا طيب شوي نحسبها مع بعض..... # أول شئ موضوع الفريدي إللي كان سبب صدااااااااع مزمن لنا الهلاليين وش تبغوا من شبيه الريح يسوي؟؟! يحبس اللاعب مثلا في غرفة ع يجدد عقده مع الفريق اللاعب قال يبغى يلعب بجوار الحرم وثاني شئ طلب مبلغ جدا كبير وخرااااااااااافي بالله عليكم ثلاثين مليون في هذا اللاعب (((والله حراااااااااااام فيه نصها))) # ثاني شئ موضوع هوساوي إللي ضحك علينا وما كان صريح من البداية واضح إن اللاعب راح للأهلي عن طريق كوبري محترم قبل ماينتهي عقده مع الهلال رئيسنا قدمله أكبر عرض للاعب سعودي ثلاثين مليون ريال ولمدة خمس سنوات وبواقع ستة ملايين للموسم الواحد لكن اللاعب رفضها، وإلحين يطالب بثمانية ملايين بالموسم الواحد وهذا خلاف السبعة ملايين والنصف التي ستدفع لأندرلخت البلجيكي يعني شبيه الريح وفر من ميزانية النادي أكثر من سبعين مليون ريال في لاعبين لا يريدوا البقاء في النادي فرصة عبدالرحمن بن مساعد في إرضاء بعض الجماهير الغاضبة التي لم تفهم الموضوع بشكل واضح وتقوية الفريق عن طريق: - التعاقد مع لاعبين محليين يكونوا إضافة قوية بالفريق وفي المراكز المعروفة للجميع ويا كثر اللاعبين الممييزين في دوري زين - استبدال اللاعبين الأجانب كلهم باستثناء طبعا هداف الدوري ويسلي لوبيز بأسماء قوية وتصنع الفارق(وليس بالشرط من الدوري الفرنسي) بهذي الطريقة صدقوني سوف يستمر هلالنا بحصد الألقاب وسوف ينسى الجمهور الهلالي الفريدي وهوساوي كما نسينا الأفضل منهم بمراااااااااااحل |
فرصة عبدالرحمن بن مساعد في إرضاء بعض الجماهير الغاضبة التي لم تفهم انا معك الين هذي النقطه , لكن اللي بعد هذي النقطه ما اعتقد بنشوف شئ |
شكرا لك .............. ماراح نفقدهوا بالتوفيق للملكي |
الحمد الله موضوووووع الفريدي وهوساوي يجب تسكيره فيه افضل منهم بالزعيم وربي ما ندمت عليهم بلعكس ربما نكره شئ هو خير لنا وأنا أشوف مستوياتهم كانت في انحدار والجمهور طالب بوضع الفريدي على دكة الاحتياط مدري ليه زعلو يوم راح |
انا مع ما اتخذه سمو الامير 100% كلام سليم ما تفضلت به يا غالي |
ايه هين تتعاقد مع لاعبين جدد اذا الكوري فيه كلام انه ماراح يروح من النادي وانت تقول يتعاقدون مع لاعبين جدد |
اما قولتك الفريدي يبي جنب الحرم هذي فيها كلام واحد جالس يحرج على نفسة اللة عطانا عقول يبي جنب الفلوس وانت الصادق انسان مادي بحت ويدعي المثالية الانسان اللي يحب يكون جنب الحرم يحترم من كبر كتوفة واللذي لة الفضل بعد اللة بماهوفية مبدئة الفلوس ولا كيف يقول عند توقيع العقد انة يقدر ويتفهم ضروف الاتحاد المالية لماذا لايقدر او يتفهم ضروف النادي اللذي ابرزة واوصلة لهذة الملايين ويرد المعروف اما الكذب والسخافات اللتي يقولها يصدق فيها ممن هم مثل عقلية هذة الانواع من البشر اشكرك حبيبي على الموضوع الاختلاف لايفسد للود قضية ودمت |
من حق الفريدي ياخذ اللي يبي اسالكم بالله الاداره اتت مناجل الهلال لا والله جاء من اجل الفلووووووووووووووووس وايضا من حقه |
صدقني غالبية الجماهير ليست حزينة على نتقال الثنائي لكنها تخشى أن يكون نفس الموال مع لاعبين معول عليهم مثل العابد والدوسري عزوز والقرني |
- التعاقد مع لاعبين محليين يكونوا إضافة قوية بالفريق وفي المراكز المعروفة للجميع ويا كثر اللاعبين الممييزين في دوري زين - استبدال اللاعبين الأجانب كلهم باستثناء طبعا هداف الدوري ويسلي لوبيز خليني اخذ من كلامك هالنقطتين .. وبدون تطبيل .. وبدون تهكم .. وماني مندس والله العظيم اني هلالي ، وردي عليك : 1- من هم اللاعبين المحليين اللي يشكلوا اضافة قوية !! بالله اقل عقد منهم كم بيكون في ظل ميزانية مفتوحة من الامير خالد بن عبدالله الرئيس الحقيقي للاهلي وفي ظل اموال تجار جدة اللي كل واحد مشتريله لاعب ومهديه للاتحاد ؟! 2- اما عن الاجانب .. سبق ان اعلنها ابو فيصل .. اللي يتعاقد معاه لازم يكون رخيص وكويس !! .. اسالك بالله هل هذا منطق كروي احترافي !! هذا تعليقي والله يستررر من قادم الايام |
انا مع موقف الاداره واشوف تصرفها هو الصح مشكوووووور |
لن يتوقف الهلال فقد فقد منهم أفضل وأعز على جماهير المملكة عامه من لاعبي الهلال ,, إما بالإعتزال ,, أو بالإنتقال ,,, أو بالإعتزال القسري [[ للإصابه]] فلم يضر الهلال بل نرى في كل عام بطوله فنحمد الله ونشكره كما نقدر لرئيس النادي صرامته ونتمنى أن تستمر |
منهو هوساوي ومنهو الفريدي حتى نحزن على رحيلهم رحل يوسف ورحل سامي ورحل الدعيع والتمياط وبقي الهلال شامخ كالجبل لاتهزه الرياح 0 انا حزين على حاجتين فقط اعطاء هوساوي الكبتنيه واعطاء الفريدي رقم الثنيان هذا منبع حزني0 |
يعطيك العافية على الموضوع الإدارة ماشيه في الطريق السليم والهلال لديه نجوم قادرين على صنع الفارق وهم : العابد والفرج وسالم وعزوز والبيشي والشهراني والقرني مع الخبرة الهلالية الشلهوب وياسر وويسلي مع التوفيق في اختيار اللاعبين الأجانب في فترة الانتقالات الشتويه راح يكون عندنا فريق قوي ومرعب للخصوم بالتوفيق للهلال فوق كل أرض وتحت كل سماء :ba: |
يااخي العزيز اداره الهلال غلطت في حاجه وهي ليش قبل ما ينتهي العقد حقهم ما قالت لهم يالله التجديد والا البيع لنادي ثاني احسن من انهم يروحون ببلاش |
| الوقت المعتمد في المنتدى بتوقيت جرينتش +3.
الوقت الان » 02:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd