السلام عليكم ورحمة الله وبركاته

ياسموو الامير نحن نعلم انك تعمل بجد وتريد استقطاب افضل اللاعبين المحليين والاجانب
لاكن الي نشوفه بعينا تفريط بالنجوم الفريدي وقع للاتحاد بس باقي الاعلان الرسمي وهوساوي وقع للاهلي وباقي الاعلان الرسمي وحنا نتفرج

والكل يعلم اننا عندنا ضعف دفاعي ونشوف هوساوي يروح قدام عينا للاهلي ونتفرج والكل يعلم اننا محتاجين صانع لعب حقيقي مب لاعب طرف والفريدي يروح قدام عيننا ونتفرج انا ادري ان الفريدي اخذ اكبر من حجمه وقام يزايد على النادي وعرضت عليه عرض مغري ورفض يبغا الاقوا لاكن انا الي ابي اوصله هو

هوساوي واعتقد راح علينا وراح للاهلي والفريدي مانبيه بالعربي طلع من خشمي لاعب يبحث عن الفلوس لان اللاعب الي يبحث عن الفلوس اكثر من الفريق ما راح يسوي لك شيء

انا الي ابيه انك تجيب بدال الفريدي يحيى الشهري اقسم بالله ان الشهري افضل من الفريدي بمرااحل واسرع منه ولاعب حماسي مب بارد زي الفريدي ويرفع الضغط
ويحيى الشهري ارخص من الفريدي بكثييييير وراح يفيدنا كثير بتحركاته الكثيره ما شاء الله عليه

والشيء الثاني واعتقد انه فيه صعوبه شوي انك تجيب اسامه المولد بدل اسامه هوساوي وقدم له اقوا عرض ممكن بتكاتفكم انت واعضاء الشرف صدقني بتقدرون تغرونه بعرض مغغرري جدا وبكذا عوضنا الفريدي بالشهري الي اشوفه افضل من الفريدي وعوضنا هوساوي بالصخخره اسامه المولد والي اشوفه بعد افضل من هوساوي

ادري في مسأله المولد بتقولون صعبه والاتحاد مستحيل يتخلا عنه لاكن اقسم بالله الفلوس تغير النفووس
مثلا نعرض عليه 50 مليون لمده خمس سنوات او اربع سنوات والله ان يجي يحبي ادري ان العرض قووي لاكن الي يبي الاسيويه لازم يصير دفاعه قوي عشان مايدخل فيه اهداف كثيره زي الي نشوفه هالموسم اهداف بالخيال تدخل علينا وبكذا ونضرب عصفورين بحجر اننا جبنا الصخخره المولد وان الاتحاد خسر المولد ودفاعه بيضعف واننا جبنا الشهري الي افضل من الفريدي بمراحل يعني خسرنا لاعبين وجبنا لاعبين افضل منهم
بعدين المولد لو مثلا بتقول وقعنا معه 50 مليون كثيره وباقي اللاعبين يبون مثله اتمنى انك ماتعلن عن قيمه المبلغ وبس

ودمتم بحفظ الرحمن

اتمنى كلامي يوصل للامير عبد الرحمن الي يعرف الامير عبد الرحمن او بينهم معرفه تكفون تكفون يوصل له هذا الموضوع والي يبي الاسيويه يضحي لاجلها ويدفع فلوس مب يتفرج

تكفى ياسمو الامير سو على الي كتبته والله انها امنيه واتمنى انها تصير وبتكاتفكم انتم واعضاء الشرف صدقوني تقدرون عليها خصوصا ان فيه اجتماع مع اعضاء الشرف بدايه ديسمبر اتمنى تطرح هذا الموضوع وتقولهم انهم يدفعون فلووس لاجل النادي مب بتفرجون


يالله يا كريم انك توفق الزعيم الهلالي يارب

إقتباس الرسالة الأصلية كتبت بواسطة الكرت الأزرق انتقال الفريدي ليس بتفريط إدارة النادي ماقصرت قدمت له عرض فوق ما يستحقه لكن الفريدي يُريد عرض اكبر مع العلم ان مايقدمه الآن ما يستحق هذه المبالغ اما هوساوي فهو خدع الإدارة عندما ذكر لن اللعب لغير الهلال داخل السعوديه وكان مبيت النيه مع الأهلي وجعل من نادي اندرلخت مجرد كوبري فهذه الأمور خارج نطاق الإدارة واللي ما يبغا الهلال الهلال ما يبغاه الهلال غني عن الفريدي وهوساوي والهلال كيان لن يؤثرعليه اي لآعب والفريدي منذو بداية الدوري وهو إحتياط يعني لن يؤثر انتقاله

انا ادري ان الفريدي ماقدم شيء وعشان كذا انا قلت ابي يحيى الشهري بدل الفريدي
يحيى الشهري افضل من الفريدي بمراحل وراح يفيدنا اكثر ان شاء الله
فعشان كذا انا ابي عبد الرحمن بن مساعد يتعاقد مع واحد افضل من الفريدي الي هو يحيى الشهري يعني خسرنا الفريدي الي ماقدم لنا شيء وجبنا الي افضل منه

اما هوساوي نفس الحكايه راح للاهلي واتمنى نجيب بداله اسامه المولد بأي سعر كان يعني راح هوساوي ويجي الي افضل منه
بالعربي خسرنا لاعبين وكسبنا اثنين افضل منهم وهذا الشيء الي اعتقد راح يرضي الجمهووور كثيييييير واتمنى يصير ان شاء الله

انا ما يزعلني الا الشباب الي يقللون من اللعيبه والله انهم نصابين .....عندهم كانوا نجوم

50000000 مره وحدة ياخي جيب مدافع اجنبي صاحي زي تفاريس وانتهت مشكله الدفاع
يحيى الشهري مطلب جماهير الهلال حتى لوكلف المهم نكسر عين الفريدي ويعرف ان الهلال قادر يدفع وان يعرف ان الهلال ما احد يبنزه لافريدي ولاغيره

تصدق احس ان الحركة الرياضية بالمملكة راح تتغير اذا سمع كلامك
50 مليون للاعب عمره 34 سنه ادري انك تحسبه صغير بس تأكد قبل
ما تزعج اميرنا اللي نايم بالعسل

إقتباس الرسالة الأصلية كتبت بواسطة ابو سلمه الهلالي تصدق احس ان الحركة الرياضية بالمملكة راح تتغير اذا سمع كلامك 50 مليون للاعب عمره 34 سنه ادري انك تحسبه صغير بس تأكد قبل ما تزعج اميرنا اللي نايم بالعسل

ويين من قالك عمره 34 هههههههههههههه عمره 28 وهذا تاريخ ميلاده 16 مايو 1984 حتى تراه اصغر من هوساوي بشهرين

إقتباس الرسالة الأصلية كتبت بواسطة هلالي صميم 2009 على الاداره الهلاليه التعاقد مع بدر النخلي والله انه افضل

الله يكتب اللي فيه خير للهلال

ما فيه ردود موضوعك وما فيه يا قلبي
باختصار

الفريدي وهوساوي يبون فلوس فوق طاقة النادي. مسألة ستحقون او ما يستحقون؟؟

وانا مع الامير عبد الرحمن بن مساعد قلبا وقالبا وراح تثبت لكم الايام

بعدين ياقلبي يا عمري يا عيوني وش اللي خمسين مليون!! (اسامه المولد) اجل فهد المولد بـ 100 مليون

الهلال متصدر الدوري بدون اسامه ولا الفريدي كل الاحترام والتقدير لهم


إدارة المنتدى الموقرة ممكن طلب ولا عمري بحياتي طلبت احد
ممكن مشرف على هذا القسم لفترة محدودة فترة محدودة فترة محدودة !!؟
ولا اريد إلا خاصية حذف المواضيع

ليش زعلان مافي تفريط ولا شي الفريدي باشا شايف انه اعلى من اي لاعب سعودي وماخذ مقلب في نفسه وماراح يفلح مع الاتحاد لو يطير وهوساوي عاد هذا له بيت شعري انت كمله
لاتشتري...............الا والعصا معه...................
ولاتخاف الامير عبدالرحمن راح يتصرف تراه امير وله كلمة
وافهم يافهيم

خانة هوساوي يجب جلب محترف اجنبي كبير فيها ... لانه لا يوجد قلوب دفاع السعودية افضل من هوساوي والمولد ... لكن في الخارج يوجد من هو افضل بمراحل كبيرة

ابن مساعد جاب رادوي ونيفيز
ولكن اخذ جميع مادفعه م قيمة بيعهم
ولا عنده نية يدفع ريال واحد
اخذ الشهره على حساب النادي وجماهيره
وعبدالعزيز بن فهد كان يدعمه تركه الان
بالعربي الرجال مطفررررررررررررر
اخوه عبدالله يرفض صرف ريال
بدون ان يرجع ريالين
شغل حضارم والدليل الكوري رفض بيعه
عشان ماجاب مكسب كويس لهم
والضحية الهلال