نادي الهلال السعودي - شبكة الزعيم - الموقع الرسمي - سقف الهلال يضر الهلال ~~~~~ إدارة الأهلي وَ إدارة الهلال

إقتباس:

الرسالة الأصلية كتبت بواسطة هـHILALـلال (مشاركة 20874010)

اشكر كل المتداخلين
اخي الزعيمي ماجد
انت تقول شكرا للادارة لانها وضعت حدا للاعبين الصغار
وهل تعتقد اخي انهم سيرضون بسقف ناديك مادام ان هناك
من يدفع لك اكثر منه
هذا سياسة تقتل الهلال ويستفيد منها الآخرين
اذا لم تتفق ادارات الاندية كلها فتطبيقها من جهة واحدة يعتبر
فشلا لهذا النادي ولايحسب لها
وانت تقول ان هؤلاء اللاعبين سيطالبونك .. نعم سيطالبونك
وان لم تدفع لهم كحال الاندية الاخرى فهناك من ينتظرهم
وانسو كلمة وعد وولاء وابن النادي فهذه ملايين يابن العم
هذه بوادر الخروج تلوح بالافق لنواف العابد فتوقيعه مع
حامد البلوي هو بداية لانشقاق هذا اللاعب اذا الهلال لايستطيع
ان يوفر له عقد مثل مثل ما حصل عليه الفريدي وهوساوي

امر اخر انت تقول ان الاهلي عنده داعم كبير الامير خالد بن عبدالله
كان عند الهلال ماليس عند الاتحاد والأهلي والشباب والنصر مجتمعين
من اعضاء الشرف الاقوياء والاقوياء جدا
اين هم الآن ومن حاربهم ومن ابعدهم عن النادي غير ابن مساعد
لابارك الله بالخصخصه ولا بساعتها التي جعلت النادي
يفرط باعضاء شرفه ونجومه من اجل تعويض خسارة
لاعبين اجانب فاشلين

وسنكون محل سخرية الاخرين لاننا جالسين نضحك على
انفسنا ونقول للن يستفيد وسيندم الفريدي وهوساوي
وستكثر مشاكل الناديين
وانا ارى انهم اضعفوا فريقنا واستقووا علينا فبالرغم من
وجود مبالغ مالية عليهم الا انهم استطاعو جلب هذه
المبالغ من اعضاء الشرف
اما نحن فقد وضع الامير عبدالرحمن سقف الهلال حتى
يمنع اعضاء الشرف من جلب اللاعبين
في حين كانوا يسكتون كل من يجرؤ على منافسة الهلال
فياسر القحطاني جلبناه رغم منافسة البلوي وكذلك المحياني
والآن عجز نادينا عن الاستفاده ولو بمبالغ للنادي من هذه الصفقات

مشكلتنا اننا نرى ان ابن مساعد يعمل من اجل الهلال
وهو حقيقة يعمل على اسقاط الهلال
ونحن نرى توفيق الخليفة وبتال القوس هم من ينقلون
لنا اخبار نادينا ...

وفق الله الجميع

دعك عن ابن مساعد ودعك عن نيته ومصداقيته ماإذا كان يعمل لصالح النادي أو ضد النادي والتي للأسف لم أتوقعها من مشجع هلالي !! لكن مع هذا أنا أقولك دعك من هذا كله واتركنا عن ابن مساعد وعن نفعه من عدم نفعه وخلني أقولك : إنه فيه نقطة مهمة أنت ناسيها : ألا وهي إنه هالأندية اللي انت تقول إنها راح تاخذ لعيبتك .. صدقني ماراح يستمر وضعها بالشكل هذا !! لسبب بسيط من وين لهم هالملايين هاذي كلها اللي يدفعونها بلعيبتنا اللي أنت تقول أنهم بياخذونهم ..
الآن على كلامك هذا .. مقدم العقد لوحده فقط لو افترضنا أنه لاعب مثل الفريدي طالب أقل شي نقول35 مليون .. مقدم العقد لوحده للاعب واحد راح يستهلك منهم ميزانية عام كامل ؟؟ أنت وين عايش ؟ ويييين ؟ من وين بوفرون هالمبالغ هاذي كلها ؟ إلا إذا انت شايف إنهم يتعاملون مع عصابات المافيا والياكوزا تمدهم !! هذا شي ثاني .. لكن بالمنطق لو خطفوا منك لاعب هالسنة هاذي ثق ثقة تامة إن هاللاعب هذا راح يكون لعنة عليهم ومصيبة وكارثة ..فإذا مثل ماقلت لك سوزا لاعب ارجنتيني ماهم قادرين يسددونه حقوقه ؟؟ تقولي عاد الفريدي !!!
ترى حتى الأهلي اللي ينقال عنهم إن عندهم خالد بن عبدالله .. أنت تدري إن صفقة أسامة بحسب المبلغ المذكور مكلف عليهم فقط أسامة هوساوي لوحده ميزانية حقوق رعاية عاااام كامل ؟؟ هل تعلم بالشي هذا ؟؟ ولا تظن إن لعيبة الأهلي الباقين سيسكتون على الشي هذا .. لا حبيبي .. راح تشوف الحزازات بينهم ورفع الأسعار والمزايدات على النادي .. يعني يجيك واحد مثل مصطفى بصاص وهو لاعب بالمنتخب وصغير في السن ويشوف هوساوي البالغ من العمر 29 وعلى مشارف 30 ويتعطيه الإدارة مبلغ وقيمته 35 مليون ؟؟ وش بيقول بينه وبين نفسه ؟ بالتأكيد راح يقول مو افضل مني !! على الأقل أنا أصغر منه في السن وينتظرني مستقبل .. فليش ماأطلب من الإدارة مبلغ وقدره 40 مليون .. باعتبار أنه يشوف روحه افضل من حيث الخانة وصغر السن وباعتبار انه لاعب بالمنتخب ؟؟ بالله وقتها وش راح تسوي الإدارة ؟ بالتأكيد ببتوهق وتتورط .. وقس على ذلك بقية لعيبة الأهلي .. ترى الأمور لابد تكون مدروسة دراسة دقيقة وفق خطة استراتيجية .. وإدارة النادي وأنا أخوك ماتنظر للفريدي او الهوساوي بنظرة حالية .. هي تنظر لأمور أبعد من كذا ..
أقولك هالأندية اللي انت تقول انهم راح يخطفون لعيبتنا .. أنا أقولك إذا خطفهم للعيبتنا راح يرهقهم ماليا وماديا ويخليهم يتورطون وبسبب هالتورط راح يتعطلون وبتعطلهم راح يخدموننا بتحقيق البطولات عساهم يخطفون كل لعيبتنا .. وش رايك ؟؟ أنا أبغاك تنظر للمسألة بشمولية ولا تحصرها من زاوية وحده فقط .. إنه والله خطفوا وما خطفوا !! ودي شوي تكبر آفاقك ورؤيتك ..
لكن انا لي وجهة نظر وأتمنى الإدارة تأخذها بعين الاعتبار :
وهي إنه أي لاعب هلالي يتعاقد مع وكيل أعمال ( لمجرد أن ميوله غير هلالية ) سواء شبابيه أو اهلاوية أو اتحادية أو اي نادي اخر ..مباشرة يعرض اسمه على قائمة الانتقال للاستفاده منه .. بالطريقة هاذي راح يحرصون لعيبة الهلال إن وكلاء أعمالهم يكونوا هلاليين أو على أقل تقدير مالهم أي ميول ..وهذا شبه مستحيل ..